ക​ണ്ണൂ​ർ സെ​ൻ​ട്ര​ൽ ജ​യി​ലി​ലെ ത​ട​വു​കാ​ര​ന്‍റെ മരണത്തിൽ ദുരൂഹത; പോസ്റ്റ്മോർട്ടം ഇന്ന്

ക​ണ്ണൂ​ർ: ക​ണ്ണൂ​ർ സെ​ൻ​ട്ര​ൽ ജ​യി​ലി​ലെ ശി​ക്ഷാ ത​ട​വു​കാ​ര​നാ​യ യു​വാ​വി​ന്‍റെ മ​ര​ണ​ത്തി​ൽ ദു​രൂ​ഹ​ത. മൃ​ത​ദേ​ഹം ഇ​ന്ന് പോ​സ്റ്റ്മോ​ർ​ട്ടം ചെ​യ്യും. മ​ല​പ്പു​റം സ്വ​ദേ​ശി പ്ര​ജി​ത്ത് കു​മാ​ർ (25) ആ​ണ് ഇ​ന്ന​ലെ രാ​വി​ലെ ര​ക്തം ഛർദിച്ചു മ​രി​ച്ച​ത്. ജ​യി​ൽ അ​ധി​കൃ​ത​ർ ജി​ല്ലാ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ക്കു​ക​യാ​യി​രു​ന്നു.

ക​ഴി​ഞ്ഞ ആ​റു​മാ​സ​മാ​യി പ്ര​ജി​ത്തി​ന് ര​ക്തം ഛർ​ദി​ക്കു​ന്ന രോ​ഗം ഉ​ണ്ടാ​യി​രു​ന്ന​താ​യി ജ​യി​ൽ അ​ധി​കൃ​ത​ർ പ​റ​ഞ്ഞു. വ്യാ​ഴാ​ഴ്ച ര​ക്തം ഛർ​ദി​ച്ച​തി​നെത്തുട​ർ​ന്ന് ജ​യി​ൽ അ​ധി​കൃ​ത​ർ ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു.

എ​ന്നാ​ൽ, ഇ​ന്ന​ലെ രാ​വി​ലെ വീ​ണ്ടും വാ​യി​ൽ നി​ന്നും മൂ​ക്കി​ൽ നി​ന്നും ര​ക്തം വ​ന്ന് മ​രി​ക്കു​ക​യാ​യി​രു​ന്നു. ജ​യി​ലി​ൽ കൊ​ണ്ടു​വ​രു​മ്പോ​ൾ പ്ര​ജി​ത്ത് മാ​ന​സി​കാ​സ്വാ​സ്ഥ്യം പ്ര​ക​ടി​പ്പി​ച്ചി​രു​ന്നെ​ന്നും ഇ​തേ​ത്തു​ട​ർ​ന്ന് മാ​ന​സി​കാ​സ്വാ​സ്ഥ്യ​മു​ള്ള​വ​രെ പാ​ർ​പ്പി​ക്കു​ന്ന ബ്ലോ​ക്കി​ലാ​ണ് പ്ര​ജി​ത്തി​നെ താ​മ​സി​പ്പി​ച്ചി​രു​ന്ന​തെ​ന്നും ജ​യി​ൽ അ​ധി​കൃ​ത​ർ പ​റ​ഞ്ഞു.

സ​ഹ​ത​ട​വു​കാ​രി​ൽനി​ന്ന് എ​ന്തെ​ങ്കി​ലും മ​ർ​ദ​നം ഏ​റ്റി​ട്ടു​ണ്ടോ​യെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ട് വ​ന്ന​തി​നുശേ​ഷ​മേ പ​റ​യാ​നാ​കു​വെ​ന്ന് ജ​യി​ൽ അ​ധി​കൃ​ത​ർ പ​റ​ഞ്ഞു. മാ​താ​വി​നെ കൊ​ല​പ്പെ​ടു​ത്തി​യ കേ​സി​ൽ പ​ത്ത് വ​ർ​ഷം ക​ഠി​ന ത​ട​വി​ന് ശി​ക്ഷി​ക്ക​പ്പെ​ട്ട് സെ​ൻ​ട്ര​ൽ ജ​യി​ലി​ൽ ശി​ക്ഷ അ​നു​ഭ​വി​ച്ച് വ​രി​ക​യാ​യി​രു​ന്നു പ്ര​ജി​ത്ത്.