എ​ന്നെ വി​ശ്വ​സി​ക്കൂ, ഞാ​ൻ തെ​റ്റു ചെ​യ്തി​ട്ടി​ല്ല; മീ ​ടു ആ​രോ​പ​ണത്തെ തുടർന്ന് മ​ല​യാ​ളി ടെ​ക്കി​യു​ടെ ആ​ത്മ​ഹ​ത്യ; പരാതിക്കാർക്കെതിരേ കേ​സ് നൽകി സ്വരൂപിന്‍റെ ഭാര്യ

ന്യൂ​ഡ​ൽ​ഹി: മീ​ടു ആ​രോ​പ​ണ​ത്തി​ൽ ഉ​ൾ​പ്പെ​ട്ട മ​ല​യാ​ളി ഐ​ടി ഉ​ദ്യോ​ഗ​സ്ഥ​ൻ ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ പ​രാ​തി ന​ൽ​കി​യ​വ​ർ​ക്കെ​തി​രേ കേ​സെ​ടു​ത്തു. കോ​ത​മം​ഗ​ലം സ്വ​ദേ​ശി സ്വ​രൂ​പ് രാ​ജി​നെ​തി​രാ​യ പ​രാ​തി​യെ​ക്കു​റി​ച്ച് അ​ന്വേ​ഷി​ക്കാ​തെ​യാ​ണ് ജോ​ലി​യി​ൽ​നി​ന്നു പു​റ​ത്താ​ക്കി​യ​തെ​ന്നു ചൂ​ണ്ടി​ക്കാ​ട്ടി ഭാ​ര്യ കൃ​തി ശ്രീ​വാ​സ്ത​വ ന​ൽ​കി പ​രാ​തി​യി​ലാ​ണ് കേ​സെ​ടു​ത്തി​രി​ക്കു​ന്ന​ത്.

പ​രാ​തി ല​ഭി​ച്ച​തി​നു​ശേ​ഷം ക​ന്പ​നി അ​ധി​കൃ​ത​ർ ന​ട​പ​ടി​ക​ൾ പാ​ലി​ക്കാ​തെ​യാ​ണു പു​റ​ത്താ​ക്കി​യ​തെ​ന്നും സ്വ​രൂ​പി​ന്‍റെ നേ​ട്ട​ങ്ങ​ളി​ൽ അ​സം​തൃ​പ്തി ഉ​ണ്ടാ​യി​രു​ന്ന​വ​ർ​രാ​ണ് വ്യാ​ജ പ​രാ​തി ഉ​ന്ന​യി​ച്ച​തെ​ന്നും ചൂ​ണ്ടി​ക്കാ​ട്ടി​യാ​ണു കൃ​തി പോ​ലീ​സി​ൽ പ​രാ​തി ന​ൽ​കി​യ​ത്. സ്വ​രൂ​പ് രാ​ജ് ജോ​ലി ചെ​യ്തി​രു​ന്ന ജെ​ൻ​പാ​ക്ട് ഇ​ന്ത്യ എ​ന്ന സ്ഥാ​പ​ന​ത്തി​ലെ ഏ​ഴു പേ​ർ​ക്കെ​തി​രേ​യാ​ണ് കേ​സെ​ടു​ത്തി​രി​ക്കു​ന്ന​ത്.

ര​ണ്ടു വ​നി​താ ജീ​വ​ന​ക്കാ​രു​ടെ പ​രാ​തി കി​ട്ടി​യ ഉ​ട​ൻ ക​ന്പ​നി വൈ​സ് പ്ര​സി​ഡ​ന്‍റാ​യി​രു​ന്ന സ്വ​രൂ​പി​നെ സ​സ്പെ​ൻ​ഡ് ചെ​യ്തി​രു​ന്നു. ഇ​തി​നു പി​ന്നാ​ലെ നോ​യി​ഡ​യി​ലെ വ​സ​തി​യി​ൽ സ്വ​രൂ​പി​നെ തൂ​ങ്ങി മ​രി​ച്ച​നി​ല​യി​ൽ ക​ണ്ടെ​ത്തി. ത​നി​ക്കെ​തി​രാ​യ എ​ല്ലാ ആ​രോ​പ​ണ​ങ്ങ​ളും സ്വ​രൂ​പ് ആ​ത്മ​ഹ​ത്യാ​ക്കു​റി​പ്പി​ൽ നി​ഷേ​ധി​ച്ചു.

ആ​ത്മ​ഹ​ത്യാ​ക്കു​റി​പ്പി​ൽ സ്വ​രൂ​പ് കു​റി​ച്ച​ത് ഇ​ങ്ങ​നെ: എ​നി​ക്ക് ആ​രെ​യും അ​ഭി​മു​ഖീ​ക​രി​ക്കാ​ൻ ധൈ​ര്യ​മി​ല്ല. നീ ​ധൈ​ര്യ​മാ​യി​രി​ക്ക​ണം. നി​ന്‍റെ ഭ​ർ​ത്താ​വ് ഒ​രു തെ​റ്റും ചെ​യ്തി​ട്ടി​ല്ല. ഞാ​ൻ കു​റ്റ​ക്കാ​ര​ന​ല്ലെ​ന്നും തെ​ളി​ഞ്ഞാ​ലും എ​ല്ലാ​വ​രും എ​ന്നെ മോ​ശ​ക്കാ​ര​നാ​യി കാ​ണും. അ​തി​നാ​ൽ ഞാ​ൻ പോ​കു​ന്നു. എ​ന്നെ വി​ശ്വ​സി​ക്കൂ. ഞാ​ൻ തെ​റ്റു ചെ​യ്തി​ട്ടി​ല്ല. ലോ​കം വൈ​കാ​തെ അ​തു തി​രി​ച്ച​റി​യും.