ദേ​ശീ​യ​പ​താ​ക​യെ എ​ല്ലാ​വ​രും സ്നേ​ഹി​ക്കു​ന്നു..! ദേശീയപതാകയെ അപമാനിച്ചതിൽ ദുഃഖമെന്നു പ്രധാനമന്ത്രി; മോ​ദി​യു​ടേ​തു മു​ത​ല​ക്ക​ണ്ണീ​ർ: ദി​ഗ്‌​വി​ജ​യ് സിം​ഗ്

പ്ര​ത്യേ​ക ലേ​ഖ​ക​ൻ

ന്യൂ​ഡ​ൽ​ഹി: റി​പ്പ​ബ്ലി​ക് ദി​ന​ത്തി​ൽ ദേ​ശീ​യ​പ​താ​ക​യെ അ​പ​മാ​നി​ച്ച​തി​ൽ രാ​ജ്യം ദുഃ​ഖി​ത​യാ​യെ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ക​ർ​ഷ​ക​രു​ടെ ട്രാ​ക്ട​ർ പ​രേ​ഡി​നി​ടെ ഡ​ൽ​ഹി ചെ​ങ്കോ​ട്ട​യി​ൽ ഉ​ണ്ടാ​യ അ​തി​ക്ര​മ​ങ്ങ​ളെ​ക്കു​റി​ച്ചു​ള്ള മൗ​നം വെ​ടി​ഞ്ഞാ​ണു പ്ര​ധാ​ന​മ​ന്ത്രി​യു​ടെ ആ​ദ്യ പ്ര​തി​ക​ര​ണം. പ്ര​തി​മാ​സ റേ​ഡി​യോ പ​രി​പാ​ടി​യാ​യ മ​ൻ കി ​ബാ​ത്തി​ൽ സം​സാ​രി​ക്കു​ക​യാ​യി​രു​ന്നു മോ​ദി.

എ​ന്നാ​ൽ, ദേ​ശീ​യ പ​താ​ക​യെ ആ​രും അ​പ​മാ​നി​ച്ചി​ട്ടി​ല്ലെ​ന്നും ചെ​ങ്കോ​ട്ട​യി​ലെ ദേ​ശീ​യപ​താ​ക ക​ർ​ഷ​ക​ർ താ​ഴ്ത്തു​ക​യോ നീ​ക്കു​ക​യോ ചെ​യ്തി​ല്ലെ​ന്നും ക​ർ​ഷ​ക സ​മ​ര​സ​മി​തി നേ​താ​ക്ക​ൾ പ​റ​ഞ്ഞു.

ദേ​ശീ​യ​പ​താ​ക​യെ എ​ല്ലാ​വ​രും ബ​ഹു​മാ​നി​ക്കു​ക​യും സ്നേ​ഹി​ക്കു​ക​യും ചെ​യ്യു​ന്നു​വെ​ന്നും ആ​രെ​ങ്കി​ലും അ​പ​മാ​നി​ച്ചാ​ൽ അ​വ​രെ പി​ടി​ക്കേ​ണ്ടത് ​സ​ർ​ക്കാ​രാ​ണെ​ന്നും ഭാ​ര​ത് കി​സാ​ൻ യൂ​ണി​യ​ൻ (ബി​കെ​യു) നേ​താ​വ് രാ​കേ​ഷ് ടി​കാ​യ​ത്ത് പ​റ​ഞ്ഞു.

ദേ​ശീ​യ പ​താ​ക എ​ല്ലാ​വ​രു​ടേ​തു​മാ​ണ്. അ​തി​നെ അ​പ​മാ​നി​ച്ച​വ​രെ പി​ടി​കൂ​ടേ​ണ്ടതു ​സ​ർ​ക്കാ​രാ​ണെ​ന്ന് അ​ദ്ദേ​ഹം ഓ​ർ​മി​പ്പി​ച്ചു. കോ​വി​ഡ് വാ​ക്സി​ന്‍റെ കാ​ര്യ​ത്തി​ൽ ഇ​ന്ത്യ സ്വ​യം​പ​ര്യാ​പ്ത​ത നേ​ടി​യെ​ന്നു പ്ര​ധാ​ന​മ​ന്ത്രി പ​റ​ഞ്ഞു.

മ​റ്റു രാ​ജ്യ​ങ്ങ​ൾ​ക്ക് ഇ​ന്ത്യ​ൻ നി​ർ​മി​ത വാ​ക്സി​ൻ ന​ൽ​കി സ​ഹാ​യി​ക്കാ​നും ക​ഴി​യു​ന്നു. ഇ​തി​ലൂ​ടെ ആ​ത്മ​നി​ർ​ഭ​ർ മാ​ത്ര​മ​ല്ല, ആ​ത്മ​ഗൗ​ര​വും നേ​ടാ​നാ​യി.

കോ​വി​ഡ് -19 വെ​ല്ലു​വി​ളി​യു​ടെ ഒ​രു വ​ർ​ഷം നാം ​പൂ​ർ​ത്തി​യാ​ക്കു​ന്നു. ലോ​ക​ത്തി​ലെ ഏ​റ്റ​വും വ​ലി​യ വാ​ക്സി​നേ​ഷ​ൻ പ​ദ്ധ​തി​യാ​ണ് രാ​ജ്യം ന​ട​ത്തു​ന്ന​ത്. പ​തി​ന​ഞ്ചു ദി​വ​സ​ത്തി​നു​ള്ളി​ൽ 37 ല​ക്ഷം മു​ൻ​നി​ര പേ​രാ​ളി​ക​ൾ​ക്കു കു​ത്തി​വ​യ്പു ന​ൽ​കി. ഇ​തേ ല​ക്ഷ്യം നേ​ടാ​ൻ അ​മേ​രി​ക്ക​യ്ക്ക് 18 ദി​വ​സ​മെ​ടു​ക്കും.

പു​തി​യ പ്ര​തീ​ക്ഷ​ക​ളോ​ടും ച​ല​നാ​ത്മ​ക​ത​യോ​ടുംകൂ​ടി വ​രും​ദി​വ​സ​ങ്ങ​ളെ വ​ര​വേ​ൽ​ക്ക​ണം. അ​സാ​ധാ​ര​ണ​മാ​യ സം​യ​മ​ന​ത്തോ​ടും ധൈ​ര്യ​ത്തോ​ടും കൂ​ടി​യാ​ണു ക​ഴി​ഞ്ഞ വ​ർ​ഷം മു​ന്നോ​ട്ടു​പോ​യ​ത്.

ക​ഠി​നാ​ധ്വാ​ന​ത്തി​ലൂ​ടെ​യാ​ക​ണം ഈ ​വ​ർ​ഷം ല​ക്ഷ്യ​ങ്ങ​ൾ നേ​ടേ​ണ്ടതെ​ന്നും മോ​ദി പ​റ​ഞ്ഞു. റോ​ഡ് സു​ര​ക്ഷാ വാ​ര​ത്തോ​ട​നു​ബ​ന്ധി​ച്ച് കൂ​ടു​ത​ൽ ര​സ​ക​ര​മാ​യ മു​ദ്രാ​വാ​ക്യ​ങ്ങ​ൾ അ​യ​ച്ച് അ​വ​ബോ​ധം കൂ​ട്ട​ണ​മെ​ന്നും മോ​ദി പ​റ​ഞ്ഞു.

റേ​ഡി​യോ പ​രി​പാ​ടി​യി​ലൂ​ടെ പൗ​ര​ന്മാ​രെ അ​ഭി​സം​ബോ​ധ​ന ചെ​യ്യു​ന്പോ​ഴെ​ല്ലാം ജീ​വി​ത​ത്തി​ലെ ചെ​റി​യ കാ​ര്യ​ങ്ങ​ളെ​ക്കു​റി​ച്ചു സം​സാ​രി​ക്കു​ക​യും അ​വ​രോ​ടൊ​പ്പം ഉ​ള്ള​തു​പോ​ലെ​യു​മാ​ണു തോ​ന്നു​ന്ന​ത്.

പൊ​ങ്ക​ൽ, ബി​ഹു, മ​ക​ര​സം​ക്രാ​ന്തി, റി​പ്പ​ബ്ലി​ക് ദി​നാ​ഘോ​ഷം, പ​ത്മ അ​വാ​ർ​ഡു​ക​ൾ, ക്രി​ക്ക​റ്റി​ൽനി​ന്നു​ള്ള സ​ന്തോ​ഷ​വാ​ർ​ത്ത എ​ന്നി​വ​യെ​ക്കു​റി​ച്ചെ​ല്ലാം പ്ര​ധാ​ന​മ​ന്ത്രി ഇ​ന്ന​ലെ സം​സാ​രി​ച്ചു.

മോ​ദി​യു​ടേ​തു മു​ത​ല​ക്ക​ണ്ണീ​ർ: ദി​ഗ്‌​വി​ജ​യ് സിം​ഗ്

ന്യൂഡൽഹി: ദേ​ശീ​യപ​താ​ക​യു​ടെ പേ​രി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്ന​ലെ റോ​ഡി​യോ പ​രി​പാ​ടി​യി​ൽ ന​ട​ത്തി​യ​തു ജ​ന​ങ്ങ​ളെ വി​ഡ്ഢി​ക​ളാ​ക്കു​ന്ന മു​ത​ല​ക്ക​ണ്ണീ​രാ​ണെ​ന്ന് കോ​ണ്‍ഗ്ര​സ് നേ​താ​വ് ദി​ഗ്‌​വി​ജ​യ് സിം​ഗ്.

പ്ര​ധാ​ന​മ​ന്ത്രി ഞെ​ട്ടി​യി​രി​ക്കു​ന്നു! സ്വാ​ത​ന്ത്ര്യം കി​ട്ടി​യി​ട്ടും പ​തി​റ്റാ​ണ്ടു​ക​ളോ​ളം ഇ​ന്ത്യ​ൻ ദേ​ശീ​യ പ​താ​ക ഉ​യ​ർ​ത്താ​ൻ വി​സ​മ്മ​തി​ച്ച ആ​ർ​എ​സ്എ​സു​മാ​യി ചേ​ർ​ന്നു പോ​കു​ന്ന​തി​ൽ എ​ന്തു​കൊ​ണ്ടാ​ണു നി​ങ്ങ​ൾ ഞെ​ട്ടാ​ത്ത​ത്? ഇ​തു മു​ത​ല​ക്ക​ണ്ണീ​രാ​ണ് മി​സ്റ്റ​ർ പ്രൈം​മി​നി​സ്റ്റ​ർ. മ​ധ്യ​പ്ര​ദേ​ശ് മു​ൻ മു​ഖ്യ​മ​ന്ത്രി​യാ​യ ദി​ഗ്‌​വി​ജ​യ് പ​രി​ഹ​സി​ച്ചു.

മ​റ്റു ക​ർ​ഷ​ക നേ​താ​ക്ക​ൾ​ക്കു ചെ​ങ്കോ​ട്ട​യി​ൽ പ്ര​വേ​ശി​ക്കാ​ൻ ക​ഴി​യാ​തി​രു​ന്ന​പ്പോ​ൾ ദീ​പ് സി​ദ്ദു​വി​ന് എ​ങ്ങ​നെ​യാ​ണു പ്ര​വേ​ശി​ക്കാ​ൻ അ​നു​മ​തി കി​ട്ടി​യ​തെ​ന്ന് പ്ര​ധാ​ന​മ​ന്ത്രി​യോ​ട് അ​ദ്ദേ​ഹം ചോ​ദി​ച്ചു.

ദീ​പ് സി​ദ്ദു ഇ​പ്പോ​ഴെ​വി​ടെ​യാ​ണെ​ന്ന് ആ​ഭ്യ​ന്ത​ര​മ​ന്ത്രി​ക്ക് അ​റി​യാ​മെ​ന്നു ത​നി​ക്കു​റ​പ്പു​ണ്ട്. മ​റ്റു​ള്ള​വ​രെ വി​ഡ്ഢിക​ളാ​ക്കു​ന്ന​തു മോ​ദി അ​വ​സാ​നി​പ്പി​ക്ക​ണ​മെ​ന്ന് ദി​ഗ്‌​വി​ജ​യ് സിം​ഗ് ആ​വ​ശ്യ​പ്പെ​ട്ടു.

ചെ​ങ്കോ​ട്ട​യി​ൽ ക​ട​ന്നു​ക​യ​റു​ന്ന​തി​ൽ നി​ന്ന് ആ​ളു​ക​ളെ ത​ട​യാ​തി​രു​ന്ന​ത് എ​ന്തു​കൊ​ണ്ടാ​ണെ​ന്നു കേ​ന്ദ്ര​സ​ർ​ക്കാ​ർ വ്യ​ക്ത​മാ​ക്ക​ണ​മെ​ന്നു മു​ൻ​കേ​ന്ദ്ര​മ​ന്ത്രി ക​പി​ൽ സി​ബ​ൽ ആ​വ​ശ്യ​പ്പെ​ട്ടു. സ​മ​ര​ക്കാ​രെ ചെ​ങ്കോ​ട്ട​യി​ൽ ക​ട​ക്കാ​ൻ അ​നു​വ​ദി​ച്ച​ത് ആ​രാ​ണെ​ന്നു നേ​ര​ത്തേ രാ​ഹു​ൽ ഗാ​ന്ധി​യും ചോ​ദി​ച്ചി​രു​ന്നു.