മു​ക്ക​ത്തെ മു​ക്കു​പ​ണ്ട ത​ട്ടി​പ്പ്! അ​പ്രൈ​സ​റെ ബ​ലി​യാ​ടാ​ക്കി​യോ ? ഒ​ന്‍​പ​ത് ക​വ​റി​ല്‍ മു​ക്കു​പ​ണ്ടം, ത​ട്ടി​പ്പ് ന​ട​ത്താ​ന്‍ ശ്ര​മി​ച്ച​ത് ര​ണ്ടു​ബാ​ങ്കു​ക​ളി​ല്‍…

മു​ക്കം: കോ​ൺ​ഗ്ര​സ് നേ​താ​വ് ഉ​ൾ​പ്പെ​ട്ട നാ​ലം​ഗ സം​ഘം മു​ക്കു​പ​ണ്ടം പ​ണ​യംവച്ച് ല​ക്ഷ​ങ്ങ​ൾ ത​ട്ടി​യ​തി​നെ തു​ട​ർ​ന്ന് ബാ​ങ്കി​ൽ നി​ന്ന് പി​രി​ച്ചു വി​ട്ട അ​പ്രൈ​സ​ർ തീ​വ​ണ്ടി​ക്ക് മു​ന്നി​ൽ ചാ​ടി ജീ​വ​നൊ​ടു​ക്കി​യ സം​ഭ​വ​ത്തി​ല്‍ കൂ​ടു​ത​ല്‍ അ​ന്വേ​ഷ​ണം വേ​ണ​മെ​ന്ന ആ​വ​ശ്യ​വു​മാ​യി ഡി​വൈ​എ​ഫ്‌​ഐ ഉ​ള്‍​പ്പെ​ടെ​യു​ള്ള സം​ഘ​ട​ന​ക​ള്‍ രം​ഗ​ത്ത്.

സം​ഭ​വ​ത്തി​ല്‍ അ​പ്രൈ​സ​റെ ബ​ലി​യ​ടാ​ക്കു​ക​യാ​യി​രു​ന്നു​വെ​ന്നും പി​ന്നി​ലു​ള്ള വ​ന്‍ സ്രാ​വു​ക​ളെ പി​ടി​കൂ​ട​ണ​മെ​ന്നു​മാ​ണ് ആ​വ​ശ്യം.

സ​മ​ഗ്ര അ​ന്വേ​ഷ​ണം ന​ട​ത്ത​ണ​മെ​ന്നും വൈ​സ് പ്ര​സി​ഡ​ന്‍റ് അ​ട​ക്കം ത​ട്ടി​പ്പ് കാ​രെ സം​ര​ക്ഷി​ക്കു​ന്ന കൊ​ടി​യ​ത്തൂ​ർ പ​ഞ്ചാ​യ​ത്ത് ഭ​ര​ണ സ​മി​തി രാ​ജി വെ​ക്ക​ണ​മെ​ന്നും ആ​വ​ശ്യ​പ്പെ​ട്ട് ഡി​വൈ​എ​ഫ്ഐ കൊ​ടി​യ​ത്തൂ​ർ മേ​ഖ​ലാ ക​മ്മ​റ്റി രം​ഗ​ത്തെ​ത്തി.​

ഗ്രാ​മീ​ണ ബാ​ങ്ക് കൊ​ടി​യ​ത്തൂ​ര്‍ ശാ​ഖ​യി​ലെ മു​ൻ അ​പ്രൈ​സ​റും പ​ന്നി​ക്കോ​ട് സ്വ​ദേ​ശി​യു​മാ​യ പ​ര​വ​രി​യി​ൽ മോ​ഹ​ൻ​ദാ​സാ​ണ് (57) ജീ​വ​നൊ​ടു​ക്കി​യ​ത്.

വ്യാ​ഴാ​ഴ്ച രാ​വി​ലെ പ​ത്തി​ന് കോ​ഴി​ക്കോ​ട്ടെ ക്രൗ​ൺ തീ​യേ​റ്റ​റി​ന് സ​മീ​പ​ത്താ​യി​രു​ന്നു സം​ഭ​വം.

തീ​വ​ണ്ടി​യ്ക്ക​ടി​യി​ൽ​പ്പെ​ട്ട് ഇ​രു​കൈ​ക​ളും അ​റ്റ്, ഗു​രു​ത​ര​മാ​യി പ​രി​ക്കേ​റ്റ മോ​ഹ​ൻ​ദാ​സി​നെ നാ​ട്ടു​കാ​രും പോ​ലീ​സും ചേ​ർ​ന്ന് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ഉ​ച്ച​യോ​ടെ മ​രി​ക്കു​ക​യാ​യി​രു​ന്നു.

ദ​ളി​ത് കോ​ൺ​ഗ്ര​സ് മു​ൻ ജി​ല്ലാ സെ​ക്ര​ട്ട​റി വി​ഷ്ണു ക​യ്യൂ​ണു​മ്മ​ൽ, കൊ​ടി​യ​ത്തൂ​ർ ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ബാ​ബു പൊ​ലു​കു​ന്ന​ത്ത്, കൊ​ടി​യ​ത്തൂ​ർ സ്വ​ദേ​ശി​ക​ളാ​യ മാ​ട്ടു​മു​റി​ക്ക​ൽ സ​ന്തോ​ഷ് കു​മാ​ർ, സ​ന്തോ​ഷി​ന്‍റെ ഭാ​ര്യ ഷൈ​നി എ​ന്നി​വ​ർ ചേ​ർ​ന്നാ​ണ് ഗ്രാ​മീ​ണ ബാ​ങ്ക് കൊ​ടി​യ​ത്തൂ​ര്‍ ശാ​ഖ​യി​ൽ നി​ന്ന് 24.6 ല​ക്ഷം രൂ​പ ത​ട്ടി​യ​ത്.

ഈ ​ബാ​ങ്കി​ലെ അ​പ്രൈ​സ​റാ​യി​രു​ന്നു മോ​ഹ​ൻ ദാ​സ്. കേ​ര​ള ഗ്രാ​മീ​ണ ബാ​ങ്ക് കൊ​ടി​യ​ത്തൂ​ർ ശാ​ഖ​യി​ൽ നി​ന്നും അ​ഗ​സ്ത്യ​ൻ​മു​ഴി​യി​ലെ കാ​ർ​ഷി​ക – ഗ്രാ​മ​വി​ക​സ​ന ബാ​ങ്ക് ശാ​ഖ​യി​ൽ നി​ന്നു​മാ​യി 32 ല​ക്ഷ​ത്തോ​ളം രൂ​പ​യാ​ണ് സം​ഘം ത​ട്ടി​യ​ത്.

ഒ​ന്‍​പ​ത് ക​വ​റി​ല്‍ മു​ക്കു​പ​ണ്ടം, ത​ട്ടി​പ്പ് ന​ട​ത്താ​ന്‍ ശ്ര​മി​ച്ച​ത് ര​ണ്ടു​ബാ​ങ്കു​ക​ളി​ല്‍

പെ​രു​മ​ണ്ണ സ​ർ​വീ​സ് സ​ഹ​ക​ര​ണ ബാ​ങ്കി​ൽ മു​ക്കു​പ​ണ്ടം പ​ണ​യം വെ​ക്കു​ന്ന​തി​നി​ടെ സ​ന്തോ​ഷ് കു​മാ​റി​നെ​യും വി​ഷ്ണു​വി​നെ​യും പ​ന്തീ​രാ​ങ്കാ​വ് പോ​ലീ​സ് പി​ടി​കൂ​ടി​യി​രു​ന്നു.

കേ​സി​ൽ ഉ​ൾ​പ്പെ​ട്ട​വ​ർ കേ​ര​ള ഗ്രാ​മീ​ണ ബാ​ങ്കി​ന്‍റെ കൊ​ടി​യ​ത്തൂ​ർ ശാ​ഖ​യി​ലും സ്വ​ർ​ണ്ണം പ​ണ​യം വെ​ച്ച​താ​യി ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ് കൊ​ടി​യ​ത്തൂ​ർ ഗ്രാ​മീ​ൺ ബാ​ങ്കി​ൽ പ​രി​ശോ​ധ​ന ന​ട​ത്തി​യ​ത്.

പ​രി​ശോ​ധ​ന​യി​ൽ ഒ​ൻ​പ​ത് ക​വ​റു​ക​ളി​ലേ​ത് മു​ക്കു​പ​ണ്ട​മാ​ണെ​ന്ന് ക​ണ്ടെ​ത്തി​യ​തി​നെ തു​ട​ർ​ന്ന് മോ​ഹ​ൻ​ദാ​സി​നെ അ​പ്രൈ​സ​ർ സ്ഥാ​ന​ത്ത് നി​ന്ന് നീ​ക്കി, അ​ധി​കൃ​ത​ർ പു​തി​യ അ​പ്രൈ​സ​റെ നി​യ​മി​ച്ചു.

താ​ൻ നി​ര​പ​രാ​ധി​യാ​ണെ​ന്നും ജോ​ലി​യി​ൽ തി​രി​ച്ചെ​ടു​ക്ക​ണ​മെ​ന്നും ആ​വ​ശ്യ​പ്പെ​ട്ട് മോ​ഹ​ൻ ദാ​സ് നി​ര​വ​ധി ത​വ​ണ ബാ​ങ്കി​ലെ​ത്തി​യെ​ങ്കി​ലും അ​ധി​കൃ​ത​ർ ചെ​വി​കൊ​ണ്ടി​ല്ലെ​ന്നും ജോ​ലി ന​ഷ്ട​പ്പെ​ട്ട അ​ന്ന് മു​ത​ൽ മോ​ഹ​ൻ​ദാ​സ് വ​ലി​യ മാ​ന​സി​ക വി​ഷ​മ​ത്തി​ൽ ആ​യി​രു​ന്നെ​ന്നും ബ​ന്ധു​ക്ക​ൾ പ​റ​ഞ്ഞു.

അ​തേ സ​മ​യം, മോ​ഹ​ൻ​ദാ​സി​നെ അ​പ്രൈ​സ​ർ സ്ഥാ​ന​ത്ത് നി​ന്ന് നീ​ക്കി​യി​ട്ടി​ല്ലെ​ന്നും സം​ഭ​വ​ത്തി​ന് ശേ​ഷം ഇ​യാ​ൾ സ്വ​മേ​ധ​യാ ബാ​ങ്കി​ലേ​ക്ക് വ​രാ​തി​രി​ക്കു​ക​യാ​യി​രു​ന്നു​വെ​ന്നു​മാ​ണ് ബാ​ങ്ക് അ​ധി​കൃ​ത​രു​ടെ വി​ശ​ദീ​ക​ര​ണം.

Related posts

Leave a Comment