ഗെ​യി​ൽവിരുദ്ധ സമരം! തീ​വ്രസം​ഘ​ട​നാ​ ബ​ന്ധം ആ​രോ​പി​ച്ച് പോ​ലീ​സ്; അ​ടി​ച്ച​മ​ർ​ത്താ​ൻ നോ​ക്കേ​ണ്ടെ​ന്നു സ​മ​ര​ക്കാ​ർ; രാ​ഷ്ട്രീ​യ നേ​തൃ​ത്വങ്ങൾ ഇ​ട​പെ​ടു​ന്നു

സ്വ​ന്തം ലേ​ഖ​ക​ൻ

മു​ക്കം:​ നി​ർ​ദിഷ്ട കൊ​ച്ചി -മം​ഗ​ലാ​പു​രം വാ​ത​ക പൈ​പ്പ് ലൈ​നി​നെ​തി​രെ എ​ര​ഞ്ഞി​മാ​വി​ൽ ഒ​രു മാ​സ​മാ​യി ന​ട​ന്നു വ​രു​ന്ന സ​മ​രം അ​പ്ര​തീ​ക്ഷി​ത​മാ​യി ശ​ക്തി​യാ​ർ​ജി​ച്ച​ത് രാ​ഷ്ട്രീ​യ നേ​താ​ക്ക​ളെ​യും പോ​ലീ​സി​നെ​യും ഒ​രു​പോ​ലെ ഞെ​ട്ടി​ച്ചു. ന​ട​ന്ന​ത് പോ​ലീ​സ് സ്റ്റേ​ഷ​ൻ ആ​ക്ര​മി​ക്കാ​നു​ള്ള പ​ദ്ധ​തി​യെ​ന്ന് പോ​ലീ​സും തി​ക​ച്ചും സ​മാ​ധാ​ന​പ​ര​മാ​യ സ​മ​ര​ത്തെ അ​ടി​ച്ച​മ​ർ​ത്താ​ൻ പോ​ലീ​സ് ശ്ര​മി​ക്കു​ക​യാ​യി​രു​ന്നു​വെ​ന്ന് സ​മ​ര​ക്കാ​രും പ​റ​യു​ന്നു.

എന്താ​യാ​ലും മ​ല​യോ​ര​മേ​ഖ​ല​യി​ലു​ണ്ടാ​യ ഈ ​തീ​ക്ക​ളി ഗെ​യി​ൽ വി​ഷ​യം വീ​ണ്ടും സം​സ്ഥാ​നത്തിന്‍റെ മുഴുവൻ ശ്ര​ദ്ധ ആ​ക​ർ​ഷി​ക്കു​ന്ന​തി​ലേ​ക്ക് എ​ത്തി​ച്ചു.
കാ​ര​ശേ​രി, താ​മ​ര​ശേ​രി, ഓ​മ​ശേ​രി ഭാ​ഗ​ങ്ങ​ളി​ൽ ന​ട​ക്കാ​നി​രി​ക്കു​ന്ന ഗെ​യി​ൽ സ​ർ​വ്വേ ന​ട​പ​ടി​ക​ളും ഇ​തോ​ടെ എ​ളു​പ്പ​മാ​വി​ല്ലെ​ന്നു​റ​പ്പാ​യി. ക​ഴി​ഞ്ഞ ജ​നു​വ​രി​യി​ൽ താ​മ​ര​ശേ​രി​യി​ൽ ഗെ​യി​ൽ വി​ഷ​യ​വു​മാ​യി ബ​ന്ധ​പ്പെ​ട്ട് പോ​ലീ​സും നാ​ട്ടു​കാ​രും ത​മ്മി​ൽ ഏ​റ്റു​മു​ട്ടി​യി​രു​ന്നു. അ​തി​നു​ശേ​ഷം ഇ​ന്ന​ലെ​യാ​ണ് നാ​ടി​നെ ന​ടു​ക്കി​യ അ​ക്ര​മ​സം​ഭ​വ​ങ്ങ​ൾ അ​ര​ങ്ങേ​റി​യ​ത്.

മ​ല​പ്പു​റം കേ​ന്ദ്രീ​ക​രി​ച്ചു​പ്ര​വ​ർ​ത്തി​ക്കു​ന്ന തീ​വ്ര​വാ​ദ​സം​ഘ​ട​ന​യ്ക്ക് സ​മ​ര​ത്തി​ൽ പ​ങ്കു​ണ്ടെ​ന്നാ​ണ് പോ​ലീ​സ് പ​റ​യു​ന്ന​ത്. ആ​യു​ധ​ങ്ങ​ളു​മാ​യി പോ​ലീ​സ് സ്റ്റേ​ഷ​ൻ അ​ക്ര​മി​ക്കു​ക​യാ​ണ് ഇ​വ​ർ പ​ദ്ധ​തി​യി​ട്ടു​ന്ന​തെ​ന്നും അ​തു​കൊ​ണ്ടാ​ണ് ബ​ല​പ്ര​യോ​ഗം വേ​ണ്ടി​വ​ന്ന​തെ​ന്നും പോ​ലീ​സ് പ​റ​യു​ന്നു. അ​തേ​സ​മ​യം, ലാ​ത്തിച്ചാ​ർ​ജി​ൽ നി​ര​പ​രാ​ധി​ക​ൾ​ക്കു​പോ​ലും ​സാ​ര​മാ​യി പ​രി​ക്കേ​റ്റി​ട്ടു​ണ്ട്.​സ​മ​രം അ​ക്ര​മാ​സ​ക്ത​മാ​യ​തി​നു പി​ന്നി​ൽ തി​രു​വ​ന്പാ​ടി എം​എ​ൽ​യാ​ണെ​ന്ന് എം​ഐ ഷാ​ന​വാ​സ് എം​പി അ​ഭി​പ്രാ​യ​പ്പെ​ട്ട​തോ​ടെ സം​ഭ​വ​ങ്ങ​ൾ​ക്ക് രാ​ഷ്ട്രീ​യ​മാ​ന​വും കൈ​വ​ന്നി​രി​ക്കു​ക​യാ​ണ്. നേ​താ​ക്ക​ളു​ടെ ശ​ക്ത​മാ​യ ഇ​ട​പെ​ട​ലു​ക​ളു​ണ്ടാ​യി​ല്ലെ​ങ്കി​ൽ മേ​ഖ​ല​യി​ൽ ഇ​നി​യും അ​നി​ഷ്ട​സം​ഭ​വ​ങ്ങ​ൾ ഉ​ണ്ടാ​കു​മെ​ന്നു​റ​പ്പാ​ണ്.

പോ​ലീ​സും സ​മ​ര​ക്കാ​രും ത​മ്മി​ൽ ഇ​ന്ന​ലെ മ​ണി​ക്കൂ​റു​ക​ളോ​ളം തെ​രു​വി​ൽ ഏ​റ്റു​മു​ട്ടി. ഇ​ന്ന​ലെ രാ​വി​ലെ 9.30 ഓ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്കം. ഒ​രു മാ​സ​ത്തി​ല​ധി​ക​മാ​യി നി​ർ​ത്തി​വ​ച്ചി​രു​ന്ന ഗെ​യി​ൽ പൈ​പ്പ് ലൈ​ൻ സ​ർ​വേ​യും പൈ​പ്പി​ട​ലും പു​ന​രാ​രം​ഭി​ക്കു​ന്ന​തി​നാ​യി രാ​വി​ലെ ഗെ​യി​ൽ അ​ധി​കൃ​ത​രും പോ​ലീ​സും എ​ത്തു​ക​യാ​യി​രു​ന്നു. ഗെ​യി​ലി​ന്‍റെ വാ​ഹ​നം എ​ര​ഞ്ഞി​മാ​വി​ൽ എ​ത്തി​യ ഉ​ട​നെ സ​മ​ര​ക്കാ​ർ​ക്കി​ട​യി​ൽനി​ന്ന് വാ​ഹ​ന​ത്തി​നുനേ​രെ ക​ല്ലേ​റ് ന​ട​ന്നു. ഇ​തോ​ടെ പോ​ലീ​സ് ലാ​ത്തി വീ​ശു​ക​യാ​യി​രു​ന്നു.

സം​സ്ഥാ​ന പാ​ത​യോ​ര​ത്ത് എ​ര​ഞ്ഞി​മാ​വി​ലും പ​ന്നി​ക്കോ​ട് റോ​ഡി​ലും നി​ർ​മ്മി​ച്ച സ​മ​ര​പ​ന്ത​ലും വി​വി​ധ സം​ഘ​ട​ന​ക​ളു​ടെ കൊ​ടി​ക​ളും ഫ്ല​ക്സ് ബോ​ർ​ഡു​ക​ളും പോ​ലീ​സ് അ​ടി​ച്ചു ത​ക​ർ​ത്തു. ഇ​തി​നി​ടെ വി​വി​ധ സ്ഥ​ല​ങ്ങ​ളി​ൽ സ​മ​ര​ക്കാ​ർ റോ​ഡി​ൽ മ​ര​ങ്ങ​ളും ഇ​ല​ക്ട്രി​ക് പോ​സ്റ്റു​ക​ളും ഉ​പ​യോ​ഗി​ച്ചും ട​യ​റു​ക​ൾ ക​ത്തി​ച്ചും ഗ​താ​ഗ​തം ത​ട​സ​പ്പെ​ടു​ത്തി. ഇ​തോ​ടെ വ​ലി​യ​പ​റ​ന്പി​ലും തു​ട​ർ​ന്ന് ക​ല്ലാ​യി​യി​ലും പോ​ലീ​സ് സ​മ​ര​ക്കാ​ർ​ക്കുനേ​രെ ക​ണ്ണീ​ർ​വാ​ത​കം പ്ര​യോ​ഗി​ച്ചു. സം​ഭ​വം ചി​ത്രീ​ക​രി​ക്കാ​ൻ ശ്ര​മി​ച്ച മാ​ധ്യ​മ പ്ര​വ​ർ​ത്ത​ക​ർ​ക്കുനേ​രെ​യും സ​മ​ര​ക്കാ​ർ പ്ര​തി​ഷേ​ധ​വു​മാ​യെ​ത്തി.

അ​ക്ര​മാ​സ​ക്ത​രാ​യ സ​മ​ര​ക്കാ​ർ ര​ണ്ട് കെഎ​സ്ആ​ർ​ടി​സി ബ​സു​ക​ൾ എ​റി​ഞ്ഞുത​ക​ർ​ത്തു. അ​പ​ക​ടം മു​ന്നി​ൽ ക​ണ്ട് ബ​സ് ജീ​വ​ന​ക്കാ​ർ യാ​ത്ര​ക്കാ​രെ തൊ​ട്ട​ടു​ത്ത വീ​ട്ടി​ലേ​ക്ക് മാ​റ്റി​യ​തി​നാ​ൽ പ​രി​ക്കേ​ൽ​ക്കാ​തെ ര​ക്ഷ​പ്പെ​ടു​ക​യാ​യി​രു​ന്നു. പാ​ത​യോ​ര​ത്ത് പാ​ർ​ക്ക് ചെ​യ്ത സ​മ​ര​ക്കാ​രു​ടെ നി​ര​വ​ധി വാ​ഹ​ന​ങ്ങ​ൾ പോ​ലീ​സ് അ​ടി​ച്ചു ത​ക​ർ​ത്തു. സം​ഭ​വ​വു​മാ​യി ബ​ന്ധ​പ്പെ​ട്ട് മു​പ്പ​തോ​ളം പേ​രെ മു​ക്കം, അ​രീ​ക്കോ​ട് പോ​ലീ​സ് അ​റ​സ്റ്റ് ചെ​യ്തി​ട്ടു​ണ്ട്.