നി​ല​യ്ക്ക​ൽ, പത്തനംതിട്ട സം​ഘ​ർ​ഷം വ്യാപിക്കുന്നു! സ​മ​ര​പ​ന്ത​ൽ പോ​ലീ​സ് പൊ​ളി​ച്ചു​നീ​ക്കി, സമരക്കാർ വീണ്ടും കെട്ടി; പത്തനംതിട്ടയിൽ യുവതിയെ തടഞ്ഞു മർദിച്ചു

നി​ല​യ്ക്ക​ൽ (പ​ത്ത​നം​തി​ട്ട): തു​ലാം​മാ​സ പൂ​ജ​ക​ൾ​ക്കാ​യി ശ​ബ​രി​മ​ല ക്ഷേ​ത്ര ന​ട ഇ​ന്നു വൈ​കു​ന്നേ​രം തു​റ​ക്കാ​നി​രി​ക്കെ യു​വ​തി പ്ര​വേ​ശ​ന​വു​മാ​യി ബ​ന്ധ​പ്പെ​ട്ട് നി​ല​യ്ക്ക​ലി​ൽ ഉ​ട​ലെ​ടു​ത്ത സം​ഘ​ർ​ഷാ​വ​സ്ഥ തു​ട​രു​ന്നു. നി​ല​യ്ക്ക​ലി​ൽ ഇ​ന്ന​ലെ മു​ത​ൽ‌ ഒ​രു വി​ഭാ​ഗം സം​ഘ​ട​ന​ക​ൾ ന​ട​ത്തി​വ​ന്ന വാ​ഹ​ന​പ​രി​ശോ​ധ​ന ഇ​ന്നു രാ​വി​ലെ പോ​ലീ​സ് ഇ​ട​പെ​ട്ട് നി​ർ​ത്തി​വ​യ്പി​ച്ചു.

ഇ​തേ​ത്തു​ട​ർ​ന്നു​ണ്ടാ​യ സം​ഘ​ർ​ഷ​ത്തേ തു​ട​ർ​ന്ന് നി​ല​യ്ക്ക​ലി​ൽ ആ​ചാ​ര​സം​ര​ക്ഷ​ണ​സ​മി​തി​യു​ടെ സ​മ​ര​പ​ന്ത​ൽ പോ​ലീ​സ് പൊ​ളി​ച്ചു​നീ​ക്കി. സ​മ​ര​പ​ന്ത​ലി​ലെ ക​സേ​ര​ക​ളും പോ​ലീ​സ് എ​ടു​ത്തു​മാ​റ്റി. എന്നാൽ, കുറച്ചു സമയത്തിനു ശേഷം സമരക്കാർ അതു പുനർനിർമിച്ചു. ഇതു പോലീസിനു തടയാനായില്ല.

നി​ല​യ്ക്ക​ൽ ഇ​ട​ത്താ​വ​ള​ത്തി​നു മു​ന്പി​ൽ ഇ​ന്ന​ലെ പ​ക​ൽ ഉ​ട​ലെ​ടു​ത്ത സം​ഘ​ർ​ഷാ​വ​സ്ഥ രാ​ത്രി വൈ​കി​യും തു​ട​ർ​ന്നു. രാ​ത്രി​യി​ൽ പോ​ലീ​സ് വാ​ഹ​നം ത​ട​യു​ന്ന ഘ​ട്ടം​വ​രെ എ​ത്തി​യ​തോ​ടെ പോ​ലീ​സ് ന​ട​പ​ടി ആ​രം​ഭി​ച്ചു. ആ​റു പേ​രെ സം​ഭ​വ​ത്തി​ൽ പോ​ലീ​സ് ക​സ്റ്റ​ഡി​യി​ലെ​ടു​ത്തു. ക​ന​ത്ത പോ​ലീ​സ് കാ​വ​ലി​ൽ മ​ന്ത്രി ക​ട​കം​പ​ള്ളി സു​രേ​ന്ദ്ര​നെ​യും ദേ​വ​സ്വം ബോ​ർ​ഡ് പ്ര​സി​ഡ​ന്‍റ്, മെം​ബ​ർ​മാ​ർ അ​ട​ക്ക​മു​ള്ള​വ​രെ​യും നി​ല​യ്ക്ക​ൽ വ​ഴി ക​ട​ത്തി​വി​ട്ടു.

തു​ട​ർ​ന്ന് രാ​ത്രി ഒ​രു​മ​ണി​യോ​ടെ മാ​ധ്യ​മ​പ്ര​വ​ർ​ത്ത​ക​രു​മാ​യി സ​മ​ര​ക്കാ​ർ സം​ഘ​ർ​ഷ​ത്തി​ലാ​യി. മാ​ധ്യ​മ പ്ര​വ​ർ​ത്ത​ക​രെ ത​ട​യാ​നും വാ​ഹ​നം നീ​ക്കാ​നും ആ​വ​ശ്യ​പ്പെ​ട്ട​താ​ണ് സം​ഘ​ർ​ഷ​ത്തി​നു കാ​ര​ണ​മാ​യ​ത്. രാ​വി​ലെ ആ​റോ​ടെ​യാ​ണ് സം​ഘ​ർ​ഷം മൂ​ർ​ച്ഛി​ച്ച​ത്. സ​മ​ര​പ​ന്ത​ലി​ൽ നി​ന്നു പു​റ​ത്തി​റ​ങ്ങി​യ ചി​ല​ർ റോ​ഡി​ൽ വാ​ഹ​ന​ങ്ങ​ൾ ത​ട​ഞ്ഞു പ​രി​ശോ​ധി​ക്കാ​ൻ ശ്ര​മി​ച്ച​തോ​ടെ പോ​ലീ​സ് ഇ​ട​പെ​ട്ടു.

പ​ത്ത​നം​തി​ട്ട ജി​ല്ലാ പോ​ലീ​സ് മേ​ധാ​വി ടി. ​നാ​രാ​യ​ണ​ൻ അ​ട​ക്ക​മു​ള്ള പോ​ലീ​സ് ഉ​ദ്യോ​ഗ​സ്ഥ​ർ സ്ഥ​ല​ത്തു​ണ്ടാ​യി​രു​ന്നു. വാ​ഹ​നം ത​ട​ഞ്ഞ​വ​രെ പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​തി​നി​ടെ പോ​ലീ​സു​മാ​യി പ്ര​വ​ർ​ത്ത​ക​ർ സം​ഘ​ർ​ഷ​മു​ണ്ടാ​യേ​ക്കു​മെ​ന്ന സൂ​ച​ന ല​ഭി​ച്ച​തോ​ടെ സ്ഥ​ല​ത്തു​ണ്ടാ​യി​രു​ന്ന​വ​രെ ലാ​ത്തി​വീ​ശി ഓ​ടി​ച്ചു. 50 ഓ​ളം പ്ര​വ​ർ​ത്ത​ക​രാ​ണ് സ​മ​ര​പ​ന്ത​ലി​ലു​ണ്ടാ​യി​രു​ന്ന​ത്.

ഇ​വ​ർ സ​മീ​പ​ത്തെ കാ​ടു​ക​ളി​ലേ​ക്കും മ​റ്റും ഓ​ടി​മ​റ​ഞ്ഞു. തു​ട​ർ​ന്നാ​യി​രു​ന്നു പോ​ലീ​സ് സ​മ​ര​പ​ന്ത​ൽ പൊ​ളി​ച്ച​ത്. ആ​ചാ​ര​സം​ര​ക്ഷ​ണ​സ​മി​തി ക​ഴി​ഞ്ഞ 12 ദി​വ​സ​മാ​യി ഈ ​പ​ന്ത​ൽ കെ​ട്ടി സ​മ​ര​ത്തി​ലാ​യി​രു​ന്നു. ഇ​ന്ന​ലെ​യാ​ണ് സ്ത്രീ​ക​ള​ട​ക്ക​മു​ള്ള സ​മ​ര​ക്കാ​ർ റോ​ഡി​ലി​റ​ങ്ങി വാ​ഹ​നം ത​ട​യാ​ൻ തു​ട​ങ്ങി​യ​ത്.

വാ​ഹ​ന​ങ്ങ​ൾ ത​ട​ഞ്ഞ് അ​തി​ൽ സ്ത്രീ​ക​ളു​ണ്ടോ​യെ​ന്നു പ​രി​ശോ​ധി​ക്കു​ക​യും യു​വ​തി​ക​ളെ ഇ​റ​ക്കി​വി​ടു​ക​യു​മാ​യി​രു​ന്നു. പ​ന്പ​യി​ലേ​ക്കു സ്വ​കാ​ര്യ വാ​ഹ​ന​ങ്ങ​ൾ പോ​കു​ന്ന​ത് നി​രോ​ധി​ച്ച​തോ​ടെ കെ​എ​സ്ആ​ർ​ടി​സി ബ​സു​ക​ളും സ​മ​ര​ക്കാ​ർ ത​ട​ഞ്ഞു പ​രി​ശോ​ധ​ന തു​ട​ങ്ങി​യി​രു​ന്നു.

ഇ​ത്ത​ര​ത്തി​ൽ രാ​ത്രി ഒ​ന്പ​തോ​ടെ ഒ​രു കെ​എ​സ്ആ​ർ​ടി​സി ബ​സി​ൽ നി​ന്ന് ത​മി​ഴ്നാ​ട് സ്വ​ദേ​ശി യു​വ​തി​യെ ഇ​റ​ക്കി മ​ർ​ദി​ക്കു​ക​യും ചെ​യ്തു. ഇ​ന്ന​ലെ പ​ക​ൽ പ​ന്പ​യി​ലേ​ക്കു പോ​കാ​നെ​ത്തി​യ വ​നി​താ മാ​ധ്യ​മ​പ്ര​വ​ർ​ത്ത​ക​രെ അ​ട​ക്കം ത​ട​ഞ്ഞി​രു​ന്നു.കൂ​ടു​ത​ൽ പോ​ലീ​സ് ഇ​ന്നു​രാ​വി​ലെ മു​ത​ൽ നി​ല​യ്ക്ക​ലി​ലെ നി​യ​ന്ത്ര​ണം ഏ​റ്റെ​ടു​ത്തു.

വ​ഴി ത​ട​യ​ലും വാ​ഹ​ന​പ​രി​ശോ​ധ​ന​യും യാ​തൊ​രു കാ​ര​ണ​വ​ശാ​ലും അ​നു​വ​ദി​ക്കി​ല്ലെ​ന്ന് ജി​ല്ലാ പോ​ലീ​സ് മേ​ധാ​വി അ​റി​യി​ച്ചു. സ്വ​കാ​ര്യ​വാ​ഹ​ന​ങ്ങ​ൾ പ​ന്പ​യി​ലേ​ക്ക് ക​ട​ത്തി​വി​ടു​ക​യു​മി​ല്ല. സ്വ​കാ​ര്യ, ടൂ​റി​സ്റ്റ് വാ​ഹ​ന​ങ്ങ​ളി​ലെ​ത്തു​ന്ന​വ​ർ നി​ല​യ്ക്ക​ലി​ൽ നി​ന്ന് കെ​എ​സ്ആ​ർ​ടി​സി ബ​സി​ൽ യാ​ത്ര തു​ട​ര​ണം.

തീ​ർ​ഥാ​ട​ക​രാ​യെ​ത്തു​ന്ന​വ​ർ നി​ല​യ്ക്ക​ലി​ൽ ത​ങ്ങ​രു​തെ​ന്ന നി​ർ​ദേ​ശ​വും പോ​ലീ​സ് ന​ൽ​കി​യി​ട്ടു​ണ്ട്. നി​ല​യ്ക്ക​ലി​ലെ ദേ​വ​സ്വം ഭൂ​മി​യി​ൽ അ​നു​വാ​ദ​മി​ല്ലാ​തെ കെ​ട്ടി​യ പ​ന്ത​ലാ​ണ് പൊ​ളി​ച്ചു​നീ​ക്ക​യ​തെ​ന്നും പോ​ലീ​സ് ഉ​ദ്യോ​ഗ​സ്ഥ​ർ പ​റ​ഞ്ഞു.നി​ല​യ്ക്ക​ലി​ൽ കോ​ൺ​ഗ്ര​സ് നേ​തൃ​ത്വ​ത്തി​ൽ സ​ർ​വ​മ​ത പ്രാ​ർ​ഥ​ന ഇ​ന്നു ന​ട​ക്കു​ന്നു​ണ്ട്. ഇ​തി​നു നി​ല​വി​ൽ വി​ല​ക്കു​ക​ളി​ല്ല.

പത്തനംതിട്ടയിൽ യുവതിയെ തടഞ്ഞു മർദിച്ചു

പ​ത്ത​നം​തി​ട്ട: ശ​ബ​രി​മ​ല​യി​ലേ​ക്കു പോ​കാ​നെ​ത്തി​യ യു​വ​തി​യെ പ​ത്ത​നം​തി​ട്ട ബ​സ് സ്റ്റാ​ൻ​ഡി​ൽ ഒ​രു സം​ഘ​മാ​ളു​ക​ൾ ത​ട​ഞ്ഞു മ​ർ​ദി​ച്ചു. ഇ​ന്നു രാ​വി​ലെ പ​ത്തോ​ടെ​യാ​ണ് സം​ഭ​വം. ആ​ല​പ്പു​ഴ ചേ​ർ​ത്ത​ല സ്വ​ദേ​ശി​യാ​യ ലി​ബി സി​യ​സിനാ​ണ് മ​ർ​ദ​ന​മേ​റ്റ​ത്.

ആ​ല​പ്പു​ഴ​യി​ൽ​നി​ന്നു പ​ത്ത​നം​തി​ട്ട ബ​സ് സ്റ്റാ​ൻ​ഡി​ൽ ഇ​റ​ങ്ങി​യ യു​വ​തി​യെ പ​ന്പ ബ​സി​ൽ ക​യ​റ്റി​വി​ടാ​ൻ പോ​ലീ​സ് ഒ​രു​ങ്ങു​ന്പോ​ഴാ​ണ് ഒ​രു സം​ഘ​മാ​ളു​ക​ൾ ഇ​വ​രെ ത​ട​ഞ്ഞു ചോ​ദ്യം ചെ​യ്ത​ത്. താ​ൻ ശ​ബ​രി​മ​ല​യി​ലേ​ക്കു പോ​കു​ക​യാ​ണെ​ന്ന് ഇ​വ​ർ പ​റ​ഞ്ഞു. ഇ​തി​നി​ടെ​യി​ൽ ബ​ഹ​ള​മു​ണ്ടാ​കു​ക​യും ആ​ൾ​ക്കൂ​ട്ട​ത്തി​ൽ നി​ന്നൊ​രാ​ൾ മ​ർ​ദി​ച്ച​താ​യും പ​രാ​തി​യു​ണ്ട്.

ഇ​തേ​ത്തു​ട​ർ​ന്ന് പോ​ലീ​സ് ഇ​വ​രെ പ​ത്ത​നം​തി​ട്ട സ്റ്റേ​ഷ​നി​ലേ​ക്കു കൂ​ട്ടി​ക്കൊ​ണ്ടു​പോ​യി. ലി​ബി​യ​ട​ക്കം നാ​ലു​പേ​ർ ചേ​ർ​ന്ന് ശ​ബ​രി​മ​ല​യി​ലേ​ക്കു പോ​കാ​ൻ ത​യാ​റെ​ടു​ത്തി​രു​ന്ന​താ​യും പ​റ​യു​ന്നു. വ്ര​ത​മെ​ടു​ത്താ​ണ് താ​ൻ ശ​ബ​രി​മ​ല​യി​ലേ​ക്ക് പോ​കു​ന്ന​തെ​ന്നും പോ​ലീ​സ് സം​ര​ക്ഷ​ണം ന​ൽ​കാ​മെ​ന്ന് അ​റി​യി​ച്ചി​രു​ന്ന​താ​യും ലി​ബി പ​റ​ഞ്ഞു. ഇ​ക്കാ​ര്യം അ​റി​യി​ച്ച് ഇ​വ​ർ നേ​ര​ത്തെ ഫേ​സ്ബു​ക്ക് പേ​ജി​ൽ കു​റി​പ്പും ന​ൽ​കി​യി​രു​ന്നു.

Related posts