നടി നിത്യ മേനോന്‍ വിവാഹിതയാകാനൊരുങ്ങുന്നു എന്ന വാര്‍ത്ത ഈ അടുത്തിടെ പ്രചരിച്ചിരുന്നു.
മലയാളത്തിലെ ഒരു യുവ നടനാണ് വരനെന്നും വാര്‍ത്തയുണ്ടായിരുന്നു. എന്നാല്‍ ഈ വാര്‍ത്ത തള്ളിക്കളഞ്ഞുകൊണ്ട് രംഗത്തെത്തിയിരിക്കുകയാണ് നിത്യ മേനോന്‍.
എന്‍റെ വിവാഹ വാര്‍ത്തകളൊക്കെ ഇതിനോടകം വന്നു കഴിഞ്ഞു. ഇനിയൊരു ബ്രേക്ക് എടുത്താല്‍ ഗര്‍ഭിണിയാണെന്നു വരെ കഥകള്‍ പ്രചരിക്കും.
നടീനടന്മാര്‍ ബ്രേക്ക് എടുക്കുന്നതിനേക്കുറിച്ച് ആളുകള്‍ക്ക് മനസിലാവില്ല. ഞാന്‍ ഇതിന് മുമ്പ് ബ്രേക്ക് എടുത്തപ്പോഴും ഗര്‍ഭിണിയാണെന്നൊക്കെ കഥകള്‍ വന്നിരുന്നു.
ഇത്തരം വാര്‍ത്തകള്‍ പ്രചരിപ്പിക്കുന്ന ആളുകള്‍ കുറച്ചുകൂടിയെങ്കിലും ക്രിയേറ്റീവാകണം- നിത്യ മേനോന്‍ പറഞ്ഞു.
നവാഗതയായ ഇന്ദു വി.എസ് സംവിധാനം ചെയ്യുന്ന 19 (1) (a) ആണ് നിത്യയുടെ ഏറ്റവും പുതിയ സിനിമ.
വിജയ് സേതുപതിയാണ് ചിത്രത്തിലെ നായകന്‍. പൊളിറ്റിക്കല്‍ ഡ്രാമ വിഭാഗത്തില്‍ പെടുന്ന ചിത്രമാണിത്.
നിര്‍മ്മാണം ആന്‍റോ ജോസഫും നീത പിന്‍റോയുമാണ്. ആന്‍റോ ജോസഫ് ഫിലിം കമ്പനി, ആന്‍ മെഗാ മീഡിയ എന്നിവയാണ് ബാനറുകള്‍.
ഛായാഗ്രഹണം മനേഷ് മാധവന്‍. എഡിറ്റിംഗ് വിജയ് ശങ്കര്‍. സംഗീതം ഗോവിന്ദ് വസന്ത, വസ്ത്രാലങ്കാരം സമീറ സനീഷ്, സൗണ്ട് ഡിസൈന്‍ എം ആര്‍ രാജാകൃഷ്ണന്‍,
ഡിസൈന്‍സ് ഓള്‍ഡ് മങ്ക്‌സ്. വിജയ് സേതുപതിയുടെ രണ്ടാമത്തെ മലയാള ചിത്രമാണിത്. മുന്പ് ജയറാം നായകനായ മാര്‍ക്കോണി മത്തായിയില്‍ അതിഥി താരമായി വിജയ് സേതുപതി എത്തിയിരുന്നു.
