ഡെ​പ്യൂ​ട്ടി ഡ​യ​റ​ക്ട​റുടെ ഉ​ത്ത​ര​വ് മ​റി​ക​ട​ന്ന്  പ്ലാസ്റ്റിക് പൊടിക്കുന്ന കമ്പനിക്ക് പ്രവർത്തനാനുമതി നൽകി; പ​ഞ്ചാ​യ​ത്ത് സെ​ക്ര​ട്ട​റി​യെ ഉ​പ​രോ​ധി​ച്ചു  നാട്ടുകാർ

വ​ട​ക്ക​ഞ്ചേ​രി: വ​ണ്ടാ​ഴി പു​ല്ലം​പാ​ട​ത്ത് പ്ലാ​സ്റ്റി​ക് സാ​ധ​ന​ങ്ങ​ൾ പൊ​ടി​ക്കു​ന്ന ക​ന്പ​നി​യു​ടെ പ്ര​വ​ർ​ത്ത​നം നി​ർ​ത്തി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ട​ർ ന​ല്കി​യ ഉ​ത്ത​ര​വ് മ​റി​ക​ട​ന്ന് സ്ഥാ​പ​ന​ത്തി​ന് പ്ര​വ​ർ​ത്തി​ക്കാ​ൻ അ​നു​മ​തി ന​ല്കി​യെ​ന്നാ​രോ​പി​ച്ച് യൂ​ത്ത് കോ​ണ്‍​ഗ്ര​സ് പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ നാ​ട്ടു​കാ​ർ പ​ഞ്ചാ​യ​ത്ത് സെ​ക്ര​ട്ട​റി​യെ ഉ​പ​രോ​ധി​ച്ചു.

വ​ണ്ടാ​ഴി പ​ഞ്ചാ​യ​ത്ത് ഓ​ഫീ​സി​ൽ അ​ദ്ദേ​ഹ​ത്തി​ന്‍റെ മു​റി​ക്കു​ള്ളി​ലാ​ണ് സെ​ക്ര​ട്ട​റി​യെ ഉ​പ​രോ​ധി​ച്ച​ത്. പ്ലാ​സ്റ്റി​ക് സാ​ധ​ന​ങ്ങ​ൾ മാ​റ്റാ​നാ​യി ഏ​ഴു​ദി​വ​സ​ത്തെ സ​മ​യം മാ​ത്ര​മാ​ണ് അ​നു​വ​ദി​ച്ച​തെ​ന്നും മ​റ്റു വ​ഴി​വി​ട്ട ന​ട​പ​ടി​ക​ളൊ​ന്നും ഉ​ണ്ടാ​യി​ട്ടി​ല്ലെ​ന്നും ന​ട​പ​ടി​യെ​ക്കു​റി​ച്ച് സെ​ക്ര​ട്ട​റി പ​റ​ഞ്ഞു.

എ​ന്നാ​ൽ ഒ​രു​വ​ർ​ഷ​ത്തോ​ള​മാ​യി തു​ട​രു​ന്ന സാ​ധ​ന​ങ്ങ​ൾ നീ​ക്ക​ൽ പ്ര​വൃ​ത്തി ഇ​പ്പോ​ഴും തു​ട​രു​ക​യാ​ണെ​ന്നും സാ​ധ​ന​ങ്ങ​ൾ മാ​റ്റാ​നു​ള്ള സ​മ​യം ചോ​ദി​ച്ച് അ​വി​ടെ അ​ന​ധി​കൃ​ത​മാ​യി ക​ന്പ​നി പ്ര​വ​ർ​ത്തി​ക്കു​ക​യാ​ണെ​ന്നും നാ​ട്ടു​കാ​ർ ആ​രോ​പി​ച്ചു.

24 മ​ണി​ക്കൂ​റി​നു​ള്ളി​ൽ കോ​ന്പൗ​ണ്ടി​ൽ സൂ​ക്ഷി​ച്ചി​ട്ടു​ള്ള മു​ഴു​വ​ൻ സാ​ധ​ന​ങ്ങ​ളും മാ​റ്റി സ്ഥ​ലം വൃ​ത്തി​യാ​ക്ക​ണ​മെ​ന്നും വീ​ഴ്ച​വ​രു​ത്തി​യാ​ൽ പ​ഞ്ചാ​യ​ത്തി​ൽ​നി​ന്ന് സാ​ധ​ന​ങ്ങ​ൾ മാ​റ്റു​ന്ന​തി​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്നു​മാ​യി​രു​ന്നു ഇ​ക്ക​ഴി​ഞ്ഞ 22ന് ​ഡെ​പ്യൂ​ട്ടി ഡ​യ​റ​ക്ട​ർ ഉ​ത്ത​ര​വ് ന​ല്കി​യ​ത്.

സാ​ധ​ന​ങ്ങ​ൾ നീ​ക്കി​യി​ല്ലെ​ങ്കി​ൽ മാ​ലി​ന്യ​നി​ക്ഷേ​പ​ത്തി​ന് സ്ഥാ​പ​ന ഉ​ട​മ​യ്ക്കെ​തി​രേ പ്രോ​സി​ക്യൂ​ഷ​ൻ ഉ​ൾ​പ്പെ​ടെ​യു​ള്ള ന​ട​പ​ടി സ്വീ​ക​രി​ക്കു​മെ​ന്നും ഉ​ത്ത​ര​വി​ൽ പ​റ​ഞ്ഞി​രു​ന്നു. എ​ന്നാ​ൽ ഈ ​ഉ​ത്ത​ര​വു മ​റി​ക​ട​ന്ന് സെ​ക്ര​ട്ട​റി സാ​ധ​ന​ങ്ങ​ൾ മാ​റ്റാ​നെ​ന്ന വ്യാ​ജേ​ന സ്ഥാ​പ​നം പ്ര​വ​ർ​ത്തി​ക്കാ​ൻ കൂ​ടു​ത​ൽ ദി​വ​സം അ​നു​വ​ദി​ക്കു​ക​യാ​യി​രു​ന്നു​വെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം.

ഒ​ടു​വി​ൽ പോ​ലീ​സെ​ത്തി സ്ഥാ​പ​ന ഉ​ട​മ​യെ വി​ളി​ച്ചു​വ​രു​ത്തി. ജൂ​ണ്‍ നാ​ലാം​തീ​യ​തി​ക്കു​ള്ളി​ൽ പ്ലാ​സ്റ്റി​ക് സാ​ധ​ന​ങ്ങ​ളെ​ല്ലാം മാ​റ്റു​ന്ന​തി​നു നി​ർ​ദേ​ശം ന​ല്കി. നി​ശ്ചി​ത​സ​മ​യ​ത്തി​നു​ള്ളി​ൽ മാ​റ്റി​യി​ല്ലെ​ങ്കി​ൽ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ സാ​ധ​ന​ങ്ങ​ൾ മാ​റ്റു​ക​യും അ​തി​നു വ​രു​ന്ന ചെ​ല​വു​ക​ൾ ഉ​ട​മ​യി​ൽ​നി​ന്നും വ​സൂ​ലാ​ക്കാ​നും ധാ​ര​ണ​യാ​യി.

ഇ​തു​സം​ബ​ന്ധി​ച്ചു രേ​ഖാ​മൂ​ല​മു​ള്ള ക​ത്തും സെ​ക്ര​ട്ട​റി സ​മ​ര​ക്കാ​ർ​ക്ക് ന​ല്കി. പ്ര​മോ​ദ് ത​ണ്ട​ലോ​ട്, വി.​വി​ജ​യ​ൻ, പി.​മു​രു​കേ​ശ​ൻ, സി.​കെ.​ര​ഞ്ജി​ത്ത്, പി.​ഡി.​ര​തീ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു ഇന്നലെ ഉ​പ​രോ​ധ​സ​മ​രം.