Set us Home Page

പ്രധാനമന്ത്രി വരെ വിയർത്തു! പ്രതികൾക്കു തന്നെ പറ്റിയ ഒരു അബദ്ധമാണ് അവരെ കുടുക്കിയത്…

കു​ട്ടി​ക​ളെ കാ​ണാ​താ​യ​തോ​ടെ നാ​ടൊ​ട്ടു​ക്കും അ​ന്വേ​ഷ​ണം തു​ട​ങ്ങി. ക്യാ​പ്റ്റ​ന്‍റെ മ​ക്ക​ളെ​യാ​ണ് കാ​ണാ​താ​യ​തെ​ന്ന​തി​നാ​ൽ പോ​ലീ​സും ഉ​ണ​ർ​ന്നു. അ​ങ്ങ​നെ​യി​രി​ക്കെ ക​ന്നു​കാ​ലി​ക​ളെ മേ​യ്ക്കാ​ൻ പോ​യ ധ​നി​റാം എ​ന്ന ഇ​ട​യ​ൻ ഡ​ൽ​ഹി​യി​ൽ​നി​ന്ന് കു​റെ​യ​ക​ലെ ഒ​രു ഗ്രാ​മ​ത്തി​ൽ ക​ണ്ടു ര​ണ്ടു കു​ട്ടി​ക​ൾ മ​രി​ച്ചു​കി​ട​ക്കു​ന്ന​തു ക​ണ്ടെ​ത്തി.

ധ​നി​റാം ഈ ​വി​വ​രം നൈ​റ്റ് പ​ട്രോ​ളിം​ഗി​നു ഗ്രാ​മ​ത്തി​ലെ​ത്തി​യ പോ​ലീ​സു​കാ​രെ അ​റി​യി​ച്ചു. കു​ട്ടി​ക​ളെ കാ​ണാ​താ​യ കേ​സി​ൽ അ​ന്വേ​ഷ​ണം ന​ട​ക്കു​ന്ന വി​വ​രം പോ​ലീ​സു​കാ​ർ​ക്ക് അ​റി​യാ​മാ​യി​രു​ന്നു.

അ​തി​നാ​ൽ ക്യാ​പ്റ്റ​നെ​യും ഭാ​ര്യ​യെ​യും പോ​ലീ​സ് സം​ഭ​വ സ്ഥ​ല​ത്തേ​ക്കു വി​ളി​പ്പി​ച്ചു. മ​ക്ക​ളു​ടെ മൃ​ത​ദേ​ഹ​ങ്ങ​ൾ ക​ണ്ട് ആ ​ദ​ന്പ​തി​ക​ൾ ത​ക​ർ​ന്നു​പോ​യി. കൊ​ല്ല​പ്പെ​ട്ട​തു ഗീ​ത​യും സ​ഞ്ജ​യു​മാ​ണെ​ന്നു ക്യാ​പ്റ്റ​ൻ മ​ദ​ൻ മോ​ഹ​ൻ ചോ​പ്ര​യും ഭാ​ര്യ​യും സ്ഥി​രീ​ക​രി​ച്ചു.

പോ​ലീ​സി​നെ​തി​രേ ചോ​പ്ര

ഓ​ഗ​സ്റ്റ് 29നാ​ണ് ദി​ല്ലി പോ​ലീ​സ് സ​ർ​ജ​നാ​യ ഡോ.​ഭ​ര​ത് സിം​ഗ് മൃ​ത​ദേ​ഹ​ങ്ങ​ളു​ടെ പോ​സ്റ്റു​മോ​ർ​ട്ടം ന​ട​ത്തു​ന്ന​ത്. മൃ​ത​ദേ​ഹ​ങ്ങ​ൾ ജീ​ർ​ണി​ച്ച് അ​ഴു​കി​ത്തു​ട​ങ്ങി​യി​രു​ന്നു.

ഗീ​ത​യ്ക്കു നേ​രെ ലൈം​ഗി​ക​മാ​യ ആ​ക്ര​മ​ണം സ്ഥി​രീ​ക​രി​ക്ക​പ്പെ​ട്ടി​ല്ലെ​ങ്കി​ലും കു​റ്റ​വാ​ളി​ക​ൾ പി​ന്നീ​ട് അ​ങ്ങ​നെ മൊ​ഴി ന​ൽ​കി​യി​രു​ന്നു. മ​ര​ണ​കാ​ര​ണ​മാ​യി പ​റ​ഞ്ഞ​തു ക​ത്തി​കൊ​ണ്ടു​ള്ള കു​ത്തേ​റ്റ മു​റി​വു​ക​ളാ​ണ്.

എ​ന്നാ​ൽ, തു​ട​ക്കം മു​ത​ലു​ള്ള പോ​ലീ​സി​ന്‍റെ അ​നാ​സ്ഥ​യി​ൽ ക്യാ​പ്റ്റ​ൻ ചോ​പ്ര രോ​ഷാ​കു​ല​നാ​യി​രു​ന്നു. കു​ട്ടി​ക​ളെ ത​ട്ടി​ക്കൊ​ണ്ടു​പോ​കു​ന്ന​താ​യി ര​ണ്ടു പേ​ർ വി​ളി​ച്ച​റി​യി​ച്ചി​ട്ടും കാ​ര്യ​മാ​യൊ​ന്നും ചെ​യ്യാ​തി​രു​ന്ന പോ​ലീ​സി​നെ​തി​രേ ചോ​പ്ര പ്ര​തി​ക​രി​ച്ച​തു വ​ലി​യ വാ​ർ​ത്ത​യാ​യി.

ഇ​രു​ട്ടി​ൽ​ത്ത​പ്പി പോ​ലീ​സ്

ഇ​രു​ട്ടി​ൽ ത​പ്പു​ന്ന സ്ഥി​തി​യാ​ലാ​യി​രു​ന്നു ആ​ദ്യം പോ​ലീ​സ്. ഈ ​കു​റ്റ​കൃ​ത്യ​ത്തി​ൽ എ​ത്ര​പേ​രാ​ണ് ഉ​ൾ​പ്പെ​ട്ടി​രു​ന്ന​ത്? എ​ങ്ങ​നെ? എ​വി​ടെ​വ​ച്ചാ​ണ് ന​ട​ന്ന​ത് ? എ​ന്ന​തു സം​ബ​ന്ധി​ച്ച് ഒ​രു ധാ​ര​ണ​യും പോ​ലീ​സി​നു കി​ട്ടി​യി​ല്ല. കു​ട്ടി​ക​ളു​ടെ ചി​ത്ര​വും മ​റ്റു​മ​ട​ക്ക​മു​ള്ള ക​ഥ​ക​ൾ മാ​ധ്യ​മ​ങ്ങ​ളി​ൽ വൈ​കാ​രി​ക​മാ​യി അ​വ​ത​രി​പ്പി​ക്ക​പ്പെ​ട്ടു.

ഇ​തോ​ടെ കേ​സ് രാ​ജ്യം മു​ഴു​വ​ൻ ശ്ര​ദ്ധി​ച്ചു. കു​ട്ടി​ക​ളെ കാ​റി​ൽ ക​യ​റ്റി ത​ട്ടി​ക്കൊ​ണ്ടു​പോ​കു​ന്ന​തു ക​ണ്ട ദൃ​ക്‌​സാ​ക്ഷി​ക​ൾ പോ​ലീ​സി​നു മൊ​ഴി കൊ​ടു​ക്കാ​ൻ ത​യാ​റാ​യി മു​ന്നോ​ട്ടു​വ​ന്നു. ഇ​തോ​ടെ അ​ന്വേ​ഷ​ണം ആ ​ഫി​യ​റ്റ് കാ​ർ കേ​ന്ദ്രീ​ക​രി​ച്ചാ​യി. ഈ ​കൃ​ത്യ​ത്തി​നു പി​ന്നി​ൽ ര​ണ്ടു പേ​രാ​ണെ​ന്നും പോ​ലീ​സി​നു മ​ന​സി​ലാ​യി.

ഫി​യ​റ്റ് കാ​ർ തേ​ടി ഉ​ട​മ​യും

ഇ​തി​നി​ടെ, മോ​ഷ്ടി​ക്ക​പ്പെ​ട്ട ത​ന്‍റെ ഫി​യ​റ്റ് കാ​ർ തേ​ടി ഉ​ട​മ​സ്ഥ​നും അ​ന്വേ​ഷ​ണം തു​ട​ങ്ങി​യി​രു​ന്നു. ത​ന്‍റെ കാ​ർ മ​ജ്‌​ലി​സ് പാ​ർ​ക്കി​ൽ മ​റ്റൊ​രു ര​ജി​സ്‌​ട്രേ​ഷ​ൻ ന​മ്പ​റു​മാ​യി ഉ​ട​മ ക​ണ്ടെ​ത്തി.

ഉ​ട​മ​സ്ഥ​ൻ ത​ന്‍റെ കൈ​വ​ശ​മു​ള്ള താ​ക്കോ​ൽ​കൊ​ണ്ടു കാ​ർ സ്റ്റാ​ർ​ട്ടാ​ക്കാ​ൻ നോ​ക്കി​യെ​ങ്കി​ലും ക​ഴി​ഞ്ഞി​ല്ല. തു​ട​ർ​ന്നു പോ​ലീ​സി​ൽ അ​റി​യി​ച്ചു. പോ​ലീ​സ് എ​ത്തി കാ​റി​ൽ​നി​ന്നു സി​ഗ​ര​റ്റ് കു​റ്റി​യും ര​ക്ത​ക്ക​റ​ക​ളും മ​റ്റു സാ​മ്പി​ളു​ക​ളും ശേ​ഖ​രി​ച്ചു പ​രി​ശോ​ധ​ന​യ്ക്ക് അ​യ​ച്ചു.

പ്ര​ധാ​ന​മ​ന്ത്രി വ​രെ

ഗീ​ത- സ​ഞ്ജ​യ് കേ​സ് അ​പ്പോ​ഴേ​ക്കും മാ​ധ്യ​മ​ങ്ങ​ളി​ൽ നി​റ​ഞ്ഞു ക​ത്തി​ത്തു​ട​ങ്ങി. ത​ല​സ്ഥാ​ന ന​ഗ​രി​യി​ൽ ന​ട​ന്ന ക്രൂ​ര​കൊ​ല​പാ​ത​കം അ​ന്ന​ത്തെ പ്ര​ധാ​ന​മ​ന്ത്രി മൊ​റാ​ർ​ജി ദേ​ശാ​യി​യു​ടെ പ്ര​തി​ച്ഛാ​യ​യെ വ​രെ ബാ​ധി​ക്കു​ന്ന ത​ര​ത്തി​ലേ​ക്കു നീ​ങ്ങി. ഇ​തോ​ടെ മൊ​റാ​ർ​ജി ദേ​ശാ​യി ക്യാ​പ്റ്റ​ൻ ചോ​പ്ര​യെ വീ​ട്ടി​ൽ ചെ​ന്നു ക​ണ്ട​തു വ​ലി​യ വാ​ർ​ത്ത​യാ​യി മാ​റി.

കു​റ്റ​വാ​ളി​ക​ളെ വേ​ഗ​ത്തി​ൽ ക​ണ്ടെ​ത്തു​മെ​ന്നു പ്ര​ധാ​ന​മ​ന്ത്രി കു​ടും​ബാം​ഗ​ങ്ങ​ൾ​ക്ക് ഉ​റ​പ്പു ന​ൽ​കി. രാ​ഷ്‌‌​ട്രീ​യ പ്ര​തി​യോ​ഗി​ക​ൾ ഈ ​കേ​സി​ലെ സ​മ​ർ​ഥ​മാ​യി ഉ​പ​യോ​ഗി​ച്ചു. ഇ​തോ​ടെ പോ​ലീ​സ് ചൂ​ടാ​യെ​ങ്കി​ലും കാ​ര്യ​മാ​യ സൂ​ച​ന​ക​ൾ കി​ട്ടി​യി​ല്ല.

എ​ന്നാ​ൽ, ഏ​താ​നും ആ​ഴ്ച​ക​ൾ​ക്ക​കം രം​ഗ​യും ബി​ല്ല​യും അ​റ​സ്റ്റി​ലാ​യി. പോ​ലീ​സി​ന്‍റെ അ​ന്വേ​ഷ​ണ മി​ക​വു​കൊ​ണ്ട​ല്ല, മ​റി​ച്ചു പ്ര​തി​ക​ൾ​ക്കു ത​ന്നെ പ​റ്റി​യ ഒ​രു അ​ബ​ദ്ധ​മാ​ണ് അ​വ​രെ കു​ടു​ക്കി​യ​ത്.

        (തു​ട​രും).

Leave a Reply

Your email address will not be published. Required fields are marked *

LATEST NEWS