പ​ട്ടി​ത്താ​നം എ​ബ​നേ​സ​ർ ജം​ഗ്ഷ​നിൽ അപകടങ്ങൾ പതിവാകുന്നു; അമിത വേഗതയും റോഡ് നിർമാണത്തിലേ അപാകതയും അപകടത്തിന് കാരണമാകുന്നുവെന്ന് നാട്ടുകാർ

ഏ​റ്റു​മാ​നൂ​ർ: പ​ട്ടി​ത്താ​നം എ​ബ​നേ​സ​ർ ജം​ഗ്ഷ​നി​ൽ അ​പ​ക​ട പ​രമ്പര. ഇ​ന്ന​ലെ രാ​വി​ലെ വ​ള​വി​ൽ നി​യ​ന്ത്ര​ണംവി​ട്ട ജീ​പ്പ് ഓ​ട​യി​ലേ​ക്ക് മ​റി​ഞ്ഞു. അ​ടു​ത്ത​നാ​ളു​ക​ളി​ലാ​യി പത്ത് അ​പ​ക​ട​ങ്ങ​ളാ​ണ് ഉ​ണ്ടാ​യ​ത്. ഇ​ന്ന​ലെ രാ​വി​ലെ ഉ​ച്ച​യോ​ടെ​യാ​ണ് ഏ​റ്റു​മാ​നൂ​ർ ഭാ​ഗ​ത്തേ​ക്ക് പോ​വു​ക​യാ​യി​രു​ന്ന ജീ​പ്പ് നി​യ​ന്ത്ര​ണം വി​ട്ട് ഓ​ട​യി​ലേ​ക്ക് മ​റി​ഞ്ഞ​ത്. പി​ന്നീ​ട് മ​തി​ലി​ൽ ഇ​ടി​ച്ചാ​ണ് നി​ന്ന​ത്. അ​പ​ക​ട​ത്തി​ൽ ആ​ർ​ക്കും പ​രി​ക്കി​ല്ല.

എം​സി റോ​ഡി​ൽ ഏ​റ്റ​വും അ​ധി​കം അ​പ​ക​ട​ങ്ങ​ൾ ക​ഴി​ഞ്ഞ മൂ​ന്ന് മാ​സ​ത്തി​ന​കം ന​ട​ന്ന​ത് പ​ട്ടി​ത്താ​ന​ത്തി​നും കൂ​ത്താ​ട്ടു​കു​ള​ത്തി​നും ഇ​ട​യി​ലാ​ണ്. പ​ട്ടി​ത്താ​നം മേ​ഖ​ല​യി​ൽ മാ​ത്രം പത്തിലധികം അ​പ​ക​ട​ങ്ങ​ളാ​ണ് ഉ​ണ്ടാ​യി​ട്ടു​ള്ള​ത്. ക​ഴി​ഞ്ഞ വ​ർ​ഷം ഉ​ണ്ടാ​യ അ​പ​ക​ട​ത്തി​ൽ ഓ​ട്ടോ ഡ്രൈ​വ​ർ ഉ​ൾ​പ്പ​ടെ മ​ര​ണ​മ​ട​ഞ്ഞി​രു​ന്നു.

ഇ​തി​ന് തൊ​ട്ടടു​ത്ത് വെ​ന്പ​ള്ളി ആ​രം​ന്പി​ള്ളി വ​ള​വി​ലും അ​പ​ക​ട പ​ര​ന്പ​ര​ക​ൾ ഏ​റു​ക​യാ​ണ്. എം​സി റോ​ഡ് ഉ​ന്ന​ത​നി​ല​വാ​ര​ത്തി​ൽ ന​വീ​ക​രി​ച്ച​തോ​ടെ വാ​ഹ​ന​ങ്ങ​ളു​ടെ വേ​ഗ​ത ക്ര​മാ​തീ​ത​മാ​യി വ​ർ​ധി​ച്ചു​വെ​ന്നും വ​ള​വു​ക​ളി​ൽ വേ​ഗ​ത കു​റ​യ്ക്കാ​തെ സ​ഞ്ച​രി​ക്കു​ന്പോ​ൾ പ​ല വാ​ഹ​ന​ങ്ങ​ളും നി​യ​ന്ത്ര​ണംവി​ട്ട് തെ​ന്നി മ​റി​യു​ക​യാ​ണെ​ന്നും പോ​ലീ​സും മോ​ട്ടോ​ർ വാ​ഹ​ന​വ​കു​പ്പും പ​റ​യു​ന്നു.

വ​ള​വു​ക​ൾ പൂ​ർ​ണ​മാ​യും നി​വ​ർ​ത്താ​ത്ത​തും നി​ശ്ചി​ത അ​ള​വി​ൽ ചെ​രി​ച്ച് റോ​ഡ് നി​ർ​മി​ക്കാ​ത്ത​തും വാ​ഹ​ന​ങ്ങ​ളെ അ​പ​ക​ട​ക്കെ​ണി​യി​ൽ വീ​ഴ്ത്തു​ന്ന​തി​ന് കാ​ര​ണ​മാ​യി പ​റ​യു​ന്നു. റോ​ഡ് ന​വീ​ക​ര​ണ​ത്തി​നു​ശേ​ഷം പ​ല​യി​ട​ത്തും വാ​ഹ​ന​ങ്ങ​ളു​ടെ വേ​ഗ​ത മ​ണി​ക്കൂ​റി​ൽ 70 മു​ത​ൽ 90 കി​ലോ​മീ​റ്റ​ർ വ​രെ​യാ​ണ്. മോ​ട്ടോ​ർ​വാ​ഹ​ന വ​കു​പ്പി​ന്‍റെ വാ​ഹ​ന പ​രി​ശോ​ധ​ന​യി​ൽ ഇ​ത് വ്യ​ക്ത​മാ​ക്കി​യി​ട്ടു​ണ്ടെ​ങ്കി​ലും ഇ​വ നി​യ​ന്ത്രി​ക്ക​ൻ പ​റ്റു​ന്നി​ല്ല. ഇ​തോ​ടൊ​പ്പം അ​ശ്ര​ദ്ധ​മാ​യ ഡ്രൈ​വി​ംഗും പ്രശ്നമാണ്.