Set us Home Page

മ​ന്ത്രി​യും എം​എ​ൽ​എ​യും പറഞ്ഞത് വെറും പാഴ്വാക്കായി; ക​ട​ൽ വീട്ടുമുറ്റത്തെത്തിയിട്ടും എ​ങ്ങു​മെ​ത്താതെ പു​ലി​മു​ട്ട് നിർമാണം

പു​ലി​മു​ട്ടു​ക​ൾ നി​ർ​മി​ക്കാ​ൻ പ​ഴ​ങ്ങാ​ട് ക​ട​ൽത്തീ​ര​ത്ത് ഇ​റ​ക്കി​യി​ട്ടി​രി​ക്കു​ന്ന ക​ല്ലു​ക​ൾ.

വൈ​പ്പി​ൻ: ക​ട​ൽ​ക്ഷോ​ഭം നാ​ശം​വി​ത​ക്കു​ന്ന​ത് ത​ട​യാ​ൻ തു​ട​ങ്ങി​വ​ച്ച എ​ട​വ​ന​ക്കാ​ട്ടെ പു​ലി​മു​ട്ട് നി​ർ​മാ​ണം കാ​ല​വ​ർ​ഷം തു​ട​ങ്ങി​യി​ട്ടും എ​ങ്ങു​മെ​ത്തി​യി​ല്ല. കാ​ല​വ​ർ​ഷം എ​ത്തു​ന്ന​തി​നു മു​ന്നേ നി​ർ​മാ​ണം പൂ​ർ​ത്തി​യാ​ക്കു​മെ​ന്നാ​യി​രു​ന്നു മാ​ർ​ച്ച് നാ​ലി​നു പു​ലി​മു​ട്ടു​ക​ളു​ടെ നി​ർ​മാ​ണോ​ദ്ഘാ​ട​ന സ​മ​യ​ത്ത് മ​ന്ത്രി​യും എം​എ​ൽ​എ​യും പ​റ​ഞ്ഞ​ത്.

നി​ർ​മാ​ണ​ത്തി​ന്‍റെ പേ​രി​ൽ പ​ഴ​ങ്ങാ​ട് ക​ട​ൽ​ത്തീ​ര​ത്തു കു​റെ ക​ല്ലു​ക​ൾ കൊ​ണ്ടു​വ​ന്ന് ഇ​റ​ക്കി​യ​ത​ല്ലാ​തെ നി​ർ​മാ​ണം ആ​രം​ഭി​ക്കാ​ൻ ക​രാ​റു​കാ​ര​ൻ ഇ​തു​വ​രെ കൂ​ട്ടാ​ക്കി​യി​ട്ടി​ല്ല. അ​തേ സ​മ​യം ഉ​ത്ത​ര​വാ​ദി​ത്വം മു​ഴു​വ​ൻ ഇ​റി​ഗേ​ഷ​ൻ വ​കു​പ്പ് ഉ​ദ്യോ​ഗ​സ്ഥ​ൻ​മാ​രു​ടെ ത​ല​യി​ൽ വ​ച്ചു​കെ​ട്ടു​ക​യാ​ണ് ക​രാ​റു​കാ​ര​ൻ. നി​ർ​മാ​ണ​ത്തി​നു മു​ന്നോ​ടി​യാ​യു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കി ത​രേ​ണ്ട​ത് ഇ​റി​ഗേ​ഷ​ൻ വ​കു​പ്പാ​ണ്. ഇ​തു​വ​രെ ഇ​വ​രു​ടെ ഭാ​ഗ​ത്ത് നി​ന്നും അ​ങ്ങി​നെ​യൊ​ന്ന് ഉ​ണ്ടാ​യി​ട്ടി​ല്ല​ത്രേ.

ക​ല്ലു​ക​ളു​ടെ തൂ​ക്കം തി​ട്ട​പ്പെ​ടു​ത്താ​ൻ വേ- ​ബ്രി​ഡ്ജ് സ്ഥാ​പി​ക്ക​ണം. അ​ത് ഇ​തു​വ​രെ ആ​യി​ല്ല. അ​ണി​യ​ൽ ഭാ​ഗ​ത്തെ പു​ലി​മു​ട്ട് നി​ർ​മി​ക്കാ​ൻ ക​ല്ല് ലോ​റി​യി​ൽ എ​ത്തി​ക്ക​ണ​മെ​ങ്കി​ൽ ഈ ​ഭാ​ഗ​ത്തെ തീ​ര​ദേ​ശ റോ​ഡി​ലെ മ​ണ​ൽ നീ​ക്കം ചെ​യ്യ​ണം. ഇ​റി​ഗേ​ഷ​ന്‍റെ ഭാ​ഗ​ത്ത് നി​ന്ന് ഇ​തി​നാ​യി ന​ട​പ​ടി​ക​ളി​ല്ല. കൂ​ടാ​തെ പു​ലി​മു​ട്ട് നി​ർ​മി​ക്കു​ന്ന ഭാ​ഗ​ത്തെ ക​ട​ൽ ഭി​ത്തി പൊ​ളി​ക്കേ​ണ്ട​തു​ണ്ട്. ഇ​തി​നു​ള്ള ന​ട​പ​ടി​യും ക​ട​ലാ​സി​ൽ ത​ന്നെ​യാ​ണ്.

മ​ഴ​ക്കാ​ല​ത്ത് ക​ട​ൽ​ഭി​ത്തി പൊ​ളി​ച്ചാ​ൽ ക​ട​ൽ ക​ര​യി​ലേ​ക്ക് ഇ​ര​ച്ചു ക​യ​റി​യേ​ക്കു​മെ​ന്ന ഭ​യം നാ​ട്ടു​കാ​ർ​ക്കു​ണ്ട്. കാ​ല​വ​ർ​ഷം ക​ഴി​ഞ്ഞാ​ലും പു​ലി​മു​ട്ടു​ക​ളു​ടെ നി​ർ​മാ​ണം ആ​രം​ഭി​ക്കാ​ൻ ക​ഴി​യു​മോ എ​ന്ന കാ​ര്യ​ത്തി​ൽ നാ​ട്ടു​കാ​ർ​ക്കു സം​ശ​യ​മാ​ണ്. എ​ട​വ​ന​ക്കാ​ട് നാ​ലു പു​ലി​മു​ട്ടു​ക​ൾ നി​ർ​മി​ക്കാ​നാ​ണ് പ​ദ്ധ​തി​യു​ള്ള​ത്.

ചെ​ന്നൈ ഐ​ഐ​ടി​യു​ടെ പ​ഠ​ന​ത്തി​നു​ശേ​ഷം ന​ൽ​കി​യ റി​പ്പോ​ർ​ടി​ന്‍റെ അ​ടി​സ്ഥാ​ന​ത്തി​ലാ​ണ് പു​ലി​മു​ട്ടു​ക​ളു​ടെ നി​ർ​മാ​ണം ന​ട​ത്താ​ൻ സ​ർ​ക്കാ​ർ തീ​രു​മാ​നി​ച്ച​ത്. 3.77 കോ​ടി രൂ​പ​യാ​ണ് ചെ​ല​വ്. ജി​ഡ​യാ​ണ ഫ​ണ്ട് ന​ൽ​കു​ന്ന​ത്. ര​ണ്ടു പു​ലി​മു​ട്ടു​ക​ൾ 50 മീ​റ്റ​ർ നീ​ള​ത്തി​ലും ഒ​രെ​ണ്ണം 30 മീ​റ്റ​റും മ​റ്റൊ​ന്ന് 15 മീ​റ്റ​റും നീ​ള​ത്തി​ലു​മാ​ണ് നി​ർ​മി​ക്കു​ക. ര​ണ്ടെ​ണ്ണം അ​ണി​യ​ൽ ഭാ​ഗ​ത്തും ബാ​ക്കി ര​ണ്ടെ​ണ്ണം പ​ഴ​ങ്ങാ​ട് ഭാ​ഗ​ത്തു​മാ​ണ് നി​ർ​മി​ക്കു​ന്ന​ത്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS