നാല്പത്തെട്ടുകാ​രി​യാ​യ​ വീ​ട്ട​മ്മ​യെ  ബാങ്ക് മാനേജരും കൂട്ടാളിയും ചേർന്ന് പീഡിപ്പിച്ചതായി പരാതി;  വീട്ടമ്മയുടെ  പേരിലുള്ള സ്ഥലം ശരിയാക്കി നൽകാമെന്ന് പറഞ്ഞ്  വിളിച്ചുവരുത്തി പീഡിപ്പിക്കുകയായിരുന്നു

വ​ട​ക്കാ​ഞ്ചേ​രി: നാലപത്തെട്ടുകാ​രി​യാ​യ​വീ​ട്ട​മ്മ​യെ ര​ണ്ടുപേ​ർ ചേ​ർ​ന്ന് പീ​ഡിപ്പി​ച്ച​താ​യി പ​രാ​തി. വീ​ട്ട​മ്മ​യു​ടെ പേ​രി​ലു​ള്ള ഭൂ​മി​യു​ടെ രേ​ഖ​ക​ൾ ശ​രി​യാ​ക്കി ത​രാം​മെ​ന്ന് പ​റ​ഞ്ഞ് സ​മീ​പ​വാ​സി​യു​ടെ വീ​ട്ടി​ൽ വി​ളി​ച്ചുവ​രു​ത്തി​യാ​യി​രു​ന്നു​ ത​ന്നെ അ​യ​ൽ​വാ​സി​യും, ഇ​യാ​ളു​ടെ കൂ​ട്ടു​കാ​ര​ൻ​ എ​റ​ണാ​കു​ളം തൃ​ക്കാ​ക്ക​ര സ്വ​ദേ​ശി​യും ചേ​ർ​ന്ന് പീ​ഡി​പ്പി​ച്ച​തെ​ന്ന് വീ​ട്ട​മ്മ വ​ട​ക്കാ​ഞ്ചേ​രി​പോ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു.

ഒ​രാ​ൾ റി​ട്ടേ​യ്ഡ് ഫാ​ർ​മ​സി​സ്റ്റും, മ​റ്റൊ​രാ​ൾ ബാ​ങ്ക് മ​നേ​ജ​രു​മാ​ണെ​ന്ന് വീ​ട്ട​മ്മ പ​റ​ഞ്ഞു. 2017- ഡി​സം​ബ​റി​ലാ​ണ് കേ​സി​നാ​സ്പ​ദമാ​യ സം​ഭ​വം ന​ട​ന്ന​ത്.​ രേ​ഖ​ക​ൾ ത​യ്യാ​റാ​ക്കി​യെ​ടു​ക്കാ​ൻ വൈ​കി​യ​തോ​ടെ​യാ​ണ് പ്ര​ശ്ന​ങ്ങ​ൾ​ക്ക് തു​ട​ക്കം കു​റി​ച്ച​ത്.

​വീ​ട്ട​മ്മ പ​രാ​തി​യു​മാ​യി ക​ഴി​ഞ്ഞ ദി​വ​സം രാ​വി​ലെ വ​ട​ക്കാ​ഞ്ചേ​രി പോ​ലീ​സ് സ്റ്റേ​ഷ​നി​ലെത്തിയപ്പോൾ മ​ന​പൂ​ർ​വ്വം സി ഐ ​സ്ഥ​ല​ത്തി​ല്ല​ന്ന് പ​റ​ഞ്ഞ് പ​രാ​തി ഉ​ദ്യോ​ഗ​സ്ഥ​ർ വൈ​കീ​പ്പി​ക്കു​ക​യാ​യി​രു​ന്നു.വൈ​കീ​ട്ട് നാ​ലൂ​വ​രെ സ്റ്റേ​ഷ​നി​ൽ ഇ​രു​ന്ന വീ​ട്ട​മ്മ പി​ന്നീ​ട് സി​റ്റി​പോ​ലീ​സ് ക​മ്മീ​ഷണറെ സ​മീ​പി​ക്കു​ക​യും ക​മ്മീ​ഷണ​ർ വീ​ട്ട​മ്മ​യു​ടെ പ​രാ​തി സ്വീ​ക​രി​ക്കു​ക​യും ചെ​യ്തു.​തു​ട​ർ​ന്ന് പ​രാ​തി വ​ട​ക്കാ​ഞ്ചേ​രി സിഐ​യ്ക്ക് കൈ​മാ​റു​ക​യും ചെ​യ്തു.

പി​ന്നീ​ട് വ​ട​ക്കാ​ഞ്ചേ​രി ഫ​സ്റ്റ് ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​ട്ടിനു മു​ന്നി​ൽ ഹാ​ജ​രാ​ക്കി വീ​ട്ട​മ്മ​യു​ടെ മൊ​ഴി​യെ​ടു​ക്കു​ക​യും, മെ​ഡി​ക്ക​ൽ പ​രി​ശോ​ധ​ന ന​ട​ത്തു​ക​യും ചെ​യ്തു.​ സം​ഭ​വ​വു​മാ​യി ബ​ന്ധ​പ്പെ​ട്ട് പ്ര​തി​ക​ളെ ഇ​തു​വ​രെ പി​ടി​കൂ​ടി​യി​ട്ടി​ല്ല. ​സം​ഭ​വം​പേ​ടി​ച്ചാ​ണ് ഇ​തു​വ​രെ​പു​റ​ത്തു പ​റ​യാ​തി​രു​ന്ന​തെ​ന്നും വീ​ട്ട​മ്മ പോ​ലി​സി​നോ​ട് പ​റ​ഞ്ഞു.