തിരുപ്പതി തീര്‍ഥാനടത്തിനിടെ തളര്‍ന്നു വീണവരെ ചുമലിലേറ്റിയ കോണ്‍സ്റ്റബിളിനെ കൈയ്യടിച്ച് സോഷ്യല്‍ മീഡിയ. തളര്‍ന്നു വീണ സ്ത്രീയെ ആറ് കിലോമീറ്ററോളം ചുമന്ന് നടന്നാണ് ആന്ധ്രപോലീസിലെ കോണ്‍സ്റ്റബിളായ ഷെയ്ഖ് അര്‍ഷാദ് അവരെ ചികിത്സാ കേന്ദ്രത്തിലെത്തിച്ചത്.
പോലീസ് സ്പെഷ്യല്‍ പാര്‍ട്ടി കോണ്‍സ്റ്റബിള്‍ ആണ് ഷെയ്ഖ് അര്‍ഷാദ്. തിരുപ്പതി വെങ്കിടേശ്വര ക്ഷേത്രത്തിലേക്കുള്ള യാത്രാമധ്യേ തളര്‍ന്നു വീണ വയോധികരായ രണ്ട് തീര്‍ത്ഥാടകരെ ചുമലിലേറ്റി അര്‍ഷാദ് ആശുപത്രിയിലെത്തിക്കുകയായിരുന്നു.
പോലീസ് സ്പെഷ്യല്‍ പാര്‍ട്ടി കോണ്‍സ്റ്റബിള്‍ ഷെയ്ഖ് അര്‍ഷാദ് 58 കാരനായ മാംഗി നാഗേശ്വരമ്മയെ പുറകില്‍ ചുമന്ന് ക്ഷേത്രത്തിലേക്കുള്ള മലകയറുന്ന ചിത്രം സാമൂഹ്യമാധ്യമങ്ങളില്‍ വൈറലായിട്ടുണ്ട്.
”തിരുമലയിലേക്കുള്ള ഡ്യൂട്ടിയിലായിരുന്നു ഞങ്ങള്‍ . ഞങ്ങള്‍ അകെപാഡുവില്‍ നിന്ന് യാത്ര ആരംഭിച്ചു. പാതിവഴിയിലെത്തിയപ്പോള്‍ ഒരു വയോധികനും സ്ത്രീയും ബോധരഹിതരാതായി വിവരം ലഭിച്ചു. അല്‍പ്പം അകലെയായിരുന്ന ഞാന്‍ സ്ഥലത്ത് ഓടിയെത്തി, ”അര്‍ഷാദ് ഒരു മാധ്യമത്തോടു പറഞ്ഞു.
‘ഞാന്‍ ആദ്യം വയോധികനെ എടുത്ത് റോഡരികില്‍ കൊണ്ടുപോയി. ഞാന്‍ ആ സ്ത്രീയെ കൂട്ടിക്കൊണ്ടുപോയി അതേ സ്ഥലത്തേക്ക് കൊണ്ടുപോയി,” അദ്ദേഹം പറഞ്ഞു.
ആന്ധ്ര പോലീസ് അവരുടെ ഔദ്യോഗിക ട്വിറ്റര്‍ ഹാന്‍ഡിലില്‍ അര്‍ഷാദ് പ്രായമായ തീര്‍ത്ഥാടകനെ ചുമക്കുന്ന ചിത്രം പങ്കിട്ടിരുന്നു.
അദ്ദേഹത്തിന്റെ പ്രവൃത്തിയെ പ്രശംസിച്ചുകൊണ്ട് നിരവധി പേര്‍ ട്വീറ്റ് ചെയ്തു. സ്ത്രീക്ക് വൈദ്യസഹായം ലഭ്യമാക്കാന്‍ അര്‍ഷാദ് ആറ് കിലോമീറ്ററോളം അവരെ ചുമന്ന് നടന്നു. രണ്ട് ഭക്തരെയും പിന്നീട് ആശുപത്രിയില്‍ പ്രവേശിപ്പിച്ചു.
‘തിരുമല കുന്ന് കയറുമ്പോള്‍ ബോധം കെട്ടുവീണ തീര്‍ത്ഥാടകരെ യുദ്ധകാലാടിസ്ഥാനത്തില്‍ ചികിത്സാ കേന്ദ്രത്തിലെത്തിച്ച ഷെയ്ഖ് അര്‍ഷാദിന്റെ പ്രവൃത്തിയെ ഡിദിപി പ്രശംസിച്ചു.
കടമയോടുള്ള അദ്ദേഹത്തിന്റെ അര്‍പ്പണമനോഭാവം പ്രതിഫലിപ്പിക്കുന്ന പ്രചോദനാത്മക പ്രവര്‍ത്തനമാണിത്,” ആന്ധ്ര പോലീസ് ട്വീറ്റ് ചെയ്തു.
ഡിസംബര്‍ 23 നാണ് സംഭവം നടന്നത്. അര്‍ഷാദ് തീര്‍ത്ഥാടക പാതയിലായിരുന്നു. അര്‍ഷദിന്റെ ധൈര്യത്തെയും ഭക്തര്‍ക്ക് സമയബന്ധിതമായി നല്‍കിയ സഹായത്തെയും ജില്ലാ എസ്പി പ്രശംസിച്ചു.
