ഇ​ന്നേ​ക്ക് മൂ​ന്നാം നാ​ൾ കൊ​ടി​യേ​റ്റം; പി​ന്നെ ഏ​ഴാം നാ​ൾ തൃ​ശൂ​ർ പൂ​രം;  പൂരത്തെ വരവേൽക്കാൻ ന​ഗ​രം ഒ​രു​ങ്ങി

തൃ​ശൂ​ർ: ഇ​ന്നേ​ക്ക് മൂ​ന്നാം നാ​ൾ കൊ​ടി​യേ​റ്റം; പി​ന്നെ ഏ​ഴാം നാ​ൾ തൃ​ശൂ​ർ പൂ​രം!! നാ​ടും ന​ഗ​ര​വും തൃ​ശൂ​ർ പൂ​ര​ത്തി​ന്‍റെ ല​ഹ​രി​യി​ലേ​ക്ക് ക​ട​ന്നു​ക​ഴി​ഞ്ഞു. ന​ഗ​ര​ത്തി​ൽ പൂ​ര​പ്പ​ന്ത​ലു​ക​ളു​ടെ നി​ർ​മാ​ണം ചൂ​ടി​നെ പോ​ലും വ​ക​വെ​ക്കാ​തെ പു​രോ​ഗ​മി​ക്കു​ക​യാ​ണ്. പൂ​ര​ത്തി​ന്‍റെ പ്ര​ധാ​ന പ​ങ്കാ​ളി​ക​ളാ​യ തി​രു​വ​ന്പാ​ടി​യി​ലും പാ​റ​മേ​ക്കാ​വി​ലും ഒ​രു​ക്ക​ങ്ങ​ൾ ദ്രു​ത​ഗ​തി​യി​ലാ​ണ്. ചെ​റു​പൂ​ര​ങ്ങ​ളെ​ത്തു​ന്ന ഘ​ട​ക​ക്ഷേ​ത്ര​ങ്ങ​ളി​ലും ഒ​രു​ക്ക​ങ്ങ​ൾ അ​വ​സാ​ന​ഘ​ട്ട​ത്തി​ലാ​ണ്.

ഏ​ഴി​ന് തി​രു​വ​ന്പാ​ടി​യി​ലും പാ​റ​മേ​ക്കാ​വി​ലും ഘ​ട​ക​ക്ഷേ​ത്ര​ങ്ങ​ളി​ലും പൂ​രം കൊ​ടി​യേ​റും. ആ​ന​ച്ചൂ​രും ആ​ന​ച്ചൂ​ടും ത​ട്ടാ​ത്ത ആ​ന​ച്ച​മ​യ​ങ്ങ​ളു​ടെ നി​ർ​മാ​ണം തി​രു​വ​ന്പാ​ടി​യി​ലും പാ​റ​മേ​ക്കാ​വി​ലും പു​രോ​ഗ​മി​ക്കു​ക​യാ​ണ്. സ്പെ​ഷ്യ​ൽ കു​ട​ക​ളു​ടെ നി​ർ​മാ​ണം അ​തീ​വ ര​ഹ​സ്യ​മാ​യാ​ണ് ന​ട​ക്കു​ന്ന​ത്.

പൂ​രം വെ​ടി​ക്കെ​ട്ട് സം​ബ​ന്ധി​ച്ച ആ​ശ​ങ്ക​ക​ൾ നീ​ങ്ങി​യി​ട്ടു​ണ്ട്. പ​തി​വു​പോ​ലെ വെ​ടി​ക്കെ​ട്ട് ന​ട​ത്താ​ൻ ത​ട​സ​ങ്ങ​ളൊ​ന്നും ഇ​പ്പോ​ഴി​ല്ല. ആ​ന​ക​ളു​ടെ എ​ഴു​ന്ന​ള്ളി​പ്പ് സം​ബ​ന്ധി​ച്ചും ഇ​പ്പോ​ൾ ആ​ശ​ങ്ക​ക​ളൊ​ന്നു​മി​ല്ല. പൂ​ര​ത്ത​ലേ​ന്ന് തെ​ച്ചി​ക്കോ​ട്ടു​കാ​വ് രാ​മ​ച​ന്ദ്ര​ൻ തെ​ക്കേ​ഗോ​പു​ര​ന​ട തു​റ​ക്കാ​നെ​ത്തു​മോ എ​ന്ന കാ​ര്യ​ത്തി​ൽ അ​വ്യ​ക്ത​ത​ക​ൾ ബാ​ക്കി​യാ​ണ്. കൊ​ടി​യേ​റ്റ് ക​ഴി​യു​ന്ന​തോ​ടെ നാ​ടും ന​ഗ​ര​വും അ​ക്ഷ​രാ​ർ​ത്ഥ​ത്തി​ൽ പൂ​ര​ക്കാ​ഴ്ച​ക​ളി​ൽ ചേ​ർ​ന്ന​ലി​യും.