മൂ​ന്നു വ​യ​സു​കാ​രൻ പൃഥിരാജിന്‍റെ മരണം; ചി​കി​ത്സാ പി​ഴ​വു​ണ്ടാ​യോ​യെ​ന്ന് മെ​ഡി​ക്ക​ൽ ബോ​ർ​ഡ് വി​ശ​ദ​മാ​യി പ​രി​ശോ​ധി​ക്കും; സ​മ​രം അ​വ​സാ​നി​പ്പി​ച്ച് മാതാവ്


ആ​ലു​വ: നാ​ണ​യം വി​ഴു​ങ്ങി മ​രി​ച്ച പൃ​ഥ്വി​രാ​ജ് എ​ന്ന മൂ​ന്നു വ​യ​സു​കാ​ര​ന്‍റെ മാ​താ​വ് ന​ന്ദി​നി ആ​ലു​വ ജി​ല്ലാ ആ​ശു​പ​ത്രി​ക്കു മു​ന്നി​ൽ 35 ദി​വ​സ​മാ​യി ന​ട​ത്തി​വ​ന്ന സ​മ​രം അ​വ​സാ​നി​പ്പി​ച്ചു.

പ​ട്ടി​ക​ജാ​തി വ​കു​പ്പും അ​ൻ​വ​ർ സാ​ദ​ത്ത് എം​എ​ൽ​എ​യും ഇ​ട​പെ​ട്ടാ​ണ് സ​മ​രം അ​വ​സാ​നി​പ്പി​ച്ച​ത്. ഇ​ത​നു​സ​രി​ച്ച്‌ ചി​കി​ത്സാ പി​ഴ​വു​ണ്ടാ​യോ​യെ​ന്ന് മെ​ഡി​ക്ക​ൽ ബോ​ർ​ഡ് വി​ശ​ദ​മാ​യി പ​രി​ശോ​ധി​ക്കും. കു​ടും​ബ​ത്തി​നു വ​ന്ന ചി​കി​ത്സാ ചെ​ല​വ് പ​ട്ടി​ക​ജാ​തി വ​കു​പ്പ് ന​ൽ​കും.

കൂ​ടാ​തെ മാ​താ​വി​ന് താ​മ​സി​ക്കാ​ൻ സ്ഥ​ല​വും വീ​ടും വ​കു​പ്പി​ന് കീ​ഴി​ൽ ഏ​തെ​ങ്കി​ലും സ്ഥാ​പ​ന​ത്തി​ൽ താ​ത്‌‌കാലി​ക ജോ​ലി ന​ൽ​കാ​നും ധാ​ര​ണ​യാ​യി. ജോ​ലി സ്ഥി​ര​പ്പെ​ടു​ത്തി കൊ​ടു​ക്ക​ണ​മെ​ന്ന് എം​എ​ൽ​എ ആ​വ​ശ്യ​പ്പെ​ട്ടി​ട്ടു​ണ്ട്.

ഓ​ഗ​സ്റ്റ് ര​ണ്ടി​നാ​യി​രു​ന്നു കു​ട്ടി മ​ര​ണ​പ്പെ​ട്ട​ത്. ഏ​റെ അ​ഭ്യൂ​ഹ​ങ്ങ​ൾ​ക്കൊ​ടു​വി​ൽ നാ​ണ​യം വി​ഴു​ങ്ങി​യ മൂ​ന്ന് വ​യ​സുകാ​ര​ന്‍റെ മ​ര​ണ​കാ​ര​ണം ശ്വാ​സ​ത​ട​സം മൂ​ല​മാ​ണെ​ന്ന് പ​രി​ശോ​ധ​നാ റി​പ്പോ​ർ​ട്ട് പു​റ​ത്തു വ​രി​ക​യാ​യി​രു​ന്നു.

കാ​ക്ക​നാ​ട് ഫോ​റ​ൻ​സി​ക് ലാ​ബി​ൽ ന​ട​ത്തി​യ ആ​ന്ത​രി​കാ​വ​യ​വ​ങ്ങ​ളു​ടെ പ​രി​ശോ​ധ​ന​യി​ലാ​ണ് ഈ ​കാ​ര്യം തെ​ളി​ഞ്ഞ​ത്. എ​ന്നാ​ൽ, ക​ണ്ടെ​ത്ത​ലു​ക​ൾ അം​ഗീ​ക​രി​ക്കാ​ൻ മാ​താ​വും ബ​ന്ധു​ക്ക​ളും ത​യാ​റാ​കാ​തി​രി​ക്കു​ന്ന​താ​ണ് സ​മ​ര​ത്തി​ലേ​ക്ക് എ​ത്തി​ച്ച​ത്.

മ​ര​ണ​കാ​ര​ണം നാ​ണ​യം വി​ഴു​ങ്ങി​യ​ത് മൂ​ല​മ​ല്ലെ​ന്നും ശ്വാ​സം​മു​ട്ട് കാ​ര​ണ​മാ​ണെ​ന്നു​മു​ള്ള മെ​ഡി​ക്ക​ൽ റി​പ്പോ​ർ​ട്ട് ചി​കി​ത്സ നി​ഷേ​ധി​ച്ച​വ​രെ സം​ര​ക്ഷി​ക്കു​ന്ന പോ​ലീ​സി​നെ​യും ക​റ്റ​ക്കാ​രാ​യ ഡോ​ക്ട​ർ​മാ​രെ​യും ര​ക്ഷി​ക്കാ​നാ​ണെ​ന്നാ​യി​രു​ന്നു അ​വ​രു​ടെ ആ​രോ​പ​ണം.

പൃ​ഥ്വി​രാ​ജ് നീ​തി ആ​ക്ഷ​ൻ കൗ​ൺ​സി​ലി​ന്‍റെ നേ​തൃ​ത്വ​ത്തി​ലാ​ണ് മാ​താ​വ് സ​മ​രം ന​ട​ത്തി വ​ന്നി​രു​ന്ന​ത്.

Related posts

Leave a Comment