പാരീസ്: ഫ്രഞ്ച് ഓപ്പണ് ലോക സൂപ്പര്സീരീസ് ബാഡ്മിന്റൺ സിംഗിൾസിൽ ഇന്ത്യയുടെ പി. വി. സിന്ധു, കിഡംബി ശ്രീകാന്ത് എന്നിവർ ക്വാർട്ടറിൽ. അതേസമയം, സൈന നെഹ്വാളും സായ് പ്രണീതും വനിതാ ഡബിൾസിൽ അശ്വിനി പൊന്നപ്പ-സിക്കി റെഡ്ഡി സഖ്യവും രണ്ടാം റൗണ്ടിൽ പുറത്തായത് ഇന്ത്യക്ക് തിരിച്ചടിയായി.
വനിതാ സിംഗിൾസിൽ സിന്ധു ജപ്പാന്റെ സയക തകഹഷിയെ 21-14, 21-13 എന്ന സ്കോറിന് തോൽപ്പിച്ചാണ് മുന്നേറിയത്. ക്വാർട്ടറിൽ ചൈനയുടെ യുഫെയാണ് എതിരാളി. ഹോങ്കോംഗിന്റെ വോംഗ് വിംഗ് കി വിൻസന്റിനെ 21-19, 21-17 എന്ന സ്കോറിന് കെട്ടുകെട്ടിച്ചാണ് ശ്രീകാന്ത് ക്വാർട്ടറിൽ കടന്നത്.
നേരത്തെ, ജപ്പാന്റെ താരങ്ങളോട് ഏറ്റുമുട്ടിയാണ് ഇന്ത്യൻ താരങ്ങൾ പുറത്തായത്. അകാനെ യാമഗുച്ചി 9-21, 21-23 എന്ന സ്കോറിന് സൈനയെ തോൽപ്പിച്ചു. പുരുഷ സിംഗിൾസിൽ പ്രണീത് കെന്റ നിഷിമോട്ടയോടും(13-21, 17-21) വനിതാ ഡബിൾസിൽ അശ്വിനി-സിക്കി സഖ്യം 16-21, 14-21 സ്കോറിന് മിസാക്കി-അയക സഖ്യത്തോടും പരാജയപ്പെട്ടു.