ക​ട​ലി​ന്‍റെ മ​ക്ക​ൾ​ക്കൊ​പ്പം ..! രാ​ഹു​ൽ എ​ന്നെ​യും കെ​സി​യെ​യും വി​ളി​ച്ചു, വെ​ള്ള​ത്തി​ൽ ചാ​ടാ​ൻ! വിസമ്മതം അറിയിച്ച് കെസിയും കൈകൂപ്പി  ഞാനും; വലകെട്ടിയും വല വലിച്ചും രാ​ഹു​ൽ ഗാ​ന്ധി​ക്കൊ​പ്പം ക​ട​ലി​ൽ പോ​യ ടി.​എ​ൻ. ​പ്ര​താ​പ​ൻ എം.പി എ​ഴു​തു​ന്നു…

 

മ​ത്സ്യ​ത്തൊ​ഴി​ലാ​ളി​ക​ൾ​ക്കൊ​പ്പം ക​ട​ലി​ൽ മീ​ൻ പി​ടി​ക്കാ​ൻ​പോ​യ രാ​ഹു​ൽ ഗാ​ന്ധി​ കൂ​ടെ​യു​ണ്ടാ​യി​രു​ന്ന ടി.​എ​ൻ. പ്ര​താ​പ​ൻ എം.പി ക​ട​ലി​ലെ അ​നു​ഭ​വ​ങ്ങ​ൾ വി​വ​രി​ച്ച് എ​ഴു​തി​യ കു​റി​പ്പ്:

ക​ട​ലി​ന്‍റെ മ​ക്ക​ൾ​ക്കൊ​പ്പം രാ​ഹു​ൽ ഗാ​ന്ധി എ​ന്നൊ​രു പ​രി​പാ​ടി 2015ൽ ​ചാ​വ​ക്കാ​ട് ന​ട​ന്നി​രു​ന്നു. അ​ന്നു​ത​ന്നെ ഉ​ൾ​ക്ക​ട​ലി​ൽ പോ​യി മ​ത്സ്യ​ബ​ന്ധ​നം അ​നു​ഭ​വം നേ​രി​ട്ട​റി​യ​ണ​മെ​ന്നു രാ​ഹു​ൽ​ജി പ​റ​ഞ്ഞി​രു​ന്നു. ഞാ​ൻ അ​തി​നു​ള്ള എ​ല്ലാ ഒ​രു​ക്ക​ങ്ങ​ളും ചെ​യ്തി​രു​ന്ന​തു​മാ​ണ്.

പ​ക്ഷേ, സു​ര​ക്ഷാ പ്ര​ശ്ന​ങ്ങ​ൾ അ​ട​ക്ക​മു​ള്ള പ​ല സാ​ങ്കേ​തി​ക കാ​ര​ണ​ങ്ങ​ളാ​ലും ന​ട​ന്നി​ല്ല. പി​ന്നീ​ട്, തൃ​പ്ര​യാ​റി​ൽ ഫി​ഷ​ർ​മെ​ൻ പാ​ർ​ല​മെ​ന്‍റി​ൽ പ​ങ്കെ​ടു​ക്കാ​ൻ എ​ത്തി​യ​പ്പോ​ഴും ഇ​ങ്ങ​നെ​യൊ​രു ക​ട​ൽ യാ​ത്ര ഉ​ദ്ദേ​ശി​ച്ചി​രു​ന്നെ​ങ്കി​ലും ന​ട​ക്കാ​തെ പോ​യി.

മ​ത്സ്യ​ത്തൊ​ഴി​ലാ​ളി​ക​ളു​ടെ വി​ഷ​മ​ങ്ങ​ൾ പ​ങ്കു​വ​യ്ക്കു​മ്പോ​ഴും മ​ത്സ്യ​മേ​ഖ​ല​യെ സം​ബ​ന്ധി​ക്കു​ന്ന വി​ഷ​യ​ങ്ങ​ൾ ച​ർ​ച്ച ചെ​യ്യു​മ്പോ​ഴു​മൊ​ക്കെ രാ​ഹു​ൽ​ജി ക​ട​ലി​ന്‍റെ മ​ക്ക​ൾ​ക്കൊ​പ്പം ഉ​ൾ​ക്ക​ട​ലി​ൽ മീ​ൻ പി​ടി​ക്കാ​ൻ പോ​ക​ണ​മെ​ന്നു പ​റ​യും: “എ​നി​ക്ക​വ​രു​ടെ അ​ധ്വാ​നം അ​ടു​ത്ത​റി​യ​ണം.” പ​ക്ഷേ, പ​ല​പ്പോ​ഴും അ​തു ന​ട​ക്കാ​തെ പോ​യി.

അ​ങ്ങ​നെ​യാ​ണ് ഇ​ത്ത​വ​ണ​ത്തെ കേ​ര​ള സ​ന്ദ​ർ​ശ​ന​ത്തി​നു വ​ള​രെ സൂ​ക്ഷ്‌​മ​മാ​യി ഒ​രു പ​ദ്ധ​തി ത​യാ​റാ​ക്കി​യ​ത്. ആ​രെ​യും അ​റി​യി​ക്കാ​തെ, ന​ല്ല​വ​ണ്ണം സ​മ​യ​മെ​ടു​ത്തു കൃ​ത്യ​മാ​യി സു​ര​ക്ഷി​ത​മാ​യി ഒ​രു അ​വ​സ​രം ഉ​ണ്ടാ​ക്കാ​ൻ സാ​ധി​ച്ചു.

അ​തീ​വ ര​ഹ​സ്യ​മാ​യി
ഇ​ന്ന​ലെ പു​ല​ർ​ച്ചെ, രാ​ഹു​ൽ​ജി​യും ഞാ​നും പ്രി​യ കെ.​സി​യും സി​ആ​ർ​പി​എ​ഫു​കാ​രു​ടെ വ​ല്ലാ​ത്ത നി​ർ​ബ​ന്ധ​ത്തി​നു വ​ഴ​ങ്ങി ര​ണ്ടു​പേ​ർ അ​വ​രെ​യും കൂ​ട്ടി ഞ​ങ്ങ​ൾ ക​ട​ലി​ലേ​ക്ക് ഇ​റ​ങ്ങി. നേ​ര​ത്തെ പ​റ​ഞ്ഞു​വ​ച്ച ബോ​ട്ടു​കാ​രോ​ട് എ​ന്‍റെ കൂ​ടെ രാ​ഹു​ൽ​ജി​യു​ണ്ടാ​കു​മെ​ന്നു വെ​ളി​പ്പെ​ടു​ത്തി​യി​രു​ന്നി​ല്ല.

രാ​ഹു​ൽ​ജി​യെ ക​ണ്ട​പാ​ടെ അ​വ​രു​ടെ ക​ണ്ണു​ത​ള്ളി. ഇ​തു രാ​ഹു​ൽ​ജി ത​ന്നെ​യാ​ണോ എ​ന്നു ശ​ങ്കി​ച്ചു നി​ല്പാ​യി​രു​ന്നു അ​വ​രു​ടേ​ത്. കേ​രി​യ​ർ വ​ഞ്ചി​യി​ലാ​ണ് മ​ത്സ്യ​ബ​ന്ധ​ന നൗ​ക​യി​ലേ​ക്കു നീ​ങ്ങി​യ​ത്. ഞ​ങ്ങ​ളു​ടെ കൂ​ടെ ര​ണ്ട് വ്ലോ​ഗ​ർ​മാ​രും ഉ​ണ്ടാ​യി​രു​ന്നു. അ​വ​ർ​ക്കും രാ​ഹു​ൽ​ജി​യു​ടെ സാ​നി​ധ്യം വ​ല്ലാ​ത്തൊ​രു അ​തി​ശ​യ​മാ​യി​രു​ന്നു.

വെ​ള്ള​ത്തി​ലേ​ക്ക്
ഉ​ൾ​ക്ക​ട​ലി​ലേ​ക്കു​ള്ള യാ​ത്ര​ക്കി​ടെ രാ​ഹു​ൽ​ജി തൊ​ഴി​ലാ​ളി​ക​ളു​മാ​യി ച​ങ്ങാ​ത്ത​ത്തി​ലാ​യി. അ​വ​രി​ലൊ​രാ​ളാ​യി അ​വ​രു​ടെ​യും കു​ടും​ബ​ത്തി​ന്‍റെ​യും ക്ഷേ​മം ചോ​ദി​ച്ച​റി​ഞ്ഞു. ചു​റ്റി​ലും ഇ​രു​ൾ. അ​ക​ലെ മ​റ്റു നൗ​ക​ക​ളു​ടെ വെ​ളി​ച്ച​ങ്ങ​ൾ ക​ണ്ണ് ചി​മ്മു​ന്ന​തു കാ​ണാം.

ഉ​ൾ​ക്ക​ട​ലി​ൽ എ​ത്തി​യ​പ്പോ​ൾ വ​ല​യ​ടി​ക്കാ​ൻ തു​ട​ങ്ങി. വ​ല കെ​ട്ടാ​ൻ വേ​ണ്ടി തൊ​ഴി​ലാ​ളി സു​ഹൃ​ത്തു​ക്ക​ളി​ൽ ഒ​രാ​ൾ ക​ട​ലി​ലേ​ക്കു ചാ​ടി. അ​യാ​ളെ​ന്തി​നാ​ണ് ക​ട​ലി​ൽ ചാ​ടി​യ​തെ​ന്നു രാ​ഹു​ൽ​ജി ചോ​ദി​ച്ചു.

വ​ല​കെ​ട്ടാ​ൻ ഇ​ങ്ങ​നെ ഇ​റ​ങ്ങു​ന്ന​ത് ഒ​രു രീ​തി​യാ​ണെ​ന്ന് അ​ദ്ദേ​ഹ​ത്തോ​ടു ഞ​ങ്ങ​ൾ വി​ശ​ദീ​ക​രി​ച്ചു. എ​ങ്കി​ൽ ആ ​സു​ഹൃ​ത്തി​നെ സ​ഹാ​യി​ക്കാ​ൻ ഞാ​നും ചാ​ടു​ന്നു എ​ന്നു​പ​റ​ഞ്ഞു രാ​ഹു​ൽ​ജി ക​ട​ലി​ലേ​ക്ക് ഊ​ളി​യി​ട്ടു ചാ​ടി.

വ​രൂ കെ​സി
ഞാ​നും കെ​സി​യും രാ​ഹു​ൽ​ജി​യു​ടെ സു​ര​ക്ഷാ ഉ​ദ്യോ​ഗ​സ്ഥ​രും അ​ന്താ​ളി​ച്ചു നി​ൽ​ക്കെ, രാ​ഹു​ൽ​ഹി നേ​ര​ത്തേ ചാ​ടി​യ സു​ഹൃ​ത്തി​ന്‍റെ അ​ടു​ത്തെ​ത്തി. “നി​ങ്ങ​ൾ പേ​ടി​ക്ക​ണ്ട, രാ​ഹു​ൽ​ജി സ്‌​കൂ​ബാ ഡൈ​വിം​ഗി​ലൊ​ക്കെ ന​ല്ല പ​രി​ശീ​ല​നം ഉ​ള​ള ആ​ളാ​ണ്”, രാ​ഹു​ൽ​ജി​യു​ടെ പേ​ഴ്‌​സ​ണ​ൽ അ​സി​സ്റ്റ​ന്‍റ് അ​ല​ങ്കാ​ർ ആ​ണ​ത് പ​റ​ഞ്ഞ​ത്.

രാ​ഹു​ൽ​ജി ചാ​ടി​യ​തു ക​ണ്ട് ഒ​ന്നു​ര​ണ്ട് മ​ത്സ്യ​ത്തൊ​ഴി​ലാ​ളി സു​ഹൃ​ത്തു​ക്ക​ൾ കൂ​ടി ക​ട​ലി​ലി​റ​ങ്ങി. കെ​സി​യോ​ടു ചാ​ടാ​ൻ പ​റ​ഞ്ഞ​പ്പോ​ൾ കെ​സി വി​സ​മ്മ​തി​ച്ചു. രാ​ഹു​ൽ​ജി പി​ന്നെ നോ​ക്കി​യ​ത് എ​ന്നെ. ഞാ​ൻ ഇ​ല്ലെ​ന്നു കൈ​കൂ​പ്പി. “അ​തെ​ന്താ? ആ​ൾ ഇ​ന്ത്യ ഫി​ഷ​ർ​മെ​ൻ കോ​ൺ​ഗ്ര​സ് നേ​താ​വൊ​ക്കെ​യാ​യി​ട്ട്..?

” രാ​ഹു​ൽ​ജി വി​ടാ​ൻ ഭാ​വ​മി​ല്ല. “എ​ന്‍റെ മ​ക്ക​ൾ ന​ന്നേ ചെ​റു​താ​ണ്. ഇ​ത് ഉ​ൾ​ക്ക​ട​ലാ​ണ്; എ​നി​ക്ക് ആ​യി​ക്കോ​ള​ണം എ​ന്നി​ല്ല.” ഇ​തു​കേ​ട്ട രാ​ഹു​ൽ​ജി ചി​രി​ച്ചു.

സ​ങ്ക​ടം പ​ങ്കി​ട്ട്
വ​ല​യ​ടി​ച്ചു ക​ഴി​ഞ്ഞു ഞ​ങ്ങ​ൾ എ​ല്ലാ​വ​രും​കൂ​ടി വ​ല ക​യ​റ്റാ​ൻ തു​ട​ങ്ങി. ഒ​രു ക​ണ​വ​യും ര​ണ്ട് മ​ത്തി​യും അ​ല്ലാ​തെ മ​റ്റൊ​ന്നും ഞ​ങ്ങ​ൾ​ക്കു കി​ട്ടി​യി​ല്ല. രാ​ഹു​ൽ​ജി​ക്കും വ​ലി​യ സ​ങ്ക​ട​മാ​യി. ഇ​ങ്ങ​നെ ഓ​രോ ത​വ​ണ​യും പ്ര​തീ​ക്ഷ​യോ​ടെ ക​ട​ലി​ലെ​ത്തി​യി​ട്ടു നി​രാ​ശ​രാ​യി മ​ട​ങ്ങേ​ണ്ടി​വ​രു​ന്ന മ​ത്സ്യ​ത്തൊ​ഴി​ലാ​ളി​ക​ളെ ഓ​ർ​ത്താ​ണ് രാ​ഹു​ൽ​ജി​യു​ടെ വി​ഷ​മം.

അ​ദ്ദേ​ഹം തൊ​ഴി​ലാ​ളി സു​ഹൃ​ത്തു​ക്ക​ളോ​ട് ഇ​ങ്ങ​നെ വ​രു​മ്പോ​ഴു​ള്ള ന​ഷ്ട​ത്തെ കു​റി​ച്ചാ​രാ​ഞ്ഞു. ക​ട​ലി​ൽ മ​ൽ​സ്യ​സ​മ്പ​ത്ത് കു​റ​യു​ന്ന​തി​നെ​പ്പ​റ്റി​യും ക​ട​ലി​ലെ വ​റു​തി കാ​ര​ണം ക​ര​യി​ൽ പ​ട്ടി​ണി​യാ​ണെ​ന്നും അ​വ​ർ അ​ദ്ദേ​ഹ​ത്തോ​ടു പ​രി​ഭ​വം പ​റ​ഞ്ഞു.

ബോ​ട്ടി​ലെ മീ​ൻ ക​റി
തൊ​ഴി​ലാ​ളി സു​ഹൃ​ത്തു​ക്ക​ൾ കൈ​യി​ൽ ക​രു​തി​യി​രു​ന്ന മീ​ൻ എ​ടു​ത്തു പാ​ച​കം ചെ​യ്തു. ബ്രെ​ഡും ന​ല്ല രു​ചി​ക​ര​മാ​യ മീ​ൻ​ക​റി​യും. ഒ​രു മീ​ൻ ഭ​ക്ഷ​ണ​ത്തി​നു പാ​ക​മാ​യി വ​രു​മ്പോ​ഴേ​ക്കും എ​ത്ര​മേ​ൽ ക​ഷ്ട​ത​ക​ളും ത്യാ​ഗ​ങ്ങ​ളും അ​തി​ന്‍റെ പി​ന്നി​ൽ പ്ര​വ​ർ​ത്തി​ച്ച തൊ​ഴി​ലാ​ളി​ക​ളു​ടേ​താ​യി ക​ഴി​ഞ്ഞു​പോ​യി​ട്ടു​ണ്ടാ​കു​മെ​ന്നു മ​ന​സി​ലാ​യ​താ​യി അ​ദ്ദേ​ഹം അ​തി​ശ​യം കൊ​ണ്ടു.

മ​ട​ക്ക​യാ​ത്ര​യി​ലും അ​ദ്ദേ​ഹം തൊ​ഴി​ലാ​ളി സു​ഹൃ​ത്തുക്ക​ളോ​ടു കു​ശ​ലം പ​റ​ഞ്ഞി​രി​ക്കു​ക​യാ​യി​രു​ന്നു. പൂ​ണ്ടി​മാ​താ ബോ​ട്ടി​ൽ​നി​ന്നു കാ​രി​യ​ർ വ​ള്ള​ത്തി​ലേ​ക്കു ഞ​ങ്ങ​ൾ മാ​റി​ക്ക​യ​റി. ഇ​നി ക​ര​യി​ലേ​ക്ക്. ക​ര​യോ​ട​ടു​ത്ത​പ്പോ​ൾ രാ​ഹു​ൽ​ജി വ​ള്ള​ത്തി​ൽ​നി​ന്നു ചാ​ടി​യി​റ​ങ്ങി.

ക​ട​ലി​നും ക​ട​ലി​ന്‍റെ മ​ക്ക​ൾ​ക്കും വേ​ണ്ടി​യു​ള്ള പോ​രാ​ട്ട​ങ്ങ​ളി​ൽ കൂ​ടെ​യു​ണ്ടാ​കു​മെ​ന്ന ആ​ർ​ജ​വ​മാ​ണ് രാ​ഹു​ൽ​ജി ത​ങ്ക​ശേ​രി​യി​ലും തു​ട​ർ​ന്ന് ആ​വ​ർ​ത്തി​ച്ച​ത്. ന​ന്ദി, രാ​ഹു​ൽ​ജി ന​ന്ദി.

Related posts

Leave a Comment