ന്യൂഡൽഹി: രണ്ടാം ക്ലാസ് വിദ്യാർഥിയെ സ്കൂളിൽ കഴുത്തറുത്ത് കൊലപ്പെടുത്തിയ സംഭവത്തിന്റെ ഞെട്ടൽ മാറും മുന്പ് ഡൽഹിയിൽ കുട്ടികൾക്കെതിരേ വീണ്ടും പീഡനശ്രമം. ഡൽഹിയിലെ ഗാന്ധി നഗറിലെ ടാഗോർ സ്കൂളിൽ അഞ്ചു വയസുകാരിയെ ജീവനക്കാരൻ അതിക്രൂരമായി മാനഭംഗപ്പെടുത്തി. ശനിയാഴ്ച രാവിലെയാണ് സംഭവമുണ്ടായത്.
സംഭവത്തിൽ സ്കൂളിലെ പ്യൂണ്‍ വികാസിനെ (40) അറസ്റ്റ് ചെയ്തതായി പോലീസ് അറിയിച്ചു. കോറിഡോറിലൂടെ നടക്കവെ പെണ്‍കുട്ടിയെ കണ്ട ഇയാൾ ആളില്ലാത്ത ക്ലാസ്റൂമിലേക്ക് കുട്ടിയെ കൂട്ടിക്കൊണ്ടുപോയി ഉപദ്രവിക്കുകയായിരുന്നു. പെണ്‍കുട്ടിയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചിരിക്കുകയാണ്.
