കു​ട്ട​വ​ഞ്ചി​യി​ല്‍ ജ​ലാ​ശ​യ​ത്തി​നു ന​ടു​വി​ലെ തു​രു​ത്തി​ല്‍ എ​ത്തി​ച്ച് പീഡിപ്പിച്ചു! ഇരയായത് പ്ലസ്ടു വിദ്യാര്‍ഥിനി; പ്രതിക്കായി അന്വേഷണം ഊര്‍ജിതം

തൊ​ടു​പു​ഴ: മീ​ന്‍ പി​ടി​ക്കാ​നു​പ​യോ​ഗി​ക്കു​ന്ന കു​ട്ട​വ​ഞ്ചി​യി​ല്‍ പ്ല​സ് ടു ​വി​ദ്യാ​ര്‍​ഥി​നി​യെ ജ​ലാ​ശ​യ​ത്തി​നു ന​ടു​വി​ലെ തു​രു​ത്തി​ല്‍ എ​ത്തി​ച്ച് പീ​ഡ​ിപ്പിച്ച കേ​സി​ലെ പ്ര​തി​ക്കാ​യി പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി.

മു​ട്ടം മാ​ത്ത​പ്പാ​റ കോ​ള​നി താ​ന്നി​ക്കാ​മ​റ്റ​ത്തി​ല്‍ ഉ​ദ​യ​ലാ​ല്‍ ഘോ​ഷി​നാ​യാ​ണ് മു​ട്ടം പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി​യ​ത്.

ആ​ദ്യ ഭാ​ര്യ​യെ ഉ​പേ​ക്ഷി​ക്കു​ക​യും ര​ണ്ടാ​മ​ത് വി​വാ​ഹം ക​ഴി​ക്കു​ക​യും ചെ​യ്ത​യാ​ളാ​ണ് പ്ര​തി. പോ​ലീ​സ് അ​ന്വേ​ഷി​ക്കു​ന്ന​ത​റി​ഞ്ഞ പ്ര​തി സ്ഥ​ല​ത്തു നി​ന്നും മു​ങ്ങു​ക​യാ​യി​രു​ന്നെ​ന്ന് മു​ട്ടം എ​സ്എ​ച്ച്ഒ പ്രി​ന്‍​സ് ജോ​സ​ഫ് പ​റ​ഞ്ഞു.

മ​ല​ങ്ക​ര ജ​ലാ​ശ​യ​ത്തി​ല്‍ മീ​ന്‍ പി​ടി​ത്ത​മാ​ണ് പ്ര​തി​യു​ടെ പ്ര​ധാ​ന തൊ​ഴി​ല്‍. മ​ല​ങ്ക​ര ജ​ലാ​ശ​യം കാ​ണാ​നെ​ത്തി​യ പെ​ണ്‍​കു​ട്ടി​യെ​യാ​ണ് പ്ര​തി പീ​ഡി​പ്പി​ച്ച​ത്. ക​ഴി​ഞ്ഞ ജ​നു​വ​രി 26നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം.

ഇ​ടു​ക്കി സ്വ​ദേ​ശി​നി​യാ​യ പെ​ണ്‍​കു​ട്ടി കോ​ട്ട​യം ജി​ല്ല​യി​ലെ ട്രൈ​ബ​ല്‍ ഹോ​സ്റ്റ​ലി​ല്‍ നി​ന്നാ​ണ് പ​ഠി​ക്കു​ന്ന​ത്. ഉ​ദ​യ ലാ​ലി​ന് പെ​ണ്‍​കു​ട്ടി​യും കു​ടും​ബ​വു​മാ​യി മു​ന്‍ പ​രി​ച​യ​മു​ണ്ടാ​യി​രു​ന്നു.

സം​ഭ​വ ദി​വ​സം ഉ​ച്ച​യോ​ടെ പെ​ണ്‍​കു​ട്ടി​യും ബ​ന്ധു​ക്ക​ളും മ​ല​ങ്ക​ര ജ​ലാ​ശ​യം സ​ന്ദ​ര്‍​ശി​ക്കു​ന്ന​തി​നാ​യി എ​ത്തി​യി​രു​ന്നു.

ഈ ​സ​മ​യം മീ​ന്‍ പി​ടി​ക്കാ​നു​പ​യോ​ഗി​ക്കു​ന്ന ര​ണ്ട് കു​ട്ട വ​ഞ്ചി​ക​ളി​ലാ​യി പ്ര​തി പെ​ണ്‍​കു​ട്ടി​യെ​യും മ​റ്റ് ര​ണ്ട് കു​ട്ടി​ക​ളെ​യും ജ​ലാ​ശ​യ​ത്തി​ന് സ​മീ​പ​ത്തെ തു​രു​ത്തി​ലേ​ക്ക് കൊ​ണ്ടു പോ​യി.

ഇ​തി​നി​ടെ മ​റ്റ് ര​ണ്ട് കു​ട്ടി​ക​ളേ​യും ത​ന്ത്ര​പൂ​ര്‍​വം പ്ര​തി തി​രി​ച്ച​യ​ച്ചു. ഇ​തി​ന് ശേ​ഷ​മാ​ണ് തു​രു​ത്തി​ലെ കു​റ്റി​ക്കാ​ട്ടി​ല്‍ പെ​ണ്‍​കു​ട്ടി​യെ പീ​ഡ​ന​ത്തി​ന് ഇ​ര​യാ​ക്കി​യ​ത്.

പ്ര​തി​യു​ടെ ഭീ​ഷ​ണി​യെ​ത്തു​ട​ര്‍​ന്ന് പെ​ണ്‍​കു​ട്ടി വി​വ​രം മ​റ്റാ​രോ​ടും പ​റ​ഞ്ഞി​ല്ല. അ​ടു​ത്ത ദി​വ​സം ഹോ​സ്റ്റ​ലി​ല്‍ എ​ത്തി​യ പെ​ണ്‍​കു​ട്ടി​യു​ടെ സ്വ​ഭാ​വ​ത്തി​ലു​ണ്ടാ​യ മാ​റ്റം അ​ധി​കൃ​ത​രു​ടെ ശ്ര​ദ്ധ​യി​ല്‍​പ്പെ​ട്ടു. ഇ​തെ​ത്തു​ട​ര്‍​ന്ന് ന​ട​ത്തി​യ കൗ​ണ്‍​സി​ലിം​ഗി​ലാ​ണ് പെ​ണ്‍​കു​ട്ടി വി​വ​രം പു​റ​ത്തു പ​റ​യു​ന്ന​ത്.

ഇ​തോ​ടെ ഹോ​സ്റ്റ​ല്‍ അ​ധി​കൃ​ത​ര്‍ ഏ​റ്റു​മാ​നൂ​ര്‍ പോ​ലീ​സ് സ്റ്റേ​ഷ​നി​ല്‍ വി​വ​ര​മ​റി​യി​ച്ചു. ഇ​വി​ടെ നി​ന്നു പ്ര​തി​യെ തേ​ടി പോ​ലീ​സ് മാ​ത്ത​പ്പാ​റ​യി​ലെ​ത്തി​യെ​ങ്കി​ലും ഇ​യാ​ള്‍ ഒ​ളി​വി​ല്‍ പോ​കു​ക​യാ​യി​രു​ന്നു.

തു​ട​ര്‍​ന്ന് ഏ​റ്റു​മാ​നൂ​ര്‍ പോ​ലീ​സ് സം​ഭ​വം ന​ട​ന്ന സ്ഥ​ലം ഉ​ള്‍​പ്പെ​ടു​ന്ന മു​ട്ടം പോ​ലീ​സി​ന് കേ​സ് കൈ​മാ​റി.

ഇ​ന്ന​ലെ പോ​ലീ​സ് ജ​ലാ​ശ​യ​ത്തി​ന് ന​ടു​വി​ലെ തു​രു​ത്തി​ലെ​ത്തി പ​രി​ശോ​ധ​ന ന​ട​ത്തി. തൊ​ടു​പു​ഴ അ​ഗ്‌​നി​ര​ക്ഷാ സേ​ന​യു​ടെ ഡി​ങ്കി ബോ​ട്ടി​ലാ​ണ് പോ​ലീ​സ് തു​രു​ത്തി​ലെ​ത്തി​യ​ത്.

പെ​ണ്‍​കു​ട്ടി​യെ തു​രു​ത്തി​ലെ​ത്തി​ച്ച പ്ര​തി​യു​ടെ കു​ട്ട വ​ഞ്ചി​യും പോ​ലീ​സ് ക​സ്റ്റ​ഡി​യി​ല്‍ എ​ടു​ത്തു. പ്ര​തി​യു​ടെ ആ​ദ്യ​ഭാ​ര്യ​യും ര​ണ്ടാ​മ​ത് വി​വാ​ഹം ക​ഴി​ച്ച യു​വ​തി​യും വി​ദേ​ശ​ത്താ​ണ്.

Related posts

Leave a Comment