ക​ണ​ക്കു​കൂ​ട്ട​ൽ തെ​റ്റി​ച്ച അ​നി​ത! സീരിയൽ കില്ലർ മോഹനൻ കെണിയിലുമായി; സയനൈഡ് കെണിയിലെ ശലഭങ്ങൾ..

അ​നി​ത​യി​ൽ തു​ട​ക്കം
ദ​ക്ഷി​ണ ക​ർ​ണാ​ട​ക​ത്തി​ൽ​നി​ന്നു വി​വാ​ഹി​ത​ര​ല്ലാ​ത്ത യു​വ​തി​ക​ളെ കാ​ണാ​താ​വു​ന്ന​ത് അ​ത്ര അ​സാ​ധാ​ര​ണ സം​ഭ​വം ഒ​ന്നും അ​ല്ലാ​യി​രു​ന്നു. എ​ന്നാ​ൽ, ഉ​ന്ന​ത സ​മു​ദാ​യ​ത്തി​ൽ​പ്പെ​ട്ട ഒ​രു യു​വ​തി​യെ കാ​ണാ​താ​യ​തോ​ടെ​യാ​ണ് കാ​ര്യ​മാ​യ അ​ന്വേ​ഷ​ണം തു​ട​ങ്ങു​ന്ന​ത്.

ആ ​ഇ​ര​യെ വി​ല​യി​രു​ത്തു​ന്ന​തി​ൽ മോ​ഹ​ന​നു പ​റ്റി​യ പി​ഴ​വാ​ണ് അ​യാ​ളെ കു​ടു​ക്കി​യ​തെ​ന്നു പ​റ​യാം. സാ​ധാ​ര​ണ കാ​ര്യ​മാ​യി ആ​രും ചോ​ദി​ക്കാ​നും പ​റ​യാ​നും വ​രി​ല്ലെ​ന്ന് ഉ​റ​പ്പു​ള്ള ഇ​ര​ക​ളെ​യാ​യി​രു​ന്നു അ​യാ​ൾ തെ​ര​ഞ്ഞെ​ടു​ത്തി​രു​ന്ന​ത്. എ​ന്നാ​ൽ, അ​നി​ത​യു​ടെ കാ​ര്യ​ത്തി​ൽ അ​യാ​ൾ​ക്കു പി​ഴ​ച്ചു.

2009 ജൂ​ൺ 16ന് ​കാ​ണാ​താ​യ അ​നി​ത ഉ​ന്ന​ത സ​മു​ദാ​യ​ത്തി​ലെ ആ​ളാ​യി​രു​ന്നു. യു​വ​തി​യെ കാ​ണാ​താ​യ സം​ഭ​വം അ​റി​ഞ്ഞ​തോ​ടെ സ​മു​ദാ​യം ഇ​ള​കി.

അ​വ​ർ പോ​ലീ​സ് സ്റ്റേ​ഷ​ൻ വ​ള​ഞ്ഞു . മ​റ്റൊ​രു സ​മു​ദാ​യ​ത്തി​ൽ​പ്പെ​ട്ട യു​വാ​വി​നൊ​പ്പം യു​വ​തി ഒ​ളി​ച്ചോ​ടി​യെ​ന്നും യു​വ​തി​യെ പോ​ലീ​സ് ക​ണ്ടെ​ത്തി​യി​ല്ലെ​ങ്കി​ൽ പോ​ലീ​സ് സ്റ്റേ​ഷ​ൻ അ​ട​ക്കം ക​ത്തി​ക്കു​മെ​ന്നും അ​വ​ർ ഭീ​ഷ​ണി മു​ഴ​ക്കി. സം​ഭ​വം സാ​മു​ദാ​യി​ക പ്ര​ശ്ന​മാ​യി വ​ള​ർ​ന്ന​തോ​ടെ പോ​ലീ​സ് ഊ​ർ​ജി​ത​മാ​യി രം​ഗ​ത്തി​റ​ങ്ങി.

ഫോ​ൺ വി​ളി​ക​ൾ
അ​നി​ത​യു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളെ​ല്ലാം പോ​ലീ​സ് ഇ​ഴ കീ​റി പ​രി​ശോ​ധി​ച്ചു. അ​നി​ത​യു​ടെ കോ​ൾ ഹി​സ്റ്റ​റി പ​രി​ശോ​ധി​ക്കു​ന്ന​തി​നി​ടെ​യി​ൽ ഒ​രു കാ​ര്യം ക​ണ്ടെ​ത്തി. സ്ഥി​ര​മാ​യി ഒ​രു ന​ന്പ​റി​ൽ​നി​ന്ന് അ​ർ​ധ​രാ​ത്രി​യി​ൽ അ​നി​ത​യു​ടെ ഫോ​ണി​ലേ​ക്കു കോ​ളു​ക​ൾ വ​രു​ന്ന​തു ക​ണ്ടെ​ത്തി. വ​ള​ര​യേ​റെ സ​മ​യം ഈ ​കോ​ളു​ക​ൾ നീ​ണ്ടി​രു​ന്നു.

ആ ​ഫോ​ൺ ന​ന്പ​രി​ന്‍റെ വി​ശ​ദാം​ശം പോ​ലീ​സ് എ​ടു​ത്തു. മ​ടി​ക്ക​ര​യി​ലു​ള്ള കാ​വേ​രി എ​ന്ന സ്ത്രീ​യു​ടെ പേ​രി​ലാ​യി​രു​ന്നു ഈ ​ഫോ​ൺ ക​ണ​ക്ഷ​ൻ. തു​ട​ർ​ന്ന് കാ​വേ​രി എ​ന്ന സ്ത്രീ​യെ അ​ന്വേ​ഷി​ച്ചു പോ​ലീ​സ് മ​ടി​ക്കേ​രി​യി​ലെ​ത്തി.​അ​വി​ടെ​യെ​ത്തി​യ​പ്പോ​ൾ അ​ന്വേ​ഷ​ണ സം​ഘ​ത്തി​ന് അ​തു മ​റ്റൊ​രു ഞെ​ട്ട​ലാ​യി. കാ​ര​ണം കാ​വേ​രി​യെ കാ​ണാ​താ​യി​ട്ടു മാ​സ​ങ്ങ​ളാ​യി.​ഇ​തു സം​ബ​ന്ധി​ച്ചു സ​മീ​പ​ത്തു​ള്ള പോ​ലീ​സ് സ്റ്റേ​ഷ​നി​ൽ പ​രാ​തി​യു​മു​ണ്ട്.

കാ​വേ​രി​യി​ലേ​ക്ക്
ഇ​തോ​ടെ കാ​വേ​രി​യു​ടെ ഫോ​ണി​ലെ കോ​ൾ ഹി​സ്റ്റ​റി പോ​ലീ​സ് പ​രി​ശോ​ധി​ക്കാ​ൻ തു​ട​ങ്ങി. അ​നി​ത​യു​ടെ കോ​ൾ ലി​സ്റ്റി​ൽ ക​ണ്ട​തു​പോ​ലെ കാ​വേ​രി​യു​ടെ ഫോ​ണി​ലേ​ക്കും അ​ർ​ധ​രാ​ത്രി​യി​ൽ ഒ​രു ന​ന്പ​റി​ൽ​നി​ന്നു സ്ഥി​ര​മാ​യി ഫോ​ൺ വ​രാ​റു​ണ്ടെ​ന്നു പോ​ലീ​സ് ക​ണ്ടെ​ത്തി.

മ​ണി​ക്കൂ​റു​ക​ളോ​ളം ഈ ​സം​ഭാ​ഷ​ണ​വും നീ​ണ്ടു നി​ന്നി​രു​ന്ന​താ​യും വ്യ​ക്ത​മാ​യി. വി​ളി​ച്ചി​രു​ന്ന ഈ ​ന​ന്പ​രി​ന്‍റെ വി​വ​ര​ങ്ങ​ൾ എ​ടു​ത്ത​പ്പോ​ൾ ഇ​തു പു​ഷ്പ വാ​സു​ഗോ​ഡ് എ​ന്ന സ്ത്രീ​യു​ടെ പേ​രി​ലു​ള്ള​താ​ണെ​ന്നു വ്യ​ക്ത​മാ​യി.

ഇ​തോ​ടെ പോ​ലീ​സ് പു​ഷ്പ​യെ തേ​ടി​യി​റ​ങ്ങി. എ​ന്നാ​ൽ, അ​വ​രെ അ​ന്വേ​ഷി​ച്ചു നാ​ട്ടി​ൽ ചെ​ന്ന​പ്പോ​ൾ അ​വ​ർ ഒ​രു വ​ർ​ഷം മു​ന്പ് കാ​ണാ​താ​യ ആ​ളാ​ണ് എ​ന്ന​താ​യി​രു​ന്നു വീ​ട്ടു​കാ​രു​ടെ​യും നാ​ട്ടു​കാ​രു​ടെ​യും മ​റു​പ​ടി.

ഹൊ​റ​ർ ത്രി​ല്ല​ർ പോ​ലെ
സം​ഭ​വം പോ​ലീ​സി​നു വി​ചി​ത്ര​മാ​യി തോ​ന്നി. ഹൊ​റ​ർ ത്രി​ല്ല​ർ സി​നി​മ​യി​ലെ​പ്പോ​ലെ​യു​ള്ള എ​ന്തോ ഒ​ന്ന് ഇ​തി​ലെ​വി​ടെ​യോ ഒ​ളി​ച്ചി​രി​ക്കു​ന്ന​താ​യി അ​ന്വേ​ഷ​ക​ർ​ക്കു തോ​ന്നി​ത്തു​ട​ങ്ങി. അ​ല്പം​കൂ​ടി ഗൗ​ര​വ​ത്തോ​ടെ ഈ ​കേ​സി​നെ കൈ​കാ​ര്യം ചെ​യ്യാ​ൻ അ​വ​ർ തീ​രു​മാ​നി​ച്ചു.

അ​തോടെ പു​ഷ്പ​യു​ടെ ഫോ​ൺ ന​ന്പ​ർ ക​ണ്ടെ​ത്തി അ​തി​ന്‍റെ വി​ശ​ദാം​ശ​ങ്ങ​ൾ എ​ടു​ത്തു. ഉ​ദ്യോ​ഗ​സ്ഥ​രെ അ​ന്പ​ര​പ്പി​ച്ച് അ​തി​ലും സ​മാ​ന​സം​ഭ​വം. ഒ​രു ന​ന്പ​രി​ൽ​നി​ന്ന് അ​സാ​ധാ​ര​ണ​മാ​യ രീ​തി​യി​ൽ രാ​ത്രി കോ​ളു​ക​ൾ. ആ ​ന​ന്പ​രി​ന്‍റെ ഉ​ട​മ​യെ തി​ര​ഞ്ഞ​പ്പോ​ൾ ഒ​രു വി​നീ​ത.

വി​നീ​ത​യെ ക​ണ്ടെ​ത്താ​ൻ തീ​രു​മാ​നി​ച്ചു. എ​ന്നാ​ൽ, അ​വ​രും കാ​ണാ​താ​യ പ​ട്ടി​ക​യി​ൽ ഉ​ള്ള​താ​ണെ​ന്നു പോ​ലീ​സ് തി​രി​ച്ച​റി​ഞ്ഞു. വി​നീ​ത ഉ​പ​യോ​ഗി​ച്ചി​രു​ന്ന ഫോ​ൺ ന​ന്പ​രി​ന്‍റെ ലി​സ്റ്റ് എ​ടു​ത്ത​പ്പോ​ൾ മ​റ്റൊ​രു ന​ന്പ​ർ കി​ട്ടി… അ​വ​രെ​യും കാ​ണി​നി​ല്ല…

ഒ​ന്നും ര​ണ്ടു​മ​ല്ല ഒ​രു ചെ​യി​ൻ പോ​ലെ 19 സ്ത്രീ​ക​ളു​ടെ ഫോ​ൺ ന​ന്പ​രാ​ണ് ഇ​ങ്ങ​നെ പോ​ലീ​സ് ക​ണ്ടെ​ത്തി​യ​ത്. എ​ന്നാ​ൽ, പ​ത്തൊ​ന്പ​തു പേ​രെ​യും കാ​ണാ​താ​യി​രു​ന്നു. കു​റ്റാ​ന്വേ​ഷ​ക​രു​ടെ ത​ല​പു​ക​ച്ച കേ​സ് ആ​യി അ​നി​ത​യു​ടെ തി​രോ​ധാ​നം വ​ള​രു​ക​യാ​യി​രു​ന്നു.

അ​തോ​ടൊ​പ്പം രാ​ജ്യ​ത്തെ ഞെ​ട്ടി​ച്ച ഒ​രു കൊ​ടും സീ​രി​യ​ൽ കി​ല്ല​റെ​ക്കു​റി​ച്ചു പു​റം​ലോ​കം അ​റി​യു​ന്ന​തി​നും ആ ​അ​ന്വേ​ഷ​ണം വ​ഴി​വ​ച്ചു.

(തു​ട​രും)

തയാറാക്കിയത്: റെനീഷ് മാത്യു

Related posts

Leave a Comment