ഹെ​ൽ​മെ​റ്റി​ല്ലേ​ലും മദ്യപിച്ചാലും സ്കൂ​ട്ട​ർ അ​ന​ങ്ങി​ല്ല!സാ​ങ്കേ​തി​ക വി​ദ്യ​യൊ​രു​ക്കി​യ വി​ദ്യാ​ർ​ഥി​ക്ക് മോട്ടോർ വാ​ഹ​ന വ​കു​പ്പി​ന്‍റെ അ​ഭി​ന​ന്ദ​നം

മ​ട്ടാ​ഞ്ചേ​രി: ഹെ​ൽ​മെ​റ്റി​ല്ലാ​തെ​യും മ​ദ്യ​പി​ച്ചും വാ​ഹ​നം ഓ​ടി​ക്കു​ന്ന​ത് ഒ​ഴി​വാ​ക്കാ​നാ​യി വി​ദ്യാ​ർ​ഥി ഒ​രു​ക്കി​യ സാ​ങ്കേ​തി​ക സം​വി​ധാ​ന​ത്തി​ന് മോ​ട്ടോ​ർ വാ​ഹ​ന വ​കു​പ്പി​ന്‍റെ അ​ഭി​ന​ന്ദ​നം.

മ​ട്ടാ​ഞ്ചേ​രി ചു​ള്ളി​ക്ക​ൽ സ്വ​ദേ​ശി എ​ഡോ​ൺ ജോ​യി എ​ന്ന പ​തി​നെ​ട്ടു​കാ​ര​നാ​ണ് ഹെ​ൽ​മെ​റ്റി​ല്ലാ​തെ​യും മ​ദ്യ​പി​ച്ചും വാ​ഹ​നം ഓ​ടി​ക്കാ​ൻ ശ്ര​മി​ച്ചാ​ൽ വാ​ഹ​നം സ്റ്റാ​ർ​ട്ടാ​കാ​ത്ത സാ​ങ്കേ​തി​ക​വി​ദ്യ വി​ക​സി​പ്പി​ച്ച​ത്.

ഇ​ത് ജ​ന​ശ്ര​ദ്ധ​യാ​ക​ർ​ഷി​ച്ച​തോ​ടെ മ​ട്ടാ​ഞ്ചേ​രി ജോ​യി​ന്‍റ് ആ​ർ​ടി​ഒ ജെ​ബി ഐ. ​ചെ​റി​യാ​ന്‍റെ നി​ർ​ദേ​ശ​ത്തെ​ത്തു​ട​ർ​ന്ന് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ കെ.​അ​ഫ്സ​ൽ അ​ലി, അ​സി. മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ കെ.​എ​ൽ. അ​നീ​ഷ് എ​ന്നി​വ​ർ വീ​ട്ടി​ലെ​ത്തി അ​ഡോ​ണി​നെ അ​ഭി​ന​ന്ദി​ച്ചു. വാ​ഹ​ന വ​കു​പ്പി​ന്‍റെ പ്ര​ശം​സാ​പ​ത്ര​വും കൈ​മാ​റി.

ഒ​രു ചി​പ്പി​ലേ​ക്ക് റൈ​റ്റ് ചെ​യ്ത് പി​സി​ബി​യു​മാ​യി ബ​ന്ധി​പ്പി​ച്ച് സ്കൂ​ട്ട​റി​ന്‍റെ പെ​ട്ടി​യി​ൽ സൂ​ക്ഷി​ക്കാ​വു​ന്ന സം​വി​ധാ​ന​മാ​ണ് ഇ​തി​നാ​യി എ​ഡോ​ൺ ത​യ​റാ​ക്കി​യി​രി​ക്കു​ന്ന​ത്.

ഇ​ത് ഹെ​ൽ​മെ​റ്റു​മാ​യി ബ​ന്ധ​പ്പെ​ടു​ത്തി​യി​രി​ക്കു​ക​യാ​ണ്.​അ​ത് കൊ​ണ്ട് ത​ന്നെ ഹെ​ൽ​മെ​റ്റ് ത​ല​യി​ലി​ല്ലെ​ങ്കി​ൽ വ​ണ്ടി സ്റ്റാ​ർ​ട്ടാ​കി​ല്ല. മ​ദ്യ​ത്തി​ന്‍റെ മ​ണം ഹെ​ൽ​മ​റ്റി​ൽ അ​നു​ഭ​വ​പ്പെ​ട്ടാ​ലും വ​ണ്ടി സ്റ്റാ​ർ​ട്ട് ആ​കി​ല്ല. ഈ ​സം​വി​ധാ​നം ഒ​രു​ക്കാ​ൻ 6,500 രൂ​പ​യാ​ണ് ചെ​ല​വാ​യ​ത്.

ഇ​തു​കൊ​ണ്ടു മാ​ത്ര​മാ​യി​ല്ല എ​ഡോ​ണി​ന്‍റെ ക​ണ്ടു​പി​ടു​ത്ത​ങ്ങ​ൾ. ഫോ​ണി​ൽ ഒ​രു​ക്കി​യ ആ​പ് പ്ര​കാ​രം വ​ണ്ടി സ്റ്റാ​ർ​ട്ട് ചെ​യ്യു​വാ​നും, ഓ​ഫാ​ക്കു​നും സ​ജ്ജീ​ക​ര​ണ​മൊ​രു​ക്കി​യി​ട്ടു​ണ്ട്.

വ​ണ്ടി എ​വി​ടെ​യാ​ണെ​ങ്കി​ലും ഈ ​സം​വി​ധാ​നം ഉ​പ​യോ​ഗ​പ്പെ​ടു​ത്താം. വാ​ഹ​നം എ​വി​ടെ​യെ​ങ്കി​ലും അ​പ​ക​ട​ത്തി​ൽ​പെ​ട്ടാ​ൽ ആ ​വി​വ​രം എ​സ്എം​എ​സ് സ​ന്ദേ​ശം ഫോ​ണി​ൽ വ​രു​ന്ന​തി​നു​ള്ള പ്ര​ത്യേ​ക ആ​പ്പും എ​ഡോ​ൺ ത​യാ​റാ​ക്കി​യി​ട്ടു​ണ്ട്.

ഇ​ത് എ​ല്ലാ വാ​ഹ​ന​ങ്ങ​ളി​ലും ഉ​പ​യോ​ഗ​പെ​ടു​ത്താ​മെ​ന്നാ​ണ് എ​ഡോ​ൺ പ​റ​യു​ന്ന​ത്. കെ.​ജെ. മാ​ക്സി എം​എ​ൽ​എ​യും അ​ഡോ​ണി​നെ വ​സ​തി​യി​ലെ​ത്തി അ​ഭി​ന​ന്ദി​ച്ചു. നി​ര​വ​ധി പേ​രാ​ണ് ഈ ​സം​വി​ധാ​നം ഘ​ടി​പ്പി​ക്കു​ന്ന​തി​നാ​യി എ​ഡോ​ണി​നെ സ​മീ​പി​ക്കു​ന്ന​ത്.

ചു​ള്ളി​ക്ക​ൽ കീ​നേ​ഴ്സി​ൽ ജോ​യി പോ​ൾ-​ഡീ​ന ദ​ന്പ​തി​ക​ളു​ടെ മ​ക​നാ​യ എ​ഡോ​ൺ ക​ലൂ​ർ മോ​ഡ​ൽ ടെ​ക്നി​ക്ക​ൽ സ്കൂ​ളി​ൽ​നി​ന്നാ​ണ് ഹ​യ​ർ​സെ​ക്ക​ൻ​ഡ​റി പ​ഠ​നം പൂ​ർ​ത്തീ​ക​രി​ച്ച​ത്. ഇ​ല​ക്ട്രി​ക് എ​ൻ​ജി​നീ​യ​റിം​ഗ് ചെ​യ്യ​ണ​മെ​ന്നാ​ണ് ആ​ഗ്ര​ഹം. ഏ​ക സ​ഹോ​ദ​ര​ൻ ഡി​യോ​ൺ ഒ​ന്പ​താം ക്ലാ​സ് വി​ദ്യാ​ർ​ഥി​യാ​ണ്.