ലേ: അധ്യാപകനും പരിസ്ഥിതി പ്രവര്‍ത്തകനും സോഷ്യല്‍ ആക്ടിവിസ്റ്റുമായ സോനം വാങ്ചുക്കിന്‍റെ ‘ഹിമാലയന്‍ ഇന്‍സ്റ്റിറ്റ്യൂട്ട് ഓഫ് ആള്‍ട്ടര്‍നേറ്റീവ്‌സ്’ നടത്തുന്ന ‘ഡെസേര്‍ട്ട് ഫ്‌ളവര്‍’ സ്‌കൂളിന്‍റെ പ്രവര്‍ത്തനങ്ങള്‍ നിര്‍ത്തിവയ്ക്കാന്‍ ഉത്തരവ്.
ലഡാക്ക് ഭരണകൂടത്തിന്‍റേതാണ് നടപടി. ശരിയായ അനുമതികളോ നോ ഒബ്ജക്ഷന്‍ സര്‍ട്ടിഫിക്കറ്റോ ഇല്ലാതെയാണ് സോനം വാങ്ചുക്കിന്‍റെ സ്‌കൂള്‍ പ്രവര്‍ത്തിക്കുന്നതെന്ന് ചൂണ്ടിക്കാണിച്ച് ലേ ഭരണകൂടം സ്‌കൂളിന്‍റെ പ്രവര്‍ത്തനം നിര്‍ത്തിവെക്കണമെന്ന് ആവശ്യപ്പെട്ടാണ് നോട്ടീസ് നല്‍കിയത്. ജമ്മു-കശ്മീര്‍-ലഡാക്ക് ഹൈക്കോടതിയുടെ വിധി വരുന്നതുവരെയാണ് വിലക്ക്.
അതേസമയം, കേന്ദ്രഭരണ പ്രദേശത്തുടനീളം തെരുവുകളില്‍ ബാറുകളും മദ്യശാലകളും തുറക്കുന്നുണ്ടെന്ന സോനം വാങ്ചുക്കിന്‍റെ ആരോപണങ്ങളെ ലഡാക്ക് എക്‌സൈസ് വകുപ്പ് ശക്തമായി നിഷേധിച്ചു. 2026-27 വര്‍ഷത്തെ എക്‌സൈസ് നയത്തില്‍ വരുത്തിയ മാറ്റങ്ങള്‍ പിന്‍വലിച്ചതായും, ഈ പ്രദേശത്ത് നിലവില്‍ ഒരൊറ്റ മദ്യശാല മാത്രമേ പ്രവര്‍ത്തിക്കുന്നുള്ളൂവെന്നും വകുപ്പ് വ്യക്തമാക്കി.
