സ്‌​കൂ​ള്‍ മേ​ള​ക​ള്‍ ഇ​ല്ലെ​ങ്കി​ലും പി​രി​വി​ന് കു​റ​വി​ല്ല ! പ്രധാനാധ്യാപകർക്കു തലവേദനയായി സ്റ്റാന്പ് വിൽപ്പന…

സി​ജോ പൈ​നാ​ട​ത്ത്
കൊ​ച്ചി: സ്‌​കൂ​ള്‍ ക​ലാ, കാ​യി​ക മേ​ള​ക​ള്‍ ഇ​ല്ലെ​ങ്കി​ലും അ​തി​ന്‍റെ ന​ട​ത്തി​പ്പി​നെ​ന്ന പേ​രി​ല്‍ തു​ക ശേ​ഖ​രി​ക്കു​ന്ന​ത് ഇ​ക്കു​റി​യും തു​ട​രു​ന്നു. മേ​ള​ക​ളു​ടെ ചെ​ല​വി​ലേ​ക്കാ​യി വി​ദ്യാ​ര്‍​ഥി​ക​ള്‍​ക്കും അ​ധ്യാ​പ​ക​ര്‍​ക്കും സ്റ്റാ​മ്പു​ക​ള്‍ ന​ല്‍​കി തു​ക സ​മാ​ഹ​രി​ക്കു​ന്ന​തു പൊ​തു​വി​ദ്യാ​ല​യ​ങ്ങ​ളി​ല്‍ പു​രോ​ഗ​മി​ക്കു​ക​യാ​ണ്.

ഒ​രു വി​ദ്യാ​ര്‍​ഥി 15 രൂ​പ വീ​ത​മാ​ണു ശി​ശു​ദി​ന സ്റ്റാ​മ്പി​നാ​യി ന​ല്‍​കേ​ണ്ട​ത്. സ​ര്‍​ക്കാ​ര്‍, എ​യ്ഡ​ഡ് മേ​ഖ​ല​ക​ളി​ലാ​യി സം​സ്ഥാ​ന​ത്തെ 12,644 പൊ​തു​വി​ദ്യാ​ല​യ​ങ്ങ​ളി​ല്‍ 37,16,897 വി​ദ്യാ​ര്‍​ഥി​ക​ളാ​ണു പ​ഠി​ക്കു​ന്ന​ത്. എ​ല്ലാ സ്‌​കൂ​ളു​ക​ളി​ലേ​ക്കും സ്റ്റാ​മ്പു​ക​ള്‍ എ​ത്തി​ച്ചി​ട്ടു​ണ്ട്.

വി​ദ്യാ​ര്‍​ഥി​ക​ളി​ല്‍ നി​ന്ന് ആ​കെ 5.57 കോ​ടി രൂ​പ​യാ​ണു പൊ​തു​വി​ദ്യാ​ഭ്യാ​സ വ​കു​പ്പ് സ്റ്റാ​മ്പി​ന്‍റെ വി​ല​യാ​യി ശേ​ഖ​രി​ക്കു​ന്ന​ത്. സ​ബ് ജി​ല്ലാ, ജി​ല്ലാ, സം​സ്ഥാ​ന ത​ല​ങ്ങ​ളി​ലെ ക​ലാ, കാ​യി​ക, ശാ​സ്ത്ര മേ​ള​ക​ള്‍​ക്കാ​ണ് ഈ ​തു​ക ചെ​ല​വ​ഴി​ക്കു​ന്ന​തെ​ന്നാ​ണ് അ​റി​യി​ച്ചി​ട്ടു​ള്ള​തെ​ങ്കി​ലും ക​ഴി​ഞ്ഞ ര​ണ്ടു വ​ര്‍​ഷ​മാ​യി മേ​ള​ക​ളൊ​ന്നും ന​ട​ന്നി​ട്ടി​ല്ല.

വി​ദ്യാ​ര്‍​ഥി​ക​ള്‍​ക്കു പു​റ​മേ, ഓ​രോ അ​ധ്യാ​പ​ക​നും 250 രൂ​പ സ്റ്റാ​മ്പ് ഇ​ന​ത്തി​ല്‍ ന​ല്‍​കാ​ന്‍ നി​ര്‍​ദേ​ശി​ച്ചി​ട്ടു​ണ്ട്. ഈ ​തു​ക മേ​ള​ക​ള്‍​ക്കു വേ​ണ്ടി​യാ​ണോ ഉ​പ​യോ​ഗി​ക്കു​ന്ന​തെ​ന്നു വി​ദ്യാ​ഭ്യാ​സ വ​കു​പ്പ് വ്യ​ക്ത​മാ​ക്കി​യി​ട്ടി​ല്ലെ​ന്ന് അ​ധ്യാ​പ​ക​ര്‍ പ​റ​യു​ന്നു.
സ്റ്റാ​മ്പി​ന്‍റെ തു​ക ഓ​രോ സ്‌​കൂ​ളു​ക​ളും ട്ര​ഷ​റി​യി​ല്‍ അ​ട​യ്ക്ക​ണ​മെ​ന്നാ​ണു നി​ര്‍​ദേ​ശം.

അ​തേ​സ​മ​യം ക്ലാ​സു​ക​ള്‍ ന​ട​ക്കാ​തി​രു​ന്ന 2020-21 അ​ധ്യ​യ​ന വ​ര്‍​ഷ​ത്തി​ലെ സ്റ്റാ​മ്പി​ന്‍റെ തു​ക​യും ട്ര​ഷ​റി​യി​ല്‍ അ​ട​യ്ക്ക​ണ​മെ​ന്നു ചി​ല സ്‌​കൂ​ളു​ക​ള്‍​ക്കു നി​ര്‍​ദേ​ശം ന​ല്‍​കി​യി​ട്ടു​ണ്ട്. ചി​ല സ്‌​കൂ​ളു​ക​ളി​ല്‍ വി​ദ്യാ​ര്‍​ഥി​ക​ളു​ടെ എ​ണ്ണ​ത്തേ​ക്കാ​ള്‍ മൂ​ന്നി​ര​ട്ടി സ്റ്റാ​മ്പു​ക​ളാ​ണ് എ​ത്തി​ച്ചി​ട്ടു​ള്ള​ത്.

വി​ദ്യാ​ര്‍​ഥി​ക​ള്‍ ഭാ​ഗി​ക​മാ​യി ഓ​ണ്‍​ലൈ​ന്‍ ക്ലാ​സു​ക​ളി​ല്‍ തു​ട​രു​ന്ന​തും സ്റ്റാ​മ്പു​ക​ള്‍ വാ​ങ്ങാ​ത്ത​തും പ്ര​ധാ​ന​ധ്യാ​പ​ക​ര്‍​ക്കാ​ണു തി​രി​ച്ച​ടി​യാ​വു​ന്ന​ത്. 21 മു​ത​ല്‍ സ്‌​കൂ​ളു​ക​ള്‍ അ​ട​യ്ക്കു​ന്ന​തോ​ടെ സ്റ്റാ​മ്പി​ന്‍റെ തു​ക ശേ​ഖ​രി​ക്കു​ന്ന​തും നി​ല​യ്ക്കും. മേ​ള​ക​ളൊ​ന്നും ഇ​ല്ലെ​ങ്കി​ല്‍ പി​ന്നെ എ​ന്തി​നാ​ണു സ്റ്റാ​മ്പു വി​ല്പ​ന​യെ​ന്നു ര​ക്ഷി​താ​ക്ക​ളും ചോ​ദി​ക്കു​ന്നു.

സ്‌​കൂ​ള്‍ ഉ​ച്ച​ഭ​ക്ഷ​ണ പ​ദ്ധ​തി​യ്ക്കു മ​തി​യാ​യ തു​ക സ​ര്‍​ക്കാ​ര്‍ ന​ല്‍​കാ​ത്ത​തി​ലൂ​ടെ കു​ട്ടി​ക​ള്‍​ക്കു ഭ​ക്ഷ​ണ​മൊ​രു​ക്കാ​നു​ള്ള വി​ഭ​വ​ങ്ങ​ള്‍​ക്കു പോ​ക്ക​റ്റി​ല്‍​നി​ന്നും പി​രി​വു ന​ട​ത്തി​യും പ​ണം ക​ണ്ടെ​ത്തേ​ണ്ടി​വ​രു​ന്ന പ്ര​തി​സ​ന്ധി​യ്ക്കു പു​റ​മേ​യാ​ണു സ്റ്റാ​മ്പ് വി​ല്പ​ന​യും പ്ര​ധാ​ന​ധ്യാ​പ​ക​ര്‍​ക്കു ത​ല​വേ​ദ​ന​യാ​വു​ന്ന​ത്.

Related posts

Leave a Comment