അ​ന്ത​രീ​ക്ഷ​താ​പം വ​ർ​ധി​ക്കാ​ൻ സാ​ധ്യ​ത; പ​ക​ൽ ജാ​ഗ്ര​ത പു​ല​ർ​ത്ത​ണ​മെ​ന്ന് ആ​രോ​ഗ്യ​വ​കു​പ്പി​ന്‍റെ മു​ന്ന​റി​യി​പ്പ്

കോ​ട്ട​യം: വ​രും​ദി​വ​സ​ങ്ങ​ളി​ൽ അ​ന്ത​രീ​ക്ഷ​താ​പം വ​ർ​ധി​ക്കാ​ൻ സാ​ധ്യ​ത​യു​ള്ള​തി​നാ​ൽ പ​ക​ൽ ജാ​ഗ്ര​ത പു​ല​ർ​ത്ത​ണ​മെ​ന്ന് ആ​രോ​ഗ്യ​വ​കു​പ്പി​ന്‍റെ മു​ന്ന​റി​യി​പ്പ്. സൂ​ര്യാ​ഘാ​ത​ത്തി​ന് സാ​ധ്യ​ത​യേ​റെ​യാ​ണ്. ചൂ​ട് കൂ​ടി ശ​രീ​ര​ത്തി​ലെ താ​പം പു​റ​ത്തു ക​ള​യാ​ൻ ക​ഴി​യാ​തെ, ശരീരത്തിന്‍റെ പ്ര​വ​ർ​ത്ത​ന​ങ്ങ​ൾ ത​ക​രാ​റി​ലാ​കു​ന്ന അ​വ​സ്ഥ​യാ​ണ് സൂ​ര്യാ​ഘാ​തം.

ശ​രീ​രം ചൂ​ടാ​കു​ക, വ​ര​ണ്ട് ചു​വ​ക്കു​ക, നേ​ർ​ത്ത് വേ​ഗ​ത്തി​ൽ നാ​ഡി​മി​ടി​പ്പ്, ശ​ക്തി​യാ​യ ത​ല​വേ​ദ​ന, മാ​ന​സി​കാ​വ​സ്ഥ​യി​ൽ മാ​റ്റം തു​ട​ങ്ങി​യ​വ ല​ക്ഷ​ണ​ങ്ങ​ളാ​ണ്. ചി​ല​പ്പോ​ൾ അ​ബോ​ധാ​വ​സ്ഥ​യും ഉ​ണ്ടാ​കാം. സൂ​ര്യാ​ഘാ​ത​മോ ക​ടു​ത്ത ക്ഷീ​ണ​മോ അ​നു​ഭ​വ​പ്പെ​ട്ടാ​ൽ ത​ണു​ത്ത സ്ഥ​ല​ത്തേ​ക്ക് മാ​റി​നി​ൽ​ക്ക​ണം.

ത​ണു​ത്ത വെ​ള്ളം കൊ​ണ്ട് ശ​രീ​രം ത​ട​വു​ക, ഫാ​നി​ന്‍റെ​യും മ​റ്റും സ​ഹാ​യ​ത്തോ​ടെ ശ​രീ​രം ത​ണു​പ്പി​ക്കു​ക, ധാ​രാ​ളം വെ​ള്ളം കു​ടി​ക്കു​ക, ക​ട്ടി കൂ​ടി​യ വ​സ്ത്ര​ങ്ങ​ൾ മാ​റ്റു​ക തു​ട​ങ്ങി​യ​വ ചെ​യ്യ​ണം.  അ​മി​ത ചൂ​ട് അ​നു​ഭ​വ​പ്പെ​ടു​ന്ന ഈ ​ദി​വ​സ​ങ്ങ​ളി​ൽ ഓ​രോ മ​ണി​ക്കൂ​റും നാ​ലു ഗ്ലാ​സ് വ​രെ വെ​ള്ളം കു​ടി​ക്ക​ണം.

ഉ​പ്പി​ട്ട ക​ഞ്ഞി​വെ​ള്ള​വും നാ​ര​ങ്ങാ​വെ​ള്ള​വും കു​ടി​ക്കാം. മ​ദ്യ​പാ​നം ഒ​ഴി​വാ​ക്ക​ണം. ബി​യ​റും ന​ന്ന​ല്ല. പ​ഴ​ങ്ങ​ൾ കൂ​ടു​ത​ലാ​യി ക​ഴി​ക്കു​ക. രാ​വി​ലെ 11 മു​ത​ൽ ഉ​ച്ച​ക​ഴി​ഞ്ഞ് മൂ​ന്നു വ​രെ പു​റ​ത്തി​റ​ങ്ങി ക​ഠി​ന​ജോ​ലി ചെ​യ്യ​രു​ത്. കു​ട്ടി​ക​ളെ വെ​യി​ല​ത്ത് ക​ളി​ക്കാ​ൻ വി​ട​രു​ത്.