Tag: Harekala Hajabba

  ഹരേക്കള ഹജ്ജബ്ബ എന്ന മനുഷ്യനെ ‘ദി റിയല്‍ ഹീറോ’ എന്നു തന്നെ വിശേഷിപ്പിക്കാം. ഓറഞ്ച് വില്‍പ്പനയിലൂടെ ഒരു നാടിനു മുഴുവന്‍ വെളിച്ചം പകര്‍ന്ന വ്യക്തിത്വമാണ് ഇദ്ദേഹം. മംഗളുരു സര്‍വകലാശാലയുടെ ബിരുദ പുസ്തകങ്ങളില്‍ മധുരാക്ഷരങ്ങള്‍ എന്ന പേരില്‍ വിദ്യാര്‍ഥികള്‍ പഠിക്കുന്നത് ഈ മധുരനാരങ്ങ വില്പനക്കാരന്റെ ജീവിതമാണ്… ഓറഞ്ച് കച്ചവടത്തിലൂടെ ഉറുമ്പു ധാന്യമണി ശേഖരിക്കുന്നതു പോലെ പൈസ സ്വരുക്കൂട്ടുന്നതു നാട്ടിലെ കുഞ്ഞുങ്ങള്‍ക്കു അക്ഷരങ്ങളിലൂടെ അറിവിന്റെ വെളിച്ചം പകരുകയാണ് ഈ മനുഷ്യന്‍. വലുപ്പമേറിയ ഓറഞ്ചുകുട്ട തലയില്‍ ചുമന്നു വിയര്‍ത്തൊലിച്ചു കച്ചവടം ചെയ്യുന്നതു സ്‌കൂളിലെ സൗകര്യങ്ങള്‍ മെച്ചപ്പെടുത്തുന്നതിനും അധ്യാപകര്‍ക്കു ശമ്പളം നല്‍കുന്നതിനുമാണ്.. പിന്നെ എങ്ങനെയാണ് ഹജ്ജബ്ബ ഹീറോ അല്ലാതാകുന്നത്? അടിസ്ഥാന സൗകര്യങ്ങളേതുമില്ലാത്ത ദക്ഷിണ കര്‍ണാടകയിലെ ന്യൂ പദപ്പ എന്ന ഗ്രാമത്തിലാണ് ഹജ്ജബ്ബ മാറ്റങ്ങള്‍ വരുത്തിയത്. പൊട്ടിപൊളിഞ്ഞ റോഡുകള്‍ നിറഞ്ഞ, അടിയന്തിരാവശ്യങ്ങള്‍ക്കു പോലും വാഹനങ്ങള്‍ ഇല്ലാത്ത,നല്ല വീടുകള്‍ പോലുമില്ലാത്ത ഈ ഗ്രാമത്തില്‍ പക്ഷെ…