ഫാഷന്‍ ഷോയില്‍ പങ്കെടുപ്പിക്കാമെന്ന് പറഞ്ഞ് മോഡലുകളെ കബളിപ്പിച്ച് പണം തട്ടിയ മുഖ്യ സംഘാടകന്‍ ഒളിവില്‍. എമിറേറ്റ്‌സ് ഫാഷന്‍ കമ്പനി ഉടമ അന്‍ഷാദ് ആഷ് അസീസാണ് ഷോയുടെ തലേന്ന് മുങ്ങിയത്. പണം തട്ടിയത് അന്‍ഷാദും സംഘവുമാണെന്ന് വ്യക്തമാക്കുന്ന തെളിവുകള്‍ പരിപാടിയുടെ സഹ സംഘാടകരായ ലിസാറോ മോഡലിങ് കമ്പനി പുറത്തുവിട്ടു. നൂറ് കണക്കിന് മോഡലുകളെയാണ് പണം വാങ്ങിയ ശേഷം റാംപില്‍ നിന്ന് ഒഴിവാക്കിയത്. ഷോയുടെ സഹ സംഘാടകരായ ലിസാറോ മോഡലിങ് കമ്പനി ഉടമ ജെനിലിനെതിരെയായിരുന്നു മോഡലുകളുടെ ആരോപണം. എന്നാല്‍ യഥാര്‍ഥ തട്ടിപ്പുവീരന്‍ മുഖ്യ സംഘാടകനായ എമിറേറ്റ്‌സ് ഫാഷന്‍ കമ്പനി ഉടമ അന്‍ഷാദാണെന്ന് ജെനില്‍ പറഞ്ഞു. അന്‍ഷാദും എമിറേറ്റ്‌സ് ഫാഷന്‍ കമ്പനി കോ ഓര്‍ഡിനേറ്ററും പണം വാങ്ങിയതിന്റെ തെളിവുകളും ഇവര്‍ പുറത്തുവിട്ടു. എല്ലാത്തിനും കാരണക്കാരന്‍ താനാണെന്ന് കാട്ടി അന്‍ഷാദ് അയച്ച സന്ദേശവും തെളിവുകളുടെ കൂട്ടത്തിലുണ്ട്.
Read Moreകൊച്ചിയിലെ ഫാഷന്‍ ഷോ തട്ടിപ്പ് ! മുഖ്യ സംഘാടകന്‍ ഒളിവില്‍; തട്ടിപ്പിനിരയായത് നൂറുകണക്കിന് മോഡലുകള്‍…
