ബംഗളൂരു: ബംഗളൂരു എയ്‌റോനോട്ടിക്കല്‍ ഡെവലപ്‌മെന്‍റ് ഏജന്‍സിയിലെ മുതിര്‍ന്ന ശാസ്ത്രജ്ഞന്‍ ജീവനൊടുക്കിയത് തൊഴില്‍ സമ്മര്‍ദം മൂലമാണെന്നു കുടുംബത്തിന്‍റെ ആരോപണം. പ്രതിരോധ മന്ത്രാലയത്തിനു കീഴിലുള്ള സ്വയംഭരണ സ്ഥാപനമായ എഡിഎയിലെ മുതിര്‍ന്ന ശാസ്ത്രജ്ഞനായ ശരത് കത്യാര്‍ കഴിഞ്ഞദിവസമാണു സീഗഹള്ളിയിലെ അപ്പാര്‍ട്ടമെന്‍റില്‍നിന്ന് ചാടി ജീവനൊടുക്കിയത്. 47 കാരനായ ഇദ്ദേഹം ലൈറ്റ് കോംപാക്റ്റ് വിമാനങ്ങളുടെ (എല്‍സിഎ) എംകെ 2 ഗവേഷണ പദ്ധതിയിലാണു ശ്രദ്ധകേന്ദ്രീകരിച്ചിരുന്നത്. ഒരുമാസമായി ശരത് കടുത്ത മാനസിക സമ്മര്‍ദ്ദത്തിലായിരുന്നുവെന്ന് കുടുംബാംഗങ്ങള്‍ പറഞ്ഞു. ഇതേത്തുടര്‍ന്ന് കഴിഞ്ഞ 21 ന് നിഹാംസില്‍ മനോരോഗവിദ്ധനെ സമീപിച്ചിരുന്നു. ദിവസങ്ങൾക്കുശേഷമായിരുന്നു മരണം. അതേസമയം കുടുംബാംഗങ്ങളുടെ ആരോപണം എഡിഎ തള്ളി. ജീവനക്കാര്‍ക്ക് അധികസമ്മര്‍ദ്ദം നേരിടേണ്ടിവന്നിട്ടില്ലെന്നു മനുഷ്യവിഭവശേഷി വിഭാഗം ഡയറക്ടര്‍ കൃഷ്ണ രാജേന്ദ്ര അറിയിച്ചു. സഹപ്രവര്‍ത്തകര്‍ക്കും ഇത്തരമൊരു കാര്യത്തില്‍ വ്യക്തതയില്ല. ആരോഗ്യപ്രശ്‌നങ്ങള്‍ ഉള്‍പ്പെടെയാകാം ശരതിന്‍റെ മരണകാരണമെന്നും അദ്ദേഹം അഭിപ്രായപ്പെട്ടു.
Read Moreപ്രതിരോധ മന്ത്രാലയത്തിനു കീഴിലുള്ള എഡിഎയിലെ മുതിര്‍ന്ന ശാസ്ത്രജ്ഞൻ ജീവനൊടുക്കി; തൊഴിൽ സമ്മർദമെന്നു കുടുംബം
