ശ്യാ​മ​ളയു​ടെ ആ​ദ്യ ത​ട്ടി​പ്പ് ന​ട​ന്ന​ത് ത​ല​ശേ​രി​യി​ൽ, പ​തി​ന​ഞ്ച് വ​ർ​ഷം മുമ്പ്‌! തി​രു​വ​ന​ന്ത​പു​രം മു​ത​ൽ ക​ണ്ണൂ​ർ​വ​രെ അ​മ്മ​യും മ​ക​നും ന​ട​ത്തി​യ​ത് കോ​ടി​ക​ളു​ടെ ത​ട്ടി​പ്പ്

ത​ല​ശേ​രി: വ്യാ​ജ രേ​ഖ​യു​ണ്ടാ​ക്കി കോ​ടി​ക​ൾ ത​ട്ടി​യെ​ടു​ത്ത കേ​സി​ൽ ഗു​രു​വാ​യൂ​രി​ൽ അ​റ​സ്റ്റി​ലാ​യ തി​രു​വ​ങ്ങാ​ട് മ​ണ​ൽ വ​ട്ടം കു​നി​യി​ൽ ശ്യാ​മ​ള (58) യു​ടെ ആ​ദ്യ ത​ട്ടി​പ്പ് ന​ട​ന്ന​ത് ത​ല​ശേ​രി​യി​ൽ. ലോ​ക്ക​ൽ ഫ​ണ്ട് ഓ​ഫീ​സി​ൽ ജീ​വ​ന​ക്കാ​രി​യാ​യി​രി​ക്കെ ഓ​ഫീ​സ​റു​ടെ വ്യാ​ജ സീ​ൽ നി​ർ​മി​ച്ച് ബാ​ങ്കി​ൽ നി​ന്നും വാ​യ്പ​യെ​ടു​ത്തു കൊ​ണ്ടാ​ണ് ശ്യാ​മ​ള ത​ട്ടി​പ്പി​ന് തു​ട​ക്കം കു​റി​ച്ച​തെ​ന്ന് നാ​ട്ടു​കാ​ർ പ​റ​ഞ്ഞു. പ​തി​ന​ഞ്ച് വ​ർ​ഷം മു​മ്പാ​ണ് ഇ​വ​ർ ത​ട്ടി​പ്പ് ന​ട​ത്തി​യ​ത്.

ത​ട്ടി​പ്പ് പു​റ​ത്താ​യ​തോ​ടെ ജോ​ലി ന​ഷ്ട​പ്പെ​ടു​ക​യും താ​മ​സി​ക്കു​ന്ന വീ​ടും സ്ഥ​ല​വും അ​ധി​കൃ​ത​ർ ജ​പ്തി ചെ​യ്യു​ക​യും ചെ​യ്തു. ഇ​തോ​ടെ ഇ​വ​ർ ര​ണ്ട് മ​ക്ക​ളേ​യും കൂ​ട്ടി നാ​ട് വി​ടു​ക​യു​മാ​യി​രു​ന്നു. ജോ​ലി​യി​ലി​രി​ക്കെ മാ​താ​വ് മ​ര​ണ​പ്പെ​ട്ട​തി​നെ തു​ട​ർ​ന്നാ​ണ് ശ്യാ​മ​ള​ക്ക് ലോ​ക്ക​ൽ ഫ​ണ്ട് ഓ​ഡി​റ്റ് ഓ​ഫീ​സി​ൽ ജോ​ലി ല​ഭി​ച്ച​ത്. ഓ​ട്ടോ​റി​ക്ഷ ഡ്രൈ​വ​റാ​യി​രു​ന്ന ഭ​ർ​ത്താ​വും വ​ർ​ഷ​ങ്ങ​ൾ​ക്ക് മു​മ്പ് മ​ര​ണ​പ്പെ​ട്ടി​രു​ന്നു. ത​ല​ശേ​രി​യി​ൽ നി​ന്നും നാ​ടു​വി​ട്ട് കോ​ഴി​ക്കോ​ട് താ​മ​സി​ച്ചു വ​രി​ക​യാ​യി​രു​ന്നു.

ഇ​തി​നി​ട​യി​ൽ മ​ക​ൻ കം​പ്യൂ​ട്ട​ർ എ​ൻ​ജി​നീ​യ​ർ ആ​യെ​ന്നും അ​മേ​രി​ക്ക​യി​ലേ​ക്ക് പോ​കു​ക​യാ​ണെ​ന്നും ശ്യാ​മ​ള ത​ല​ശേ​രി​യി​ലെ അ​യ​ൽ​വാ​സി​ക​ളോ​ട് പ​റ​ഞ്ഞി​രു​ന്നു.​കോ​ഴി​ക്കോ​ട് ബി​ലാ​ത്തി കു​ള​ത്തെ വാ​ട​ക വീ​ട്ടി​ൽ നി​ന്നാ​ണ് ഗു​രു​വാ​യൂ​ർ ടെ​മ്പി​ൾ പോ​ലീ​സ് ശ്യാ​മ​ള​യെ അ​റ​സ്റ്റ് ചെ​യ്ത​ത്.​ശ്യാ​മ​ള​യു​ടെ മ​ക​ൻ വി​പി​ൻ കാ​ർ​ത്തി​ക് (29) ഓ​ടി ര​ക്ഷ​പെ​ട്ടു.

ക​ന​ത്ത മ​ഴ​യി​ൽ ജ​മ്മു കാ​ശ്മീ​രി​ലെ കു​പ്പ് വാ​ര ജി​ല്ല​യി​ലെ പോ​ലീ​സ് സൂ​പ്ര​ണ്ട് ച​മ​ഞ്ഞാ​യി​രു​ന്നു വി​പി​ൻ കാ​ർ​ത്തി​ക് ത​ട്ടി​പ്പ് ന​ട​ത്തി​യി​രു​ന്ന​ത്. ര​ണ്ട് വ​ർ​ഷ​ക്കാ​ല​മാ​യി ഗു​രു​വാ​യൂ​രി​ൽ ഫ്ലാ​റ്റി​ൽ താ​മ​സി​ച്ചു കൊ​ണ്ടാ​യി​രു​ന്നു അ​മ്മ​യും മ​ക​നും കോ​ടി​ക​ളു​ടെ ത​ട്ടി​പ്പ് ന​ട​ത്തി​യ​ത്.

വ്യാ​ജ രേ​ഖ​ക​ൾ ച​മ​ച്ച് ബാ​ങ്കു​ക​ളി​ൽ നി​ന്നും വാ​ഹ​ന വാ​യ്പ​യെ​ടു​ത്താ​ണ് ഇ​രു​വ​രും കോ​ടി​ക​ൾ ത​ട്ടി​യ​ത്. ത​ട്ടി​പ്പി​ലൂ​ടെ സ​മ്പാ​ദി​ച്ച പ​ണം ഉ​പ​യോ​ഗി​ച്ച് മ​ക​ളെ ന​ല്ല നി​ല​യി​ൽ വി​വാ​ഹം ക​ഴി​പ്പി​ച്ച ശ്യാ​മ​ള മ​ക​നോ​ടൊ​പ്പം ആ​ഡം​ബ​ര കാ​റു​ക​ളി​ലാ​ണ് ത​ല​ശേ​രി​യി​ലെ​ത്തി​യി​രു​ന്ന​ത്.

തി​രു​വ​ന​ന്ത​പു​രം മു​ത​ൽ ക​ണ്ണൂ​ർ​വ​രെ അ​മ്മ​യും മ​ക​നും ത​ട്ടി​പ്പ് ന​ട​ത്തി​യ​താ​യാ​ണ് പോ​ലീ​സി​ന് വി​വ​രം ല​ഭി​ച്ചി​ട്ടു​ള്ള​ത്. മ​ക​നാ​ണ് എ​ല്ലാം ചെ​യ്ത​തെ​ന്നും ത​നി​ക്ക് ഒ​ന്നും അ​റി​യി​ല്ലെ​ന്നു​മാ​ണ് പി​ടി​യി​ലാ​യ ശ്യാ​മ​ള പോ​ലീ​സി​നോ​ട് പ​റ​ഞ്ഞ​ത്. പോ​ലീ​സ് പി​ടി​യി​ൽ നി​ന്ന് ത​ല​നാ​രി​ഴ​ക്ക് ര​ക്ഷ​പ്പെ​ട്ട വി​പി​ൻ കാ​ർ​ത്തി​ക്കി​നു വേ​ണ്ടി പോ​ലീ​സ് വ്യാ​പ​ക​മാ​യ തി​ര​ച്ചി​ൽ ന​ട​ത്തി വ​രി​ക​യാ​ണ്.