കൊച്ചി: മുഖ്യമന്ത്രി വി.ഡി. സതീശനെതിരേ രണ്ടാം വിവാഹം ആരോപിച്ച കേസില് റിപ്പോര്ട്ടര് ചാനല് മാനേജിംഗ് ഡയറക്ടര് ആന്റോ അഗസ്റ്റിനെ പൊലിസ് ചോദ്യം ചെയ്യും. 28ന് രാവിലെ പത്തിന് കളമശേരി പൊലിസ് സ്റ്റേഷനില് ഹാജരാകാനാണു നിര്ദേശം. കെപിസിസി വക്താവ് രാജു പി. നായര് നല്കിയ പരാതിയിലാണ് നടപടി.
നേരത്തേ തിരുവനന്തപുരം സിറ്റി സൈബര് ക്രൈം പൊലിസ് രജിസ്റ്റര് ചെയ്ത സീറോ എഫ്ഐആര് പിന്നീട് കളമശേരി സ്റ്റേഷനിലേക്ക് കൈമാറുകയായിരുന്നു. കേസിലെ ഒന്നാം പ്രതിയാണ് ആന്റോ അഗസ്റ്റിന്. കണ്ടാലറിയാവുന്ന മറ്റ് രണ്ടുപേര് കൂടി പ്രതിപ്പട്ടികയിലുണ്ട്. ഇവര്ക്കും നോട്ടീസ് നല്കിയതായാണു വിവരം.
കഴിഞ്ഞ പത്തിന് പത്തനംതിട്ടയില് നടന്ന പൊതുപരിപാടിയില് ആന്റോ അഗസ്റ്റിന് നടത്തിയ പരാമര്ശങ്ങളാണു വിവാദമായത്. പരാതിക്കാരനായ രാജു പി.നായരുടെ മൊഴി പൊലിസ് രേഖപ്പെടുത്തിയിരുന്നു.
