വിവാദങ്ങൾ കൂടിപ്പോയോ ? തൃ​ക്കാ​ക്ക​ര​യി​ലെ പോ​ളിം​ഗ് കു​റ​വ്; മു​ന്ന​ണി​ക​ളു​ടെ ച​ങ്കി​ടി​പ്പേ​റു​ന്നു; പോ​ളിം​ഗ് കു​റ​യാ​ൻ കാ​ര​ണം ട്വ​ന്‍റി 20 നി​ല​പാ​ടോ?

ഷാ​ജി​മോ​ൻ ജോ​സ​ഫ്

കൊ​ച്ചി: നാ​ടി​ള​ക്കി പ്ര​ചാ​ര​ണം ന​ട​ത്തി​യി​ട്ടും തൃ​ക്കാ​ക്ക​ര ഉ​പ​തെ​ര​ഞ്ഞെ​ടു​പ്പി​ൽ പ്ര​തീ​ക്ഷി​ച്ച​ത്ര പോ​ളിം​ഗ് ന​ട​ക്കാ​ത്ത​തി​ൽ മു​ന്ന​ണി​ക​ൾ​ക്ക് ആ​ശ​ങ്ക.

വി​ജ​യി​ക്കു​മെ​ന്നു മൂ​ന്നു മു​ന്ന​ണി​ക​ളും ആ​ത്മ​വി​ശ്വാ​സം പ്ര​ക​ടി​പ്പി​ക്കു​ന്നു​ണ്ടെ​ങ്കി​ലും നേ​താ​ക്ക​ളു​ടെ അ​വ​കാ​ശ​വാ​ദ​ങ്ങ​ൾ​ക്കി​ട​യി​ൽ ആ​ശ​ങ്ക​യും വാ​യി​ച്ചെ​ടു​ക്കാ​നാ​കും.

വോ​ട്ടെ​ടു​പ്പു ദി​ന​ത്തി​ലെ അ​നു​കൂ​ല​മാ​യ കാ​ലാ​വ​സ്ഥ​യി​ൽ പോ​ലും മു​ൻ തെ​ര​ഞ്ഞെ​ടു​പ്പു​ക​ളെ അ​പേ​ക്ഷി​ച്ച് കു​റ​ഞ്ഞ പോ​ളിം​ഗാ​ണ് (68.75 ശ​ത​മാ​നം) ഇ​ക്കു​റി രേ​ഖ​പ്പെ​ടു​ത്തി​യ​ത്.

രാ​ഷ്ട്രീ​യ​കേ​ര​ളം ക​ണ്ട​തി​ൽ​വ​ച്ച് ഏ​റ്റ​വും ശ​ക്ത​മാ​യ പ്ര​ചാ​ര​ണ​ത്തി​ന് സാ​ക്ഷ്യം​വ​ഹി​ച്ച ഉ​പ​തെ​ര​ഞ്ഞെ​ടു​പ്പ് എ​ന്ന നി​ല​യി​ൽ​ത​ന്നെ തൃ​ക്കാ​ക്ക​ര​യി​ൽ റി​ക്കാ​ർ​ഡ് പോ​ളിം​ഗാ​യി​രു​ന്നു നേ​താ​ക്ക​ളു​ടേ​യും സ്ഥാ​നാ​ർ​ഥി​ക​ളു​ടേ​യും പ്ര​തീ​ക്ഷ.

ഓ​രോ വീ​ടും പ​ല ത​വ​ണ ക​യ​റി​യി​റ​ങ്ങി പ​ഴു​ത​ട​ച്ച പ്ര​ചാ​ര​ണ​മാ​ണ് മ​ണ്ഡ​ല​ത്തി​ൽ ന​ട​ന്ന​ത്. എ​ൽ​ഡി​എ​ഫി​നെ​പോ​ലെ ത​ന്നെ യു​ഡി​എ​ഫും ഇ​ത്ത​വ​ണ ത​ങ്ങ​ളു​ടെ പ​ര​മാ​വ​ധി വോ​ട്ട​ർ​മാ​രെ ബൂ​ത്തി​ലെ​ത്തി​ക്കു​ന്ന​തി​ൽ ശ്ര​ദ്ധി​ക്കു​ക​യും ചെ​യ്തു.

എ​ന്നി​ട്ടും വോ​ട്ടിം​ഗ് ശ​ത​മാ​നം കു​റ​ഞ്ഞു​പോ​യ​തി​നു പി​ന്നി​ലെ കാ​ര​ണ​ങ്ങ​ൾ ചി​ക​യു​ക​യാ​ണ് രാ​ഷ്ട്രീ​യ​നേ​തൃ​ത്വ​ങ്ങ​ൾ.

ജ​ന​ക്ഷേ​മ​സ​ഖ്യ​ം

ട്വ​ന്‍റി 20യും ​ആം ആ​ദ്മി പാ​ർ​ട്ടി​യും ചേ​ർ​ന്നു രൂ​പീ​ക​രി​ച്ച ജ​ന​ക്ഷേ​മ​സ​ഖ്യ​ത്തി​ന്‍റെ വോ​ട്ടു​ക​ളി​ൽ കാ​ര്യ​മാ​യ കു​റ​വു​ണ്ടാ​യ​താ​കാം പോ​ളിം​ഗ് ശ​ത​മാ​നം കു​റ​യാ​നു​ള്ള പ്ര​ധാ​ന കാ​ര​ണ​മാ​യി രാ​ഷ്ടീ​യ നി​രീ​ക്ഷ​ക​ർ വി​ല​യി​രു​ത്തു​ന്ന​ത്.

ട്വ​ന്‍റി 20 യ്ക്ക് ​നി​ർ​ണാ​യ​ക സ്വാ​ധീ​ന​മു​ള്ള മ​ണ്ഡ​ല​ത്തി​ൽ അ​വ​ർ ഇ​ക്കു​റി സ്ഥാ​നാ​ർ​ഥി​യെ നി​ർ​ത്തി​യി​ല്ലെ​ന്നു മാ​ത്ര​മ​ല്ല, ഒ​രു മു​ന്ന​ണി​ക്കും പി​ന്തു​ണ ന​ല്കാ​തെ മ​ന​സ​ക്ഷി വോ​ട്ടി​ന് ആ​ഹ്വാ​നം ചെ​യ്യു​ക​യാ​യി​രു​ന്നു.

അ​തി​നാ​ൽ​ത​ന്നെ ഇ​ട​തു, വ​ല​തു മു​ന്ന​ണി​ക​ളോ​ട് തീ​രെ താ​ല്പ​ര്യ​മി​ല്ലാ​ത്ത ട്വ​ന്‍റി 20 യു​ടെ പ്ര​വ​ർ​ത്ത​ക​ർ കാ​ര്യ​മാ​യി ബൂ​ത്തി​ലേ​ക്ക് എ​ത്തി​യി​ട്ടു​ണ്ടാ​കി​ല്ലെ​ന്ന് പ​റ​യ​പ്പെ​ടു​ന്നു.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ട്വ​ന്‍റി 20യു​ടെ സ്ഥാ​നാ​ർ​ഥി ഇ​വി​ടെ 10.18 ശ​ത​മാ​നം വോ​ട്ട് നേ​ടി​യി​രു​ന്നു.

ഇ​ക്കു​റി ആം ​ആ​ദ്മി പാ​ർ​ട്ടി​യു​മാ​യി സ​ഖ്യ​ത്തി​ലാ​യ​തോ​ടെ അ​വ​രു​ടെ വോ​ട്ടു​ബാ​ങ്കി​ൽ സ്വാ​ഭാ​വി​ക​മാ​യും വ​ർ​ധ​ന ഉ​ണ്ടാ​കേ​ണ്ട​താ​ണ്.

വിവാദങ്ങൾ കൂടിപ്പോയോ

അ​തു​പോ​ലെ​ത​ന്നെ വി​ക​സ​ന​വി​ഷ​യ​ങ്ങ​ളി​ൽ ഉ​പ​രി വി​വാ​ദ​ങ്ങ​ളും വാ​ക്പോ​രു​മാ​യി പ്ര​ചാ​ര​ണ​രം​ഗം കൊ​ഴു​പ്പി​ക്കാ​ൻ നേ​താ​ക്ക​ൾ ശ്ര​മി​ച്ച​തും വോ​ട്ട​ർ​മാ​രി​ൽ വ​ലി​യ തോ​തി​ലു​ള്ള അ​തൃ​പ്തി​ക്ക് കാ​ര​ണ​മാ​യി​ട്ടു​ണ്ടെ​ന്ന് പ​റ​യ​പ്പെ​ടു​ന്നു.

മ​ണ്ഡ​ല​ത്തി​ന്‍റെ ആ​വ​ശ്യ​ങ്ങ​ളോ പ്ര​ശ​ന​ങ്ങ​ളോ പ്ര​ചാ​ര​ണ​ത്തി​ൽ ച​ർ​ച്ച​യാ​ക്കു​ന്ന​തി​നു​പ​ക​രം തു​ട​ക്കം​മു​ത​ൽ വി​വാ​ദ​ങ്ങ​ളും വി​രോ​ധ​ങ്ങ​ളും വ്യ​ക്തി​ഹ​ത്യ​യു​മൊ​ക്കെ​യാ​ണ് മു​ന്ന​ണി​ക​ൾ ആ​യു​ധ​മാ​ക്കി​യ​ത്.

പോ​ളിം​ഗ് ദി​ന​ത്തി​ൽ പോ​ലും വി​വാ​ദ​വി​ഷ​യ​ങ്ങ​ൾ ഒ​ഴി​ഞ്ഞുനി​ന്നി​ല്ല എ​ന്ന​തും ശ്ര​ദ്ധേ​യ​മാ​യി. പ്ര​മു​ഖ നേ​താ​ക്ക​ൾ പോ​ലും നി​ല​വാ​ര​മി​ല്ലാ​ത്ത​തും ത​രം​താ​ണ​തു​മാ​യ പ്ര​സ്താ​വ​ന​ക​ളാ​ണ് പ്ര​ചാ​ര​ണ​കാ​ല​യ​ള​വി​ൽ ന​ട​ത്തി​യ​ത്.

പ്രചാരണത്തിന്‍റെ അതിപ്രസരം

പ്ര​ചാ​ര​ണ​ത്തി​ന്‍റെ അ​തി​പ്ര​സ​രം തി​രി​ച്ച​ടി​യാ​യോ​യെ​ന്ന ആ​ശ​ങ്ക​യും ചി​ല നേ​താ​ക്ക​ൾ​ക്ക് ഇ​ല്ലാ​തി​ല്ല.

മ​ണ്ഡ​ല​ത്തി​ലെ വീ​ടു​ക​ളി​ൽ ഓ​രോ മു​ന്ന​ണി​യി​ലേ​യും നേ​താ​ക്ക​ളും പ്ര​വ​ർ​ത്ത​ക​രും വോ​ട്ടു തേ​ടി കു​റ​ഞ്ഞ​ത് അ​ഞ്ചു ത​വ​ണ​യെ​ങ്കി​ലും ക​യ​റി​യി​റ​ങ്ങി.

ഒ​രു കൂ​ട്ട​ർ വ​ന്നു മ​ട​ങ്ങു​ന്പോ​ഴേ​ക്കും അ​ടു​ത്ത​യാ​ളു​ക​ൾ വ​ന്നു ക​ഴി​യും. ഗേ​റ്റ് അ​ട​ച്ചി​ടാ​ൻ നി​ർ​വാ​ഹ​മി​ല്ലെ​ന്നു വ​രെ ഇ​വി​ടു​ത്തെ വോ​ട്ട​ർ​മാ​ർ പ​റ​യു​മാ​യി​രു​ന്നു.

ഇ​ത്ത​ര​ത്തി​ൽ വോ​ട്ട​ർ​മാ​രു​ടെ ക്ഷ​മ​യെ പോ​ലും പ​രീ​ക്ഷി​ക്കു​ന്ന​താ​യി​രു​ന്നു പ്ര​ചാ​ര​ണ​ത്തി​ന്‍റെ അ​തി​പ്ര​സ​രം. ഇ​തും തി​രി​ച്ച​ടി​യാ​യോ​യെ​ന്ന് ക​ണ്ടെ​ത്തേ​ണ്ടി​യി​രി​ക്കു​ന്നു.

പോ​ളിം​ഗ് കു​റ​ഞ്ഞ​തി​ന്‍റെ നേ​ട്ട​വും കോ​ട്ട​വും ആ​ർ​ക്കാ​ണെ​ന്ന ചോ​ദ്യ​ത്തി​ന് മ​റ്റ​ന്നാ​ൾ വോ​ട്ടെ​ണ്ണു​ന്പോ​ൾ മാ​ത്ര​മേ ഉ​ത്ത​ര​മാ​കൂ. നേ​താ​ക്ക​ളു​ടെ അ​വ​കാ​ശ​വാ​ദ​ങ്ങ​ളു​ടെ ആ​യു​സും അ​തു​വ​രെ മാ​ത്രം.