Set us Home Page

രാ​ഹു​ൽ​ത​രം​ഗം ആ​ഞ്ഞ​ടി​ച്ച​പ്പോ​ൾ കെ​ട്ടി​വ​ച്ച പ​ണം നഷ്ടപ്പെട്ട് തു​ഷാ​ർ; ബി​ഡി​ജെ​എ​സ് പ്ര​തി​സ​ന്ധി​യി​ൽ

ജോ​ണ്‍​സ​ണ്‍ വേ​ങ്ങ​ത്ത​ടം


കൊ​ച്ചി: രാ​ഹു​ൽ​ത​രം​ഗം ആ​ഞ്ഞ​ടി​ച്ച​പ്പോ​ൾ ബി​ഡി​ജെ​എ​സ് സം​സ്ഥാ​ന പ്ര​സി​ഡ​ന്‍റ് തു​ഷാ​ർ മ​ങ്ങി പോ​യി. ഒ​രു ല​ക്ഷം വോ​ട്ടു പോ​ലും പി​ടി​ക്കാ​ൻ ക​ഴി​യാ​തെ വെ​റും 78816 വോ​ട്ടു മാ​ത്ര​മാ​ണ് ല​ഭി​ച്ച​ത്. 706367 വോ​ട്ടാ​ണ് രാ​ഹു​ൽ ഗാ​ന്ധി വ​യ​നാ​ട്ടി​ൽ നി​ന്നും നേ​ടി​യ​ത്. ഇ​തി​ൽ ഭൂ​രി​പ​ക്ഷമായി ലഭിച്ചത് 431770 വോ​ട്ടാ​ണ്. സം​സ്ഥാ​ന പ്ര​സി​ഡ​ന്‍റ് മ​ത്സ​രി​ച്ചി​ട്ടു​പോ​ലും ബി​ഡി​ജെ​എ​സി​നു കാ​ര്യ​മാ​യി ഒ​ന്നും ചെ​യ്യാ​ൻ ക​ഴി​ഞ്ഞി​ല്ല.

തൃ​ശൂ​രി​ൽ മ​ത്സ​രി​ക്കാ​ൻ തീ​രു​മാ​നി​ച്ചി​രു​ന്ന തു​ഷാ​ർ വ​യ​നാ​ട് ചോ​ദി​ച്ചു വാ​ങ്ങു​ക​യാ​യി​രു​ന്നു. ബി​ജെ​പി അ​ഖി​ലേ​ന്ത്യ​നേ​തൃ​ത്വം ആ​വ​ശ്യ​പ്പെ​ട്ട​തു​ പ്ര​കാ​ര​മാ​ണ് മ​ത്സ​രി​ച്ച​തെ​ന്നാ​ണ് തു​ഷാ​ർ അ​വ​കാ​ശ​പ്പെ​ട്ടി​രു​ന്ന​ത്. എ​ന്നാ​ൽ, ആ​ല​ത്തൂ​രി​ലും മാ​വേ​ലി​ക്ക​ര​യി​ലും നേ​ടി​യ വോ​ട്ടു​ക​ൾ പോ​ലും വാ​ങ്ങാ​ൻ തു​ഷാ​റി​നു സാ​ധി​ച്ചി​ല്ല. ഇ​ടു​ക്കി​യി​ലെ ബി​ഡി​ജെ​എ​സ് സ്ഥാ​നാ​ർ​ഥി വാ​ങ്ങി​യ​വോ​ട്ടിനടുത്താ​ണ് തു​ഷാ​റും വാ​ങ്ങി​യി​രി​ക്കു​ന്ന​ത്. വെ​റും 168 വോ​ട്ട് മാ​ത്ര​മാ​ണ ഇ​ടു​ക്കി​യി​ലെ ബി​ഡി​ജ​ഐ​സ് സ്ഥാ​നാ​ർ​ഥി​യെ​ക്കാ​ൾ കൂ​ടു​ത​ലു​ള്ള​ത്.

മാ​വേ​ലി​ക്ക​ര​യി​ൽ ഒ​രു ല​ക്ഷ​ത്തി​ല​ധി​കം വോ​ട്ടു നേ​ടി​യി​ട്ടു​ണ്ട്. ആ​ല​ത്തൂ​രി​ൽ ര​മ്യ ഹ​രി​ദാ​സി​ന്‍റെ ത​രം​ഗ​ത്തി​ലും 89,000 വോ​ട്ടു ല​ഭി​ച്ചി​ട്ടു​ണ്ട്. ഇ​വി​ടെ ബി​ഡി​ജെ​എ​സി​ന്‍റെ നി​ല​നി​ൽ​പ് ചോ​ദ്യം ചെ​യ്യ​പ്പെ​ടു​ക​യാ​ണ്. പാ​ർ​ട്ടി​യു​ടെ അ​വ​സ്ഥ പ​ര​മ ദ​യ​നീ​യ​മാ​യി പോ​യി​രി​ക്കു​ന്നു. ക​ഴി​ഞ്ഞ പ്രാ​വ​ശ്യം ബി​ജെ​പി സ്ഥാ​നാ​ർ​ഥി നേ​ടി​യ വോ​ട്ടു പോ​ലും നേ​ടാ​ൻ തു​ഷാ​റി​നു സാ​ധി​ച്ചി​ല്ല.

ബി​ജെ​പി​യെ പ​ല​പ്പോ​ഴും വെ​ല്ലു​വി​ളി​ച്ചും സ​മ​ർ​ദ​ത്തി​ലാ​ക്കി​യും മു​ന്നേ​റി​യ തു​ഷാ​റി​നു ഇ​നി വി​ല​പേ​ശ​ൽ ന​ട​ത്താ​ൻ സാ​ധി​ക്കാ​ത്ത സാ​ഹ​ച​ര്യ​മാ​ണ്. ബി​ജ​പി​ക്കു​ള്ളി​ലും പ്ര​ശ്ന​മാ​യ​തു കൊ​ണ്ടു പെ​ട്ടെ​ന്നു ബി​ഡി​ജ​ഐ​സി​നെ ത​ഴ​യി​ല്ലെ​ന്നാ​ണ് പാ​ർ​ട്ടി​വി​ശ്വ​സി​ക്കു​ന്ന​ത്.തെ​ര​ഞ്ഞെ​ടു​പ്പി​നു മു​ന്പ് അ​മി​ത് ഷാ ​മാ​ത്ര​മ​ല്ല മോ​ദി പ​റ​ഞ്ഞാ​ലും സ്ഥാ​നാ​ർ​ഥി​യാ​ക​രു​തെ​ന്നാ​ണ് എ​സ്​എ​ൻ​ഡി​പി ജ​ന​റ​ൽ സെ​ക്ര​ട്ട​റി വെ​ള്ളാ​പ്പി​ള്ളി ന​ടേ​ശ​ൻ മ​ക​നാ​യ തു​ഷാ​റി​നെ ഉ​പ​ദേ​ശി​ച്ച​ത്.

മ​ത്സ​രി​ച്ചാ​ൽ പ​ടി​ക്കു​പു​റ​ത്താ​യി​രി​ക്കു​മെ​ന്നു പ​റ​ഞ്ഞി​രു​ന്നു. പി​ന്നീ​ട്, തു​ഷാ​റി​നെ അം​ഗീ​ക​രി​ച്ചു മ​ത്സ​രി​പ്പി​ച്ചു. എ​ന്നാ​ൽ, വോ​ട്ടിം​ഗ് ദി​ന​ത്തി​ൽ മാ​ധ്യ​മ​പ്ര​വ​ർ​ത്ത​ക​രോ​ട് രാ​ഹു​ൽ ജ​യി​ക്കും തു​ഷാ​ർ തോ​ൽ​ക്കു​മെ​ന്നാ​ണ് വെ​ള്ളാ​പ്പി​ള്ളി പ​റ​ഞ്ഞ​ത്. വെ​ള്ളാ​പ്പി​ള്ളി ന​ടേ​ശ​ൻ എ​ൽ​ഡി​എ​ഫി​ന്‍റെ കൂ​ടെ​യും മ​ക​ൻ ബി​ജെ​പി​ക്കൊ​പ്പ​വും നി​ന്നു​ള്ള രാ​ഷ്ട്രീ​യ ക​രു​നീ​ക്ക​മാ​ണ് ന​ട​ത്തി​വ​രു​ന്ന​ത്. എ​ന്നി​ട്ടും ര​ണ്ടു കൂ​ട്ട​രും കേ​ര​ള​ത്തി​ൽ പ​രാ​ജ​യ​പ്പെ​ട്ട​തോ​ടെ ബി​ഡി​ജെ​സി​ന്‍റെ ഭാ​വി തു​ലാ​സി​ലാ​ണ്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS