തിരുവനന്തപുരം : തിരുവനന്തപുരം സെൻട്രൽ റെയിൽവേ സ്റ്റേഷനിൽ ട്രെയിനിൽ നിന്ന് 55,000 രൂപ വിലവരുന്ന മൊബൈൽ ഫോൺ മോഷ്ടിച്ചയാൾ ആർപിഎഫിന്‍റെ പിടിയിൽ. സെൻട്രൽ റെയിൽവേ സ്റ്റേഷൻ യാർഡിൽ നിർത്തിയിട്ടിരുന്ന ശബരി എക്സ്പ്രസിന്റെ കോച്ചിൽ നിന്ന് 55,000 രൂപ വിലവരുന്ന മൊബൈൽ ഫോൺ മോഷ്ടിച്ച കേസിൽ പ്രതിയെ റെയിൽവേ പ്രൊട്ടക്ഷൻ ഫോഴ്സും ഇന്‍റലിജൻസും ചേർന്ന് പിടികൂടി. ബിഹാർ സ്വദേശിയായ മിഥുൻ ധാലി (32) ആണ് പിടിയിലായത്.
കഴിഞ്ഞ ദിവസം തിരുവനന്തപുരം സെൻട്രൽ റെയിൽവേ സ്റ്റേഷനിലെ പിറ്റ് ലൈൻ നമ്പർ 3-ൽ നിർത്തിയിട്ടിരുന്ന ശബരി എക്സ്പ്രസിന്റെ എസ്-3 കോച്ചിൽ നിന്നാണ് കരാർ ജീവനക്കാരനായ നെയ്യാറ്റിൻകര സ്വദേശി അമൽ പ്രകാശിന്‍റെ മൊബൈൽ ഫോൺ മോഷണം പോയത്. ഇതുസംബന്ധിച്ച് തിരുവനന്തപുരം റെയിൽവേ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.മോഷണം പോയ 55,000 രൂപ വിലവരുന്ന മൊബൈൽ ഫോണും പ്രതിയിൽ നിന്ന് കണ്ടെടുത്തു.
