ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിൽ മാഞ്ചസ്റ്റർ യുണൈറ്റഡിന് ആവേശോജ്വല ജയം. രണ്ടു ഗോളിനു പിന്നിൽനിന്നശേഷം തിരിച്ചെത്തിയ യുണൈറ്റഡ് 3-2നു ക്രിസ്റ്റൽ പാലസിനെതിരേ ജയമാഘോഷിച്ചു. ഇതോടെ പോയിന്റ് പട്ടികയിൽ ലിവർപൂളിനെ പിന്തള്ളി വീണ്ടും രണ്ടാം സ്ഥാനത്ത് തിരിച്ചെത്തി.
ഹൊസെ മൗറീഞ്ഞോയുടെ യുണൈറ്റഡിനെ ആൻഡ്രൂസ് ടൗണ്‍സെൻഡ് (11-ാം മിനിറ്റ്), പാട്രിക് വാൻ ആൻഹോട്ട് (48-ാം മിനിറ്റ്) എന്നിവരുടെ ഗോളുകളിലാണ് ക്രിസ്റ്റൽ പാലസ് ഞെട്ടിച്ചത്. സ്വന്തം മൈതാനത്ത് ഇറങ്ങിയതിന്‍റെ ആവശത്തിൽ മുന്നിട്ടു നിന്ന ക്രിസ്റ്റലിനെതിരേ ക്രിസ് സ്മാളിംഗ് (55-ാം മിനിറ്റ്) ഒരു ഗോൾ മടക്കി.
76-ാം മിനിറ്റിൽ റൊമേലു ലുക്കാക്കു രണ്ടാം ഗോൾ നേടിയതോടെ ചെകുത്താന്മാർ ഒപ്പമെത്തി. തുടർന്ന് ഇഞ്ചുറി ടൈമിന്‍റെ ആദ്യ മിനിറ്റിൽ നമാൻജ വിദിക് യുണൈറ്റഡിന്‍റെ വിജയം കുറിച്ച ഗോൾ സ്വന്തമാക്കി.
