ന​ല്ല​വ​നാ​യ ഡോ​ൺ!വ​ള​ഞ്ഞ വ​ഴി​ക​ളി​ലൂ​ടെ പ​ണം വാ​രി​ക്കൂ​ട്ടുമ്പോഴും ഒരുഭാഗം പാവങ്ങൾക്കായി മാറ്റിവെച്ച നല്ലവനായ അ​ധോ​ലോ​ക നാ​യ​ക​ൻ


വ​ള​ഞ്ഞ വ​ഴി​ക​ളി​ലൂ​ടെ പ​ണം വാ​രി​ക്കൂ​ട്ടി​യെ​ങ്കി​ലും അ​തി​ലൊ​രു ഭാ​ഗം പാ​വ​ങ്ങ​ൾ​ക്കാ​യി ചെ​ല​വ​ഴി​ച്ച​തു വ​ഴി​യാ​ണ് പ​ല​ർ​ക്കും വ​ര​ദ​രാ​ജ മു​ത​ലി​യാ​ർ എ​ന്ന അ​ധോ​ലോ​ക നാ​യ​ക​ൻ ന​ല്ല​വ​നാ​യി മാ​റി​യ​ത്.

സി‌​എ​സ്‌​ടി‌​എ​മ്മി​നു സ​മീ​പം സ്ഥി​തി ചെ​യ്യു​ന്ന ബി​സ്മി​ല്ല ഷാ ​ബാ​ബ​യി​ലെ ദ​ർ​ഗ​യി​ൽ വ​ര​ദ​രാ​ജ മു​ത​ലി​യാ​ർ ദ​രി​ദ്ര​ർ​ക്കു ഭ​ക്ഷ​ണം ന​ൽ​കു​ക പ​തി​വാ​യി​രു​ന്നു.

ഇ​തു സാ​ധാ​ര​ണ​ക്കാ​ർ​ക്കി​ട​യി​ൽ വ​ര​ദ​രാ​ജ​നു വ​ലി​യ പ്ര​തി​ച്ഛാ​യ സ​മ്മാ​നി​ച്ചു. ഇ​ന്നും അ​ദ്ദേ​ഹ​ത്തി​ന്‍റെ കു​ടും​ബാം​ഗ​ങ്ങ​ൾ ഈ ​ദ​ർ​ഗ​യി​ൽ ദ​രി​ദ്ര​ർ​ക്കു ഭ​ക്ഷ​ണം ന​ൽ​കു​ന്നു​ണ്ട്.

അ​ക്കാ​ല​ത്തു വ​ള​രെ പ്ര​സി​ദ്ധ​മാ​യി​രു​ന്ന ഗ​ണേ​ഷ് ച​തു​ർ​ഥി വേ​ള​യി​ൽ മാ​തു​ങ്ക സ്റ്റേ​ഷ​നു സ​മീ​പ​മു​ള്ള ഗ​ണേ​ഷ് പ​ന്ത​ലു​ക​ൾ​ക്ക് അ​ദ്ദേ​ഹം വ​ഴി​പാ​ടു​ക​ൾ ന​ൽ​കി. വി​ദൂ​ര സ്ഥ​ല​ങ്ങ​ളി​ൽ നി​ന്നു​ള്ള​വ​രും സെ​ലി​ബ്രി​റ്റി​ക​ളും ഈ ​പ​ന്ത​ൽ സ​ന്ദ​ർ​ശി​ക്കു​മാ​യി​രു​ന്നു.

മും​ബൈ​യെ വി​റ​പ്പി​ച്ചു

നി​യ​മ വി​രു​ദ്ധ മാ​ർ​ഗ​ത്തി​ലൂ​ടെ സ​ഞ്ച​രി​ച്ചും ഗു​ണ്ടാ​പ്പ​ട​യെ കൂ​ടെ​ക്കൂ​ട്ടി​യും ദ​ക്ഷി​ണേ​ന്ത്യ​ക്കാ​രു​ടെ ര​ക്ഷ​ക​നാ​യും ഹാ​ജി മ​സ്താ​ന്‍റെ​യും ക​രിം​ലാ​ല​യു​ടെ​യും അ​ടു​ത്ത സു​ഹൃ​ത്താ​യും മു​ന്നോ​ട്ടു​പോ​യ വ​ര​ദ​രാ​ജ​ൻ ത​ന്‍റേ​താ​യ ഒ​രു ഇ​രി​പ്പി​ടം മും​ബൈ മ​ഹാ​ന​ഗ​ര​ത്തി​ൽ സൃ​ഷ്ടി​ച്ചെ​ടു​ത്തു.

ചെ​റി​യ ചെ​റി​യ കു​റ്റ​കൃ​ത്യ​ങ്ങ​ളി​ൽ തു​ട​ങ്ങി പി​ന്നീ​ട് ഹാ​ജി മ​സ്താ​നൊ​പ്പം ചേ​ർ​ന്നു ത​ട്ടി​ക്കൊ​ണ്ടു​പോ​ക​ലും കൊ​ല​പാ​ത​ക​ങ്ങ​ളും ഭൂ​മി​യി​ട​പാ​ടു​ക​ളും ന​ട​ത്തി ബോം​ബൈ മു​ഴു​വ​ൻ വി​റ​പ്പി​ക്കു​ന്ന അ​ധോ​ലോ​ക നാ​യ​ക​രി​ലൊ​ളാ​യി മു​ത​ലി​യാ​ർ മാ​റി.

ദ​ക്ഷി​ണേ​ന്ത്യ​ക്കാ​രു​ടെ പ്ര​ശ്ന​ങ്ങ​ൾ പ​രി​ഹി​ക്കാ​ൻ സ​മാ​ന്ത​ര ഭ​ര​ണ​കൂ​ടം പോ​ലെ അ​യാ​ൾ ഇ​ട​പെ​ട്ടു. ഇ​തോ​ടെ ദ​ക്ഷി​ണേ​ന്ത്യ​ക്കാ​ർ തി​ങ്ങി​പ്പാ​ർ​ക്കു​ന്ന ചേ​രി​പ്ര​ദേ​ശ​ങ്ങ​ളി​ലും മ​റ്റും മു​ത​ലി​യാ​ർ​ക്കു വ​ലി​യ പി​ന്തു​ണ കി​ട്ടി.

തി​രി​ച്ച​ടി​ക​ളു​ടെ കാ​ലം

കു​റെ​ക്കാ​ലം അ​ധോ​ലോ​ക​ത്തു വ​ലി​യ ഡോ​ൺ ആ​യി വി​ല​സി​യെ​ങ്കി​ലും 1980ക​ളു​ടെ തു​ട​ക്കം​മു​ത​ൽ കാ​ര്യ​ങ്ങ​ളൊ​ന്നും പ​ഴ​യ​തു പോ​ലെ എ​ളു​പ്പ​മ​ല്ലാ​താ​യി.

ഹാ​ജി മ​സ്താ​ൻ അ​ധോ​ലോ​ക ബ​ന്ധം ഉ​പേ​ക്ഷി​ച്ച​താ​ണ് വ​ര​ദ​രാ​ജ​യെ ശ​രി​ക്കും ബാ​ധി​ച്ച​ത്. ഇ​തി​നി​ടെ, ദാ​വൂ​ദ് ഇ​ബ്രാ​ഹി​മി​ന്‍റെ നേ​തൃ​ത്വ​ത്തി​ൽ മ​റ്റൊ​രു അ​ധോ​ലോ​ക സാ​മ്രാ​ജ്യം ശ​ക്ത​മാ​യി വ​ന്ന​തും വ​ര​ദ​രാ​ജ​യ്ക്കു തി​രി​ച്ച​ടി​യാ​യി.

ക​രിം ലാ​ല​യും ക​ളം വി​ടാ​നൊ​രു​ങ്ങി​യ​തോ​ടെ വ​ര​ദ​രാ​ജ ശ​രി​ക്കും ഒ​റ്റ​പ്പെ​ട്ട അ​വ​സ്ഥ​യാ​യി. അ​തു​വ​രെ​യു​ള്ള അ​ധോ​ലോ​ക സം​ഘ​ങ്ങ​ളു​ടെ പ്ര​വ​ർ​ത്ത​ന​ങ്ങ​ളേ​ക്കാ​ൾ ചോ​ര ചി​ന്തു​ന്ന​താ​യി​രു​ന്നു ദാ​വൂ​ദി​ന്‍റെ രീ​തി​ക​ൾ.

ദാ​വൂ​ദി​ന്‍റെ നേ​തൃ​ത്വ​ത്തി​ലു​ള്ള സം​ഘം കാ​ട്ടി​ക്കൂ​ട്ടി​യ കൊ​ള്ള​രു​താ​യ്മ​ക​ൾ സ​മൂ​ഹ​ത്തി​ലും അ​ധി​കാ​ര കേ​ന്ദ്ര​ങ്ങ​ളി​ലു​മെ​ല്ലാം വ​ലി​യ ച​ർ​ച്ച​യാ​യി മാ​റി.

ജ​ന​വ​കാ​രം ശ​ക്ത​മാ​യ​തോ​ടെ അ​ധോ​ലോ​ക​ത്തെ ഡോ​ണു​ക​ളെ ഒ​തു​ക്കാ​ൻ ത​ന്നെ മ​ഹാ​രാ​ഷ്‌​ട്ര സ​ർ​ക്കാ​ർ തീ​രു​മാ​നി​ച്ചു.അ​ധോ​ലോ​ക​ത്തെ ഇ​ല്ലാ​താ​ക്കാ​ൻ വൈ.​സി.

പ​വാ​ർ എ​ന്ന പോ​ലീ​സ് ഒാ​ഫീ​സ​റെ നി​യ​മി​ച്ചു. പ​വാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​ധോ​ലോ​ക​ത്തെ പൊ​ളി​ക്കാ​ൻ പ​ല ഒാ​പ്പ​റേ​ഷ​നു​ക​ളും ന​ട​ത്തി.

വ​ര​ദ​രാ​ജ​യെ ല​ക്ഷ്യ​മി​ട്ടു ശ​ക്ത​മാ​യ നീ​ക്കം തു​ട​ങ്ങി. കൂ​ട്ടാ​ളി​ക​ളെ​യെ​ല്ലാം പി​ടി​ച്ച് അ​ക​ത്താ​ക്കി. ചി​ല​രെ​യൊ​ക്കെ എ​ൻ​കൗ​ണ്ട​റു​ക​ൾ ന​ട​ത്തി കൊ​ന്നു​ക​ള​ഞ്ഞു.

ഇ​തോ​ടെ വ​ര​ദ​രാ​ജ​യ്ക്കു മും​ബൈ​യി​ൽ നി​ൽ​ക്കാ​ൻ പ​റ്റാ​ത്ത സാ​ഹ​ച​ര്യ​മാ​യി. അ​ങ്ങ​നെ അ​യാ​ൾ മും​ബൈ ഉ​പേ​ക്ഷി​ച്ച് 1983ൽ ​ത​മി​ഴ്നാ​ട്ടി​ലേ​ക്കു തി​രി​കെ വ​ന്നു. പി​ന്നെ ഏ​റി​യ പ​ങ്കും ത​മി​ഴ്നാ​ട്ടി​ലാ​യി​രു​ന്നു ജീ​വി​തം.

മ​ര​ണ​വും സം​സ്കാ​ര​വും

1988 ജ​നു​വ​രി ര​ണ്ടി​നാ​ണ് ഹൃ​ദ​യ​സ്തം​ഭ​ന​ത്തെ​ത്തു​ട​ർ​ന്നു വ​ര​ദ​രാ​ജ മു​ത​ലി​യാ​ർ ചെ​ന്നൈ​യി​ൽ മ​രി​ക്കു​ന്ന​ത്. ത​ന്‍റെ സം​സ്കാ​രം മും​ബൈ​യി​ൽ ന​ട​ത്ത​ണ​മെ​ന്നാ​യി​രു​ന്നു വ​ര​ദ​രാ​ജ​യു​ടെ ആ​ഗ്ര​ഹം.

വ​ര​ദ​രാ​ജ മ​രി​ക്കു​ന്പോ​ൾ ഹാ​ജി മ​സ്താ​ൻ ജീ​വി​ച്ചി​രി​പ്പു​ണ്ട്. വ​ര​ദ​രാ​ജ​യു​ടെ ആ​ഗ്ര​ഹം അ​റി​യാ​മാ​യി​രു​ന്ന മ​സ്താ​ൻ ചാ​ർ​ട്ടേ​ർ​ഡ് ഫ്ളൈ​റ്റ് ചെ​ന്നൈ​യി​ലേ​ക്ക് അ​യ​ച്ചു വ​ര​ദ​രാ​ജ​യു​ടെ മൃ​ത​ദേ​ഹം മും​ബൈ​യി​ലെ​ത്തി​ച്ചു.

അ​ന്നു വ​ര​ദ​രാ​ജ​ന്‍റെ മൃ​ത​ശ​രീ​രം ഒ​ന്നും കാ​ണാ​നും അ​ന്തി​മോ​പ​ചാ​രം അ​ർ​പ്പി​ക്കാ​നും ഒ​ഴു​കി​യെ​ത്തി​യ​ത് ജ​ന​സാ​ഗ​ര​മാ​ണ്. വ​ര​ദ​രാ​ജ​നെ സ്നേ​ഹി​ക്കു​ന്ന ആ​യി​ര​ക്ക​ണ​ക്കി​ന് ആ​ളു​ക​ൾ മും​ബൈ​യി​ൽ ഉ​ണ്ടാ​യി​രു​ന്നു.

വ​ര​ദ ഭാ​യ് എ​ന്ന​റി​യ​പ്പെ​ടു​ന്ന വ​ര​ദ​രാ​ജ മു​ത​ലി​യാ​രു​ടെ ജീ​വി​ത​ക​ഥ അ​തേ​പ​ടി പ​ക​ർ​ത്തി​യ ചി​ത്ര​മാ​ണ് 1987ൽ ​പു​റ​ത്തി​റ​ങ്ങി​യ മ​ണി​ര​ത്നം- ക​മ​ല​ഹാ​സ​ൻ ചി​ത്ര​മാ​യ നാ​യ​ക​ൻ.

പോ​ലീ​സു​കാ​ർ​ക്കും ഉ​ദ്യോ​ഗ​സ്ഥ​ർ​ക്കും സ​ർ​ക്കാ​രി​നു​മൊ​ക്കെ വ​ര​ദ​രാ​ജ മു​ത​ലി​യാ​ർ കൊ​ടും ക്രി​മി​ന​ലാ​ണെ​ങ്കി​ലും മും​ബൈ​യി​ലെ ചേ​രി​പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന പാ​ർ​ശ്വ​വ​ത്ക​രി​ക്ക​പ്പെ​ട്ട, നി​രാ​ലം​ബ​രാ​യ ജ​ന​ങ്ങ​ൾ​ക്ക് അ​യാ​ളൊ​രു വ​ലി​യ മ​നു​ഷ്യ​നാ​യി​രു​ന്നു, ന​ന്മ​യു​ള്ള ഡോ​ൺ!

തയാറാക്കിയത്: എൻ.എം

Related posts

Leave a Comment