വാഴക്കുളത്തെ പെയിന്‍റിംഗ് തൊഴിലാളിയെ കൊന്നു കൊക്കയില്‍ തള്ളിയത് പണത്തിനു വേണ്ടി; മൃതദേഹത്തില്‍ മുളകുപൊടി വിതറി തെളിവ് നശിപ്പിക്കാനും പ്രതി ശ്രമിച്ചു

crime1വാ​ഴ​ക്കു​ളം: പെ​യി​ന്‍റിംഗ് തൊ​ഴി​ലാ​ളി​യെ ഹോ​ട്ട​ല്‍ ജീ​വ​ന​ക്കാ​ര​ന്‍ കൊ​ല​പ്പെ​ടു​ത്തി​യ സം​ഭ​വം പ​ണ​ത്തി​നു​വേ​ണ്ടി​യെ​ന്നു പോ​ലീ​സ്. മ​ദ്യ​ല​ഹ​രി​യി​ല്‍ അ​ടി​പി​ടി​യു​ണ്ടാ​കു​ക​യും തു​ട​ര്‍​ന്നു ന​ട​ന്ന മ​ര്‍​ദ​ന​ത്തി​ല്‍ മ​ര​ണം സം​ഭ​വി​ക്കു​ക​യു​മാ​യി​രു​ന്നെ​ന്ന പ്ര​തി​യു​ടെ മൊ​ഴി വി​ശ്വ​സ​നീ​യ​മ​ല്ലെ​ന്നും പോലീസ്്‍ വ്യ​ക്ത​മാ​ക്കി. ക​ഴി​ഞ്ഞ 28നു ​രാ​ത്രി ഏ​ഴോ​ടെ​യാ​ണു പെ​യി​ന്‌റിംഗ് തൊ​ഴി​ലാ​ളി​യാ​യ വാ​ഴ​ക്കു​ളം കാ​വ​ന ചാ​വ​റ കോ​ള​നി ഭാ​ഗ​ത്ത് പേ​രാ​ലി​ന്‍​ചു​വ​ട്ടി​ല്‍ നാ​രാ​യ​ണ​ന്‍റെ മ​ക​ന്‍ സ​ന്തോ​ഷ്‌​കു​മാ​റി​നെ (49) വാ​ഴ​ക്കു​ള​ത്തു​നി​ന്നും കാ​ണാ​താ​യ​ത്. പോ​ലീ​സ് ന​ട​ത്തി​യ വി​ശ​ദ​മാ​യ അ​ന്വേ​ഷ​ണ​ത്തി​ല്‍ മാ​മ​ല​ക്ക​ണ്ട​ത്തി​നു സ​മീ​പം ഫോ​റ​സ്റ്റ് സ്റ്റേ​ഷ​നോ​ട് ചേ​ര്‍​ന്നു​ള്ള ആ​റാം മൈ​ല്‍ പ​ട്ട​വ​ള​വി​ലെ കൊ​ക്ക​യി​ല്‍ ഇ​ന്ന​ലെ വൈ​കി​ട്ടോ​ടെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് വാ​ഴ​ക്കു​ള​ത്തെ ഹോ​ട്ട​ല്‍ ജീ​വ​ന​ക്കാ​ര​നാ​യ ഇ​ടു​ക്കി മ​ന്നാം​ക​ണ്ടം പ​ഴ​മ്പി​ള്ളി​ച്ചാ​ല്‍ പ​ള്ളി​ത്താ​ഴ​ത്തു സു​ജി​ത് ത​ങ്ക​പ്പ​നെ (31) വാ​ഴ​ക്കു​ളം പോ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ഴാ​ണു സം​ഭ​വം കൊ​ല​പാ​ത​ക​മെ​ന്നു തെ​ളി​ഞ്ഞ​ത്.

സം​ഭ​വ​ത്തി​ല്‍ പോ​ലീ​സ് പറയുന്നത് ഇ​ങ്ങ​നെ: കൊ​ല​പാ​ത​ക​മെ​ന്ന ല​ക്ഷ്യ​ത്തോ​ടെ ഇ​റ​ങ്ങി​ത്തി​രി​ച്ച പ്ര​തി 28നു ​രാ​ത്രി ഏ​ഴോ​ടെ വാ​ഴ​ക്കു​ള​ത്തു​നി​ന്നും സന്തോഷിനെ ഒപ്പം കൂട്ടി തി​ര​ക്ക് കു​റ​ഞ്ഞ വ​ഴി​യി​ലൂ​ടെ സഞ്ചരിക്കുകയായിരുന്നു. വെ​ളു​പ്പി​നു ര​ണ്ടോ​ടെ മാ​മ​ല​ക്ക​ണ്ട​ത്തി​നു സ​മീ​പം ഫോ​റ​സ്റ്റ് സ്റ്റേ​ഷ​നോ​ട് ചേ​ര്‍​ന്നു​ള്ള ആ​റാം മൈ​ല്‍ പ​ട്ട​വ​ള​വി​നു സ​മീ​പ​മെ​ത്തി​യ​പ്പോ​ള്‍ പ്ര​തി സ​ന്തോ​ഷ് കു​മാ​റി​നെ കൊ​ലപെ​ടു​ത്തു​ക​യാ​യി​രു​ന്നു. തു​ട​ര്‍​ന്നു സ​മീ​പ​ത്തെ കൊ​ക്ക​യി​ലേ​ക്കു മൃ​ത​ദേ​ഹം എ​ടു​ത്തെ​റി​ഞ്ഞ​ശേ​ഷം പ്രതി സു​ജി​ത് തന്‍റെ​ വീ​ട്ടി​ലേ​ക്കു മ​ട​ങ്ങി. പി​ന്നീ​ട് വെ​ളു​പ്പി​ന് അ​ഞ്ചോ​ടെ സ്ഥ​ല​ത്തു തി​രി​ച്ചെ​ത്തി​യ പ്ര​തി മൃ​ത​ദേ​ഹ​ത്തി​ല്‍ മു​ള​കു​പൊ​ടി വി​ത​റി​യ​ശേ​ഷം കൂ​ടു​ത​ല്‍ ആ​ഴ​ത്തി​ലേ​ക്കു വ​ലി​ച്ചെ​റി​ഞ്ഞു. തെ​ളി​വു ന​ശി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണു പ്ര​തി ഇ​ത്ത​രം പ്ര​വ​ര്‍​ത്തി​ക​ള്‍ ചെ​യ്ത​തെ​ന്നും പോ​ലീ​സ് വ്യ​ക്ത​മാ​ക്കി.

ബ​ന്ധു​ക്ക​ളു​ടെ പ​രാ​തി​യെ​ത്തു​ട​ര്‍​ന്നു ന​ട​ത്തി​യ അ​ന്വേ​ഷ​ണ​ത്തി​ലാ​ണു വാ​ഴ​ക്കു​ള​ത്തെ ഹോ​ട്ട​ല്‍ ജീ​വ​ന​ക്കാ​ര​നാ​യ സു​ജി​ത്തി​നൊ​പ്പം മാ​രു​തി​കാ​റി​ല്‍ സ​ന്തോ​ഷ്‌​കു​മാ​ര്‍ സ​ഞ്ച​രി​ച്ചെ​ന്ന വി​വ​രം പോ​ലീ​സിന് ലഭിച്ചത്. സി​സി ടി​വി ദൃ​ശ്യ​ങ്ങ​ളു​ടെ സ​ഹാ​യ​ത്തോ​ടെ ഇ​രു​വ​രും നേ​ര്യ​മം​ഗ​ലം ഭാ​ഗ​ത്ത് എ​ത്തി​യ​താ​യും പോ​ലീ​സ് ക​ണ്ടെ​ത്തി. തു​ട​ര്‍​ന്നു ന​ട​ത്തി​യ അ​ന്വേ​ഷ​ണ​ത്തി​ല്‍ ഇ​ന്ന​ലെ ഉ​ച്ച​ക​ഴി​ഞ്ഞു ര​ണ്ട​ര​യോ​ടെ​യാ​ണു കൊ​ക്ക​യി​ല്‍ മൃ​ത​ദേ​ഹം ക​ണ്ടെ​ത്തു​ന്ന​ത്. രാ​ത്രി​യോ​ടെ വാ​ഴ​ക്കു​ള​ത്തു​നി​ന്നു ബ​ന്ധു​ക്ക​ളെ​ത്തി മൃ​ത​ദേ​ഹം തി​രി​ച്ച​റി​യു​ക​യാ​യി​രു​ന്നു. കാ​ണാ​താ​യ സ​മ​യ​ത്തു സ​ന്തോ​ഷ് ധ​രി​ച്ചി​രു​ന്ന മൂ​ന്നു പ​വ​ന്‍ തൂ​ക്കം വ​രു​ന്ന സ്വ​ര്‍​ണ​മാ​ല ന​ഷ്ട​പ്പെ​ട്ടി​ട്ടു​ണ്ട്.

മാ​ല തന്‍റെ വീ​ട്ടി​ലു​ണ്ടെ​ന്നു പ്ര​തി സ​മ്മ​തി​ച്ച​താ​യും പോ​ലീ​സ് പ​റ​ഞ്ഞു. ഇ​ട​ക്കാ​ല​മാ​യി പ്ര​തി സാ​മ്പ​ത്തി​ക ബു​ദ്ധി​മു​ട്ടി​ലാ​യി​രു​ന്നു​വെ​ന്നാ​ണു ഹോ​ട്ട​ല്‍ ഉ​ട​മ വ്യ​ക്ത​മാ​ക്കു​ന്ന​ത്. സു​ജി​ത്ത് പ​ത്തു വ​ര്‍​ഷ​ത്തോ​ള​മാ​യി ഹോ​ട്ട​ല്‍ ജീ​വ​ന​ക്കാ​ര​നാ​യി വാ​ഴ​ക്കു​ള​ത്തു​ണ്ട്. മ​ഞ്ഞ​ള്ളൂ​ര്‍ ക​ല്ലു​ങ്ക​ല്‍ വീ​ട്ടി​ലാ​ണ് ഇ​യാ​ള്‍ ഇ​പ്പോ​ള്‍ താ​മ​സി​ച്ചു​വ​രു​ന്ന​ത്. ക​സ്റ്റ​ഡി​യി​ലെ​ടു​ത്ത പ്ര​തി വ്യ​ത്യ​സ്ത മൊ​ഴി​ക​ളാ​ണ് ആ​ദ്യം ന​ല്‍​കി​യി​രു​ന്ന​ത്.

ഇ​തി​ല്‍ സം​ശ​യം തോ​ന്നി​യ പോ​ലീ​സ് ഇ​യാ​ളു​ടെ ഭാ​ര്യ​യെ​യും ചോ​ദ്യം ചെ​യ്തി​രു​ന്നു. പി​ന്നീ​ട് പ്ര​തി​യെ വി​ശ​ദ​മാ​യി ചോ​ദ്യം ചെ​യ്ത​പ്പോ​ഴാ​ണു കൊ​ല​പാ​ത​കം തെ​ളി​ഞ്ഞ​ത്. പോ​സ്റ്റ്‌​മോ​ര്‍​ട്ടം ന​ട​പ​ടി​ക​ള്‍ ഇ​ന്നു പു​ര്‍​ത്തി​യാ​ക്കു​മെ​ന്നു പോ​ലീ​സ് വ്യ​ക്ത​മാ​ക്കി. മൂ​വാ​റ്റു​പു​ഴ സി​ഐ സി. ​ജ​യ​കു​മാ​ര്‍, വാ​ഴ​ക്കു​ളം പ്രി​ന്‍​സി​പ്പ​ല്‍ എ​സ്‌​ഐ എം.​ജെ. ഷൈ​ജു എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് കേ​സ​ന്വേ​ഷ​ണം ന​ട​ത്തു​ന്ന​ത്. അറസ്റ്റിലായ പ്ര​തി​യെ ഇ​ന്നു കോ​ട​തി​യി​ല്‍ ഹാ​ജ​രാ​ക്കും.

Related posts