തിരുവനന്തപുരം: സംസ്ഥാന ബജറ്റ് തയാറാക്കുന്ന തിരക്കുകളിലായതിനാല് മുഖ്യമന്ത്രിയെ കാണുന്നതിന് സന്ദര്ശകര്ക്ക് വിലക്ക്. ജൂണ് 19 വരെ മുഖ്യമന്ത്രിയെ സന്ദര്ശകര്ക്ക് നേരിട്ട് കാണാന് സാധിക്കില്ലെന്ന് മുഖ്യമന്ത്രിയുടെ ഓഫീസ് അറിയിച്ചു.
പൊതുജനങ്ങള്ക്കും മറ്റ് സന്ദര്ശകര്ക്കും ഉണ്ടാകുന്ന ഈ താല്ക്കാലിക ബുദ്ധിമുട്ടില് ഖേദിക്കുന്നതായും, എല്ലാവരുടെയും പൂര്ണസഹകരണം പ്രതീക്ഷിക്കുന്നതായും ഓഫീസ് വാര്ത്താക്കുറിപ്പിലൂടെ അറിയിച്ചു.
‘നമ്മുടെ സംസ്ഥാനത്തിന്റെ സമഗ്ര വികസനവും ജനക്ഷേമവും ലക്ഷ്യമിട്ടുള്ള ബഡ്ജറ്റ് തയാറാക്കുന്നതിന്റെ തിരക്കുകളിലാണ് മുഖ്യമന്ത്രി. ആയതിനാല് ജൂണ് 19 (വെള്ളിയാഴ്ച) വരെ അദ്ദേഹത്തിന് സന്ദര്ശകരെ നേരിട്ട് കാണാന് സാധിക്കാത്തതില് ഖേദിക്കുന്നു. ഈ താല്ക്കാലിക ബുദ്ധിമുട്ടില് നിങ്ങളുടെ സഹകരണം കൂടി അഭ്യര്ഥിക്കുന്നു. നാടിന്റെ മികച്ചൊരു നാളേയ്ക്കായുള്ള ഈ വലിയ ദൗത്യത്തില് എല്ലാവരുടെയും ആത്മാര്ഥമായ പിന്തുണ പ്രതീക്ഷിക്കുന്നു’ എന്ന് അറിയിപ്പില് പറഞ്ഞു.
