കൊച്ചി: വി. ഡി. സതീശനെ മുഖ്യമന്ത്രിയായി പ്രഖ്യാപിച്ചതിന് പിന്നാലെ സന്തോഷം പ്രകടിപ്പിച്ച് നടിയും മോഡലുമായ റിനി ആന് ജോര്ജ്. എല്ലാവരും കൂടി കുഴിച്ചു മൂടാന് നോക്കിയ ആള്ക്ക് വനവാസമല്ല ഇനി പട്ടാഭിഷേകമാണെന്ന് റിനി ആന് ജോര്ജ് ഫേസ് ബുക്കില് കുറിച്ചു. പദ്മനാഭന്റെ മണ്ണില് ഇനി തന്റെ ശ്രീ പദ്മനാഭന് വാഴുമെന്നും റിനി കുറിച്ചു. പാലക്കാട് എംഎല്എയായിരുന്ന രാഹുല് മാങ്കൂട്ടത്തിലിനെതിരെ ആദ്യമായി ആരോപണമുന്നയിച്ച വ്യക്തിയായിരുന്നു റിനി.
റിനിയുടെ ഫേസ്ബുക്ക് പോസ്റ്റിന്റെ പൂര്ണരൂപം ഇങ്ങനെ…
‘നിങ്ങള് എല്ലാവരും കൂടി കുഴിച്ചു മൂടാന് നോക്കിയ ഒരുത്തന് ഇല്ലേ. നിങ്ങള് ഓരോ തവണ താഴ്ത്താന് ശ്രമിച്ചപ്പോഴും ഉയര്ന്നു വന്ന ഒരുത്തന്.
നിങ്ങള് ഓരോ തവണ കെടുത്താന് ശ്രമിച്ചപ്പോഴും ആളിക്കത്തിയ ഒരുത്തന്. വനവാസമല്ല ഇനി പട്ടാഭിഷേകം. പദ്മനാഭന്റെ മണ്ണില് ഇനി എന്റെ ശ്രീ പദ്മനാഭന് വാഴും’.
തെരഞ്ഞെടുപ്പില് യുഡിഎഫ് വന് വിജയം നേടിയപ്പോഴും പ്രതികരണവുമായി റിനി രംഗത്തെത്തിയിരുന്നു. വി. ഡി സതീശന് പറഞ്ഞ ഓരോ വാക്കും കിറുകൃത്യമായിരുന്നുവെന്നും കേരളം കണ്ട ഏറ്റവും മികച്ച രാഷ്ട്രീയ ചാണക്യനാണ് സതീശനെന്നും റിനി കുറിച്ചു.
സാക്ഷാല് കെ. കരുണാകരന് ഭാവിയുടെ വാഗ്ദാനം എന്ന് വാഴ്ത്തിയ നേതാവാണ് വി. ഡി സതീശന്. മറ്റാരുണ്ട് വി.ഡി.എസ് അല്ലാതെ എന്നും റിനി അന്ന് ഫേസ്ബുക്ക് പോസ്റ്റില് കുറിച്ചു.
