അഭിനയപ്രാധാന്യമുളള വേഷങ്ങളിലൂടെ ബോളിവുഡില്‍ തിളങ്ങിയ മലയാളി നടിയാണ് വിദ്യാ ബാലന്. പരിണീത, ഡേര്‍ട്ടി പിക്ചര്‍, കഹാനി ഉള്‍പ്പെടെയുളള സിനിമകളെല്ലാം നടിയുടെതായി ഏറെ ശ്രദ്ധിക്കപ്പെട്ടു.
ബോളിവുഡിന് പുറമെ തെന്നിന്ത്യന്‍ ഭാഷകളിലും അഭിനയിച്ചു. ഡേര്‍ട്ടി പിക്ചര്‍ എന്ന ചിത്രത്തിലെ പ്രകടനത്തിലൂടെ മികച്ച നടിക്കുളള ദേശീയ ചലച്ചിത്രപുരസ്‌കാരം വരെ വിദ്യ ബാലന് ലഭിച്ചു.
അതേസമയം വിദ്യാ ബാലന്‍റെ ആദ്യ പ്രതിഫത്തെ കുറിച്ചുളള ഒരു റിപ്പോര്‍ട്ട് സോഷ്യല്‍ മീഡിയയില്‍ പുറത്തുവന്നിരിക്കുകയാണ്. ആദ്യമായി ലഭിച്ച വരുമാനം 500 രൂപയാണ് എന്നാണ് വിദ്യാ ബാലന് പറഞ്ഞത്.
സ്റ്റേറ്റ് ടൂറിസം ക്യാംപെയിന് വേണ്ടി പ്രവര്‍ത്തിച്ചപ്പോഴാണ് ഇത് ലഭിച്ചതെന്നും നടി പറയുന്നു. ഞങ്ങള്‍ നാല് പേരാണ് അന്ന് ഇതിനായി പോയത്. എനിക്കൊപ്പം എന്‍റെ സഹോദരിയും ബന്ധുവും സുഹൃത്തും വന്നു.
ഞങ്ങള്‍ ഓരോരുത്തര്‍ക്കും 500 രൂപ വീതം ലഭിച്ചു-വിദ്യ പറഞ്ഞു. ഷൂട്ടിംഗില്‍ എന്താണ് ചെയ്തതെന്ന് ഓര്‍ക്കുന്നുണ്ടോ എന്ന് ചോദ്യത്തിനും വിദ്യ ബാലന്‍റെ മറുപടി ഇങ്ങനെ…
ഒരു മരത്തിന്‍റെ അരികില്‍ പോസ് ചെയ്യണം. കൂടെ ഞങ്ങള്‍ ഒരു മരത്തിന്‍റെ അരികില്‍ ഊഞ്ഞാലാടുകയും, ഒപ്പം പുഞ്ചിരിക്കേണ്ടിയും വന്നു.
ആദ്യമായി പങ്കെടുത്ത ഓഡീഷനെ കുറിച്ചും അഭിമുഖത്തില്‍ വിദ്യാ ബാലന് മനസുതുറന്നു. ഒരു ടെലിവിഷന്‍ പരിപാടിക്ക് വേണ്ടി ആയിരുന്നു ഓഡീഷന്. എന്‍റെ ആദ്യത്തെ ഷോ ആണ്.
അമ്മയ്ക്കും സഹോദരിക്കും ഒപ്പം ഫിലിം സിറ്റിയില്‍ പോയതും ഒരു ദിവസം മുഴുവന്‍ അവിടെ കാത്തുനിന്നതും ഞാന്‍ ഓര്‍ക്കുന്നു.
150-ന് അടുത്ത ആളുകള്‍ അന്ന് ഓഡീഷന് വന്നു. അന്ന് എനിക്ക് ഭ്രാന്തായിരുന്നു. അവസാനം ഇത് മറന്നേക്കാമെന്ന് ഞാന്‍ തീരുമാനിച്ചു.
ഞാന്‍ ഇത് ചെയ്യാന്‍ പോകുന്നില്ല. ആദ്യ ഷോ, ലാ ബെല്ല, അന്നത്തെ വെളിച്ചം കണ്ടില്ല. ഹം പാഞ്ചിലൂടെയാണ് ഞാൻ പിന്നീട് ടെലിവിഷനില്‍ അരങ്ങേറ്റം കുറിച്ചതെന്നും വിദ്യാ ബാലന് പറഞ്ഞു.
