സംരംഭകനും ഡിജിറ്റൽ ക്രിയേറ്ററുമായ ഒരു യുവാവ് തന്റെ ജോലി രാജിവച്ച് പുതിയ ബിസിനസ് തുടങ്ങുന്നതിനെക്കുറിച്ചുള്ള യാഥാർഥ്യങ്ങൾ പങ്കുവയ്ക്കുന്ന വീഡിയോ സമൂഹ മാധ്യമങ്ങളിൽ പോസ്റ്റ് ചെയ്തത് വലിയ ചർച്ചകൾക്ക് വഴിവച്ചിരിക്കുന്നു. വീഡിയോയിൽ മെഹുൽ എന്ന യുവാവ് ജോലി രാജിവയ്ക്കുമ്പോൾ തനിക്കുണ്ടായ സന്തോഷവും ആദ്യനാളുകളിലുണ്ടായ സ്വാതന്ത്ര്യവുമെല്ലാം കുറച്ചുനാളുകൾ മാത്രമേ ഉണ്ടായിരുന്നുള്ളു.
തന്നെ ഇനി കഷ്ടപ്പെടുത്താൻ ബോസ് ഇല്ല, എന്നാൽ അതിനെക്കാൾ വലിയ പണികളും ജോലിഭാരവുമാണ് ഇപ്പോൾ എന്ന് മെഹുൽ തമാശ രീതിയിൽ പറയുന്നു. ജോലി രാജിവച്ച് ബിസിനസ് സംരംഭത്തെകുറിച്ച് പ്ലാൻ ചെയ്യുന്ന ആദ്യനാളുകൾ കൃത്യമായി ഡോക്യുമെന്റ് ചെയ്ത് വയ്ക്കുന്നുണ്ടെന്നും മെഹുൽ പറഞ്ഞു. രണ്ടുമൂന്നു ദിവസങ്ങൾ കഴിഞ്ഞപ്പോൾ തനിക്ക് മടുത്തുതുടങ്ങിയെന്നും തന്നെകൊണ്ട് കാര്യങ്ങൾ കൈകാര്യം കഴിയുമോ എന്നുമുള്ള സംശയത്തിലേക്ക് കാര്യങ്ങൾ മാറിയെന്നും പറയുന്നു.
ജീവിതത്തിൽ ഉയർച്ചകളും താഴ്ച്ചകളും വന്നപ്പോഴെല്ലാം ഒരിക്കൽപോലും താൻ എടുത്ത തീരുമാനത്തിൽ കുറ്റംബോധം വന്നിട്ടില്ലെന്നും മെഹുൽ പറയുന്നു. താൻ ജോലി ഉപേക്ഷിച്ചത് അതിലും നല്ലത് ഒന്നു തുടങ്ങാൻ വേണ്ടിയാണ്. ഈ സംരംഭം തുടങ്ങുന്നതിൽ ഒരുപാട് സന്തോഷമുണ്ടെന്നും ഇതിനുവേണ്ടി താൻ ഒരുപാട് കഷ്ടപ്പെട്ടുവെന്നും മെഹുൽ വ്യക്തമാക്കി.
സംരംഭകൻ ആകാനുള്ള നാൾ വഴികളെല്ലാം തന്റെ ജീവിതത്തിൽ നിന്നും താൻ പഠിച്ച പാഠങ്ങളുമെല്ലാം ഇൻസ്റ്റഗ്രാമിൽ പങ്കുവയ്ക്കുന്നുണ്ടന്നും എല്ലാർക്കും അത് പ്രയോജനം ചെയ്യുമെന്നുമാണ് മെഹുൽ പറയുന്നത്. ഈ വീഡിയോയ്ക്ക് താഴെ പലതരത്തിലുള്ള കമന്റുകളാണ് പ്രത്യക്ഷപ്പെട്ടത്
