സാ​ബ്രി​യു​ടെ മോ​ഹം സ​ഫ​ല​മാ​കു​ന്നു: ക​ഥ​ക​ളി​യി​ൽ അ​ര​ങ്ങേ​റ്റം ഒ​ക്ടോ​ബ​ർ ര​ണ്ടി​ന്

കൊ​ല്ലം: ക​ലാ​മ​ണ്ഡ​ല​ത്തി​ന്‍റെ ച​രി​ത്ര​ത്തി​ൽ പു​തി​യ അ​ധ്യാ​യം കു​റി​ച്ച് ഒ​ക്ടോ​ബ​ർ ര​ണ്ടി​നു സാ​ബ്രി അ​ര​ങ്ങേ​റ്റം കു​റി​ക്കും. മു​സ്ലിം സ​മു​ദാ​യ​ത്തി​ല്‍ നി​ന്ന് ക​ലാ​മ​ണ്ഡ​ല​ത്തി​ല്‍ ക​ഥ​ക​ളി പ​ഠി​ക്കാ​നെ​ത്തി​യ ആ​ദ്യ പെ​ണ്‍​കു​ട്ടി എ​ന്ന് ച​രി​ത്ര​ത്തി​ൽ 2022 ൽ ​എ​ഴു​തി ചേ​ർ​ക്ക​പ്പെ​ട്ട സാ​ബ്രി​യു​ടെ സ്വ​പ്ന സാ​ഫ​ല്യം കൂ​ടി​യാ​ണി​ത്.

അ​ഞ്ച​ൽ പ​ന​ച്ച​വി​ള തേ​ജ​സി​ൽ പ​രി​സ്ഥി​തി ഫോ​ട്ടോ​ഗ്രാ​ഫ​ർ നി​സാം അ​മ്മാ​സി​ന്‍റെ​യും അ​നീ​സ​യു​ടെ​യും മ​ക​ളാ​യ സാ​ബ്രി ഇ​ട​മു​ള​ക്ക​ൽ ഗ​വ. ജ​വ​ഹ​ർ ഹൈ​സ്കൂ​ളി​ൽ നി​ന്ന് ഏ​ഴാം ത​രം പൂ​ർ​ത്തി​യാ​ക്കി​യാ​ണ് ക​ലാ​മ​ണ്ഡ​ല​ത്തി​ൽ ചേ​ർ​ന്നു പ​ഠ​നം ആ​രം​ഭി​ക്കു​ന്ന​ത്. ക​ലാ​മ​ണ്ഡ​ലം അ​ധ്യാ​പ​ക​ൻ കൂ​ടി​യാ​യ കൊ​ല്ലം ച​ട​യ​മം​ഗ​ലം സ്വ​ദേ​ശി ആ​രോ​മ​ലി​ന് കീ​ഴി​ൽ ര​ണ്ട് വ​ർ​ഷ​ത്തെ പ​രി​ശീ​ല​ന ശേ​ഷ​മാ​ണ് സാ​ബ്രി എ​ട്ടാം ത​ര​ത്തി​ൽ ക​ലാ​മ​ണ്ഡ​ല​ത്തി​ൽ ചേ​രു​ന്ന​ത്.

ചെ​റു​പ്പം മു​ത​ൽ മോ​ഹി​നി​യാ​ട്ട​വും ക​ഥ​ക​ളി​യും പ​ഠി​ക്കാ​ന്‍ തു​ട​ങ്ങി​യി​രു​ന്ന സാ​ബ്രി എ​ട്ടാം ക്ലാ​സി​ൽ ക​ലാ​മ​ണ്ഡ​ല​ത്തി​ൽ എ​ത്തു​മ്പോ​ൾ പ​ത്മ​ശ്രീ ഡോ. ​ക​ലാ​മ​ണ്ഡ​ലം ഗോ​പി​യാ​ണ് ആ​ദ്യ​മു​ദ്ര​ക​ൾ പ​ക​ർ​ന്ന് ന​ൽ​കു​ന്ന​ത്. അ​ധ്യാ​പ​ക​ൻ ക​ലാ​മ​ണ്ഡ​ലം അ​നി​ൽ​കു​മാ​റി​ന്‍റെ​യും മ​റ്റ് ആ​ശാ​ന്മാ​രു​ടെ​യും ശി​ക്ഷ​ണ​ത്തി​ലാ​യി​രു​ന്നു പി​ന്നീ​ടു​ള്ള സാ​ബ്രി​യു​ടെ പ​ഠ​നം. ‘പു​റ​പ്പാ​ട്’ എ​ന്ന ക​ഥ​ക​ളി​യാ​ണ് അ​ര​ങ്ങേ​റ്റ ദി​ന​ത്തി​ൽ കൂ​ത്ത​മ്പ​ല​ത്തി​ൽ സാ​ബ്രി അ​വ​ത​രി​പ്പി​ക്കു​ക. കൂ​ടെ സ​ഹ​പാ​ഠി​ക​ളാ​യ മൂ​ന്ന് പെ​ൺ​കു​ട്ടി​ക​ളും മൂ​ന്ന് ആ​ൺ​കു​ട്ടി​ക​ളു​മു​ണ്ടാ​വും.

ചെ​റു​പ്പം മു​ത​ലേ ക​ഥ​ക​ളി​യോ​ടും ക​ഥ​ക​ളി വേ​ഷ​ത്തോ​ടും ഇ​ഷ്ടം തോ​ന്നി​യ സാ​ബ്രി​യു​ടെ ചി​ര​കാ​ല സ്വ​പ്ന​മാ​ണ് ഒ​ക്ടോ​ബ​ർ ര​ണ്ടി​ന് സാ​ഫ​ല്യ​ത്തി​ലെ​ത്തു​ക. ഫോ​ട്ടോ​ഗ്രാ​ഫ​റാ​യ പി​താ​വ് നി​സാം അ​മ്മാ​സ് ക​ഥ​ക​ളി ചി​ത്ര​ങ്ങ​ൾ പ​ക​ർ​ത്താ​ൻ കാ​മ​റ​യു​മാ​യി പോ​കു​ന്ന ഇ​ട​ങ്ങ​ളി​ലെ​ല്ലാം പാ​തി​രാ​വോ​ളം ഒ​പ്പം ഉ​ണ്ടാ​വു​മാ​യി​രു​ന്നു സാ​ബ്രി. ഏ​ക സ​ഹോ​ദ​ര​ൻ മു​ഹ​മ്മ​ദ് യാ​സീ​ൻ സൈ​ബ​ർ ഫോ​റ​ൻ​സി​ക് സെ​ക്യൂ​രി​റ്റി വി​ദ്യാ​ർ​ഥി​യാ​ണ്. മ​ക​ളു​ടെ​യും കു​ടും​ബ​ത്തി​ന്‍റെ​യും വ​ലി​യൊ​രു സ്വ​പ്നം യാ​ഥാ​ർ​ഥ്യ​മാ​യ സ​ന്തോ​ഷ​ത്തി​ലാ​ണെ​ന്ന് പി​താ​വ് നി​സാം അ​മാ​സ്.

അ​ജി വ​ള്ളി​ക്കീ​ഴ്