തിരുവനന്തപുരം: കോൺഗ്രസ് മുഖപത്രം വീക്ഷണത്തിലെ മുഖപ്രസംഗം സിപിഎമ്മിന്‍റെ ഇരട്ടത്താപ്പ് തുറന്ന് കാട്ടിയുള്ളതാണെന്ന് കോണ്‍ഗ്രസ് നേതാവ് കെ. മുരളീധരന്‍. രാഹുലിനെ പാര്‍ട്ടി ന്യായികരിക്കില്ല. രാഹുലിനെതിരേ പാര്‍ട്ടി നടപടിയെടുത്തു.
ആ വിഷയം ക്ലോസ് ചെയ്തതാണ്. രാഹുല്‍ നിരപരാധിത്വം തെളിയിക്കുംവരെ പാര്‍ട്ടിയില്‍ തിരിച്ചെടുക്കില്ലെന്നും അദ്ദേഹം പറഞ്ഞു. സിപിഎമ്മിലെ എംഎല്‍എ ആയ മുകേഷ് സമാനമായ കേസില്‍ പ്രതിയാകുകയും കോടതിയില്‍ കുറ്റപത്രം സമര്‍പ്പിക്കുകയും ചെയ്ത് ആരോപണ വിധേയനായി നില്‍ക്കുന്നയാളാണ്.
അയാള്‍ രാജിവയ്ക്കാന്‍ സിപിഎം പറഞ്ഞിട്ടില്ല. ഇത് ഇരട്ടത്താപ്പാണ്. രാഹുലിനെ ന്യായികരിക്കാന്‍ കോണ്‍ഗ്രസ് പാര്‍ട്ടി തയാറാകില്ലെന്നും അദ്ദേഹം പറഞ്ഞു. ശബരിമല സ്വര്‍ണക്കൊള്ളക്കേസില്‍ സിപിഐക്കും പങ്കുണ്ട്. കൊള്ളയ്ക്ക് ഒത്താശ ചെയ്ത് കൊടുത്തവര്‍ക്കെതിരേ സിപിഐ നടപടിയെടുത്തോയെന്ന് ബിനോയ് വിശ്വം വ്യക്തമാക്കണമെന്നും മുരളീധരന്‍ പറഞ്ഞു. മുകേഷും രാഹുല്‍ മാങ്കുട്ടത്തിലും ചെയ്ത കുറ്റം സമാനമാണ്. ഇത് രണ്ടിനെയും കോണ്‍ഗ്രസ് ന്യായികരിക്കുന്നില്ല.പറഞ്ഞു.
