മുംബൈ: ചരിത്രത്തിലാദ്യമായി ഏകദിന ലോകകപ്പ് ക്രിക്കറ്റ് കപ്പുയർത്തി ഇന്ത്യൻ വനിതകൾ ആരാധകർക്ക് ആവേശമായി. ആ ചൂടാറും മുന്പ് മറ്റൊരു വനിതാ ക്രിക്കറ്റ് പൂരത്തിനു തിരികൊളുത്തുന്നു.
വനിതാ പ്രീമിയർ ലീഗ് ട്വന്‍റി20 ക്രിക്കറ്റ് വെടിക്കെട്ട് നാലാം എഡിഷന് 2026 ജനുവരി ഒന്പതിന് തുടക്കം കുറിക്കും. നിലവിലെ ചാന്പ്യന്മാരായ മുംബൈ ഇന്ത്യൻസും റോയൽ ചലഞ്ചേഴ്സ് ബംഗളൂരുവും തമ്മിൽ മാറ്റുരച്ച് തുടക്കം. ഫെബ്രുവരി അഞ്ചിന് കലാശപ്പോരാട്ടം. ടൂർണമെന്‍റിലെ മത്സരങ്ങള്‍ നവി മുംബൈ, വഡോദര സ്റ്റേഡിയങ്ങളിലാണ് നടക്കുന്നത്‌. ബിസിസിഐയാണ് ഇന്നലെ ഷെഡ്യൂൾ പുറത്തുവിട്ടത്.
പോരാട്ടം-വേദി
ടൂർണമെന്‍റിൽ ആകെ 22 മത്സരങ്ങളാണുള്ളത്. സീസണിലെ ആദ്യ 11 മത്സരങ്ങൾ ജനുവരി ഒന്പതു മുതൽ 17 വരെ നവി മുംബൈയിലും, പ്ലേഓഫ് ഉൾപ്പെടെയുള്ള അടുത്ത 11 മത്സരങ്ങൾ വഡോദരയിലും നടക്കും. ഫെബ്രുവരി ഒന്നിന് ലീഗ് ഘട്ടം അവസാനിക്കും.
ഫെബ്രുവരി മൂന്നിന് എലിമിനേറ്റർ മത്സരം. അഞ്ചിന് ഫൈനൽ പോരാട്ടം വഡോദരയിലെ കോടാന്പി സ്റ്റേഡിയത്തിലാണ്. നവി മുംബൈയിലെ ഡിവൈ പാട്ടീൽ സ്റ്റേഡിയത്തിലാണ് ഉദ്ഘാടനമത്സരം.
പ്ലേഓഫുകൾ പഴയ ഫോർമാറ്റിൽ തന്നെ നടക്കും. പോയിന്റ് പട്ടികയിലെ ഒന്നാം സ്ഥാനക്കാർ നേരിട്ട് ഫൈനലിലേക്ക് കടക്കുന്പോൾ രണ്ടും മൂന്നും സ്ഥാനക്കാർ എലിമിനേറ്ററിൽ ഏറ്റുമുട്ടും. ജയിക്കുന്നവർ ഫൈനലിൽ പ്രവേശിക്കും.
മുന്നിൽ മുംബൈ
മുംബൈ ഇന്ത്യൻസ് 2025ലും 2023ലും കിരീടം നേടി. ട്രോഫി ഉയർത്തിയ മറ്റൊരു ടീം റോയൽ ചലഞ്ചേഴ്സ് ബംഗളൂരുവാണ്. 2024ലാണ് ആർസിബി കപ്പുയർത്തിയത്.
ഡൽഹി ക്യാപ്പിറ്റൽസ് മൂന്ന് തവണ റണ്ണേഴ്സ് അപ്പായി. അതേസമയം, ഗുജറാത്ത് ജയന്‍റ്്സും യുപി വാരിയേഴ്സും ഇതുവരെ ഫൈനലിൽ എത്തിയിട്ടില്ല. ഏകദിന ലോകകപ്പിന് പിന്നാലെയുള്ള ട്വന്‍റി20 പൂരം വനിതാ ക്രിക്കറ്റിന് കൂടുതൽ പ്രചോദനവും ആരാധക ശ്രദ്ധയും സമ്മാനിക്കുമെന്നത് ഉറപ്പാണ്.
ഷെഡ്യൂൾ
നവി മുംബൈയിൽ നടക്കുന്ന മത്സരങ്ങൾ
ജനുവരി 9: മുംബൈ ഇന്ത്യൻസ് x
റോയൽ ചലഞ്ചേഴ്സ് ബംഗളൂരു
ജനുവരി 10: യുപി വാരിയേഴ്സ് x ഗുജറാത്ത് ജയന്‍റ്്സ്
ജനുവരി 10: മുംബൈ ഇന്ത്യൻസ് x
ഡൽഹി ക്യാപ്പിറ്റൽസ്
ജനുവരി 11: ഡൽഹി ക്യാപ്പിറ്റൽസ് x
ഗുജറാത്ത് ജയന്‍റ്്സ്
ജനുവരി 12: റോയൽ ചലഞ്ചേഴ്സ്
ബംഗളൂരു x യുപി വാരിയേഴ്സ്
ജനുവരി 13: മുംബൈ ഇന്ത്യൻസ് x ഗുജറാത്ത് ജയന്‍റ്സ്
ജനുവരി 14: യുപി വാരിയേഴ്സ് x ഡൽഹി ക്യാപ്പിറ്റൽസ്
ജനുവരി 15: മുംബൈ ഇന്ത്യൻസ് x യുപി വാരിയേഴ്സ്
ജനുവരി 16: റോയൽ ചലഞ്ചേഴ്സ് ബംഗളൂരു x ഗുജറാത്ത് ജയന്‍റ്സ്
ജനുവരി 17: യുപി വാരിയേഴ്സ് x മുംബൈ ഇന്ത്യൻസ്
ജനുവരി 17: ഡൽഹി ക്യാപിറ്റൽസ് x റോയൽ ചലഞ്ചേഴ്സ്
ബംഗളൂരു
വഡോദരയിൽ നടക്കുന്ന മത്സരങ്ങൾ
ജനുവരി 19: ഗുജറാത്ത് ജയന്‍റ്സ്് x റോയൽ ചലഞ്ചേഴ്സ്
ബംഗളൂരു
ജനുവരി 20: ഡൽഹി ക്യാപ്പിറ്റൽസ് x മുംബൈ ഇന്ത്യൻസ്
ജനുവരി 22: ഗുജറാത്ത് ജയന്‍റ്സ് x യുപി വാരിയേഴ്സ്
ജനുവരി 24: റോയൽ ചലഞ്ചേഴ്സ് ബംഗളൂരു x ഡൽഹി
ക്യാപ്പിറ്റൽസ്
ജനുവരി 26: റോയൽ ചലഞ്ചേഴ്സ് ബംഗളൂരു x മുംബൈ
ഇന്ത്യൻസ്
ജനുവരി 27: ഗുജറാത്ത് ജയന്‍റ്സ് x ഡൽഹി ക്യാപ്പിറ്റൽസ്
ജനുവരി 29: യുപി വാരിയേഴ്സ് x റോയൽ ചലഞ്ചേഴ്സ് ബംഗളൂരു
ജനുവരി 30: ഗുജറാത്ത് ജയന്‍റ്സ് x മുംബൈ ഇന്ത്യൻസ്
ഫെബ്രുവരി 1: ഡൽഹി ക്യാപിറ്റൽസ് x യുപി വാരിയേഴ്സ്
നോക്കൗട്ട് മത്സരങ്ങൾ
ഫെബ്രുവരി 3: എലിമിനേറ്റർ
ഫെബ്രുവരി 5: ഫൈനൽ
