ഇന്ത്യയിൽ ആദ്യമായി കളർ കോയിൻ പുറത്തിറക്കി. ഇന്ത്യൻ റെയിൽവേയിൽ ഇലക്ട്രിഫിക്കേഷൻ നടത്തിയതിന്റെ നൂറാം വാർഷികത്തിന്റെ ഓർമയ്ക്കായാണ് നൂറുരൂപയുടെ കളർ കോയിൻ റിസർവ് ബാങ്ക് പുറത്തിറക്കിയത്. 1925 മുംബൈ-കുർള റൂട്ടിലാണ് ഇന്ത്യയിൽ ആദ്യമായി ഇലക്ട്രിക് ട്രെയിൻ ഓടിത്തുടങ്ങിയത്.
ഇന്ത്യൻ റെയിൽവേയുടെ പുതിയ മുഖമായ വന്ദേഭാരത് ട്രെയിനിന്റെ വർണ ചിത്രമാണ് ഈ നാണയത്തിന്റെ ഒരു ഭാഗത്ത് ആലേഖനം ചെയ്തിട്ടുള്ളത് റെയിൽവേയുടെ വൈദ്യുതീകരണ യാത്ര പ്രതിനിധീകരിക്കുന്ന ഇലക്ട്രിക് ലോക്കോമോട്ടീവിന്റെ രൂപകല്പനയും ഈ നാണയത്തിൽ കാണാം.
കോൽക്കത്തയിലെ നാണയ കമ്മട്ടം പുറത്തിറക്കിയ 35 ഗ്രാം തൂക്കം വരുന്ന ഈ നാണയത്തിൽ 50 ശതമാനം വെള്ളിയും 40 ശതമാനം ചെന്പും അഞ്ച് ശതമാനം നിക്കലും അഞ്ച് ശതമാനം സിങ്കുമാണ് അടങ്ങിയിട്ടുള്ളത്. പുരാവസ്തു ശേഖരണത്തിലൂടെ ശ്രദ്ധേയനായ മലപ്പുറം തൃപ്പനച്ചി എയുപി സ്കൂൾ അധ്യാപകൻ എം.സി. അബ്ദുൾ അലിയുടെ ശേഖരണത്തിൽ ഈ നാണയം എത്തിയിട്ടുണ്ട്.
