തെഹ്റാൻ: ഇറാനിലെ പരമോന്നത നേതാവ് ആയത്തുള്ള അലി ഖമനേയി കൊല്ലപ്പെട്ട വാർത്ത വായിക്കുന്നതിനിടെ പൊട്ടിക്കരഞ്ഞ് അവതാരക മറിയം അസർചെഹ്ർ. ഇറാനിയൻ സ്റ്റേറ്റ് ടിവിയായ പ്രസ് ടിവിയുടെ അവതാരികയാണ് മറിയം.
‘ഒരു തിരിച്ചടി വരുന്നുണ്ട്. അവർ ചെയ്തതിന്റെ ഫലം അവർ കാണും’ എന്ന് വിറയ്ക്കുന്ന ശബ്ദത്തോടെ മറിയം വായിച്ചു. വാർത്ത വായിക്കുന്നതിന്റെ വീഡിയോ സോഷ്യൽ മീഡിയയിൽ വെറലാണ്.
ഖമനേയിയുടെ നേതൃത്വത്തേയും പ്രത്യയശാസ്ത്രപരമായ നിലപാടിനേയും അവതാരക പ്രശംസിച്ചു. ‘അദ്ദേഹം പലസ്തീനിലെ കുട്ടികൾക്ക് വേണ്ടി നിന്നു. അദ്ദേഹം ലെബനനിലെ കുട്ടികൾക്ക് വേണ്ടി നിന്നു. ഇന്ന് അദ്ദേഹത്തെ ഓർത്ത് ദുഃഖിക്കുന്നവർ ലോകമെമ്പാടുമുള്ള അനാഥരായിരിക്കും.’ എന്നും മറിയം പറഞ്ഞു.
