കാലിഫോർണിയയിലെ ഒരു വെള്ളച്ചാട്ടത്തിൽ സുഹൃത്തുക്കൾക്കൊപ്പം തന്റെ 26 -ാം ജന്മദിനം ആഘോഷിക്കുന്നതിനിടെ ചുഴിയിൽപ്പെട്ട് യുവാവ് മരിച്ചു. ആന്ധ്രാപ്രദേശ് സ്വദേശിയായ ശ്രീഹരികൃഷ്ണയാണ് മുങ്ങി മരിച്ചത്.
ജൻമദിന പാർട്ടി നൽകി കൂട്ടുകാർക്കൊപ്പം ഉല്ലസിക്കാൻ വേണ്ടിയാണ് ശ്രീഹരിയും കൂട്ടുകാരും വെള്ളച്ചാട്ടത്തിലേക്ക് പോയത്. എന്നാൽ ആ സന്തോഷത്തിന് അധിക നേരത്തെ ആയുസ് ഇല്ലായിരുന്നു. ശ്രീഹരികൃഷ്ണയുടെ മൃതദേഹം ഇന്ത്യയിലേക്ക് കൊണ്ടുവരാനുള്ള ശ്രമങ്ങൾ പുരോഗമിക്കുകയാണ്.
മുതദേഹം എത്രയും പെട്ടെന്ന് നാട്ടിലെത്തിക്കണമെന്ന് ആവശ്യപ്പെട്ട് ടിഡിപി എംഎൽഎ ആർവിഎസ്കെകെ രംഗറാവു ആന്ധ്രാപ്രദേശ് എൻആർഐ ശാക്തീകരണ മന്ത്രി കൊണ്ടപ്പള്ളി ശ്രീനിവാസുമായി സംസാരിച്ചു.
