കൊച്ചി: ആലുവയിലെ ഹോസ്റ്റലിൽനിന്ന് 16കാരിയെ കാണാതായ സംഭവത്തിൽ അന്വേഷണം ഊർജിതമാക്കി പോലീസ്. ആലുവ എസ്എച്ച്ഒ രഞ്ജിത്ത് മാത്യുവിന്റെ നേതൃത്വത്തിൽ ഏഴംഗ പ്രത്യേക സംഘത്തെ അന്വേഷണത്തിനായി നിയോഗിച്ചു.
പെൺകുട്ടി പിതാവിന്റെ നാടായ പഞ്ചാബിലെ മൊഹാലിയിലേക്ക് പോയിട്ടുണ്ടാകാമെന്നാണ് പോലീസിന്റെ പ്രാഥമിക നിഗമനം.അമ്മയുടെ ഫോണിൽനിന്ന് പെൺകുട്ടി മൊഹാലിയിലുള്ള ചിലരെ വിളിച്ചിരുന്നതായി അന്വേഷണത്തിൽ കണ്ടെത്തിയിട്ടുണ്ട്. ഇതിന്റെ അടിസ്ഥാനത്തിൽ പോലീസ് സംഘം മൊഹാലിയിലേക്ക് പോകുമെന്നും സൂചനയുണ്ട്.
വ്യാഴാഴ്ച രാവിലെ മുതലാണ് കുട്ടിയെ കാണാതായത്. തുടർന്ന് പോലീസിൽ പരാതി നൽകുകയായിരുന്നു. അമ്മയുടെ ആദ്യ വിവാഹത്തിലെ മകളാണ് കാണാതായ പെൺകുട്ടി. പിതാവിനൊപ്പം മൊഹാലിയിൽ താമസിച്ചിരുന്ന പെൺകുട്ടി 17 ദിവസം മുമ്പാണ് അമ്മയ്ക്കൊപ്പം ആലുവയിലെത്തിയത്.
