കീവ്: യുക്രെയ്ൻ ഊർജമേഖലയെ ലക്ഷ്യമിട്ടുള്ള ആക്രമണങ്ങൾ റഷ്യ നിർത്താമെങ്കിൽ റഷ്യൻ റിഫൈനറികൾ ആക്രമിക്കുന്നത് യുക്രെയ്നും അവസാനിപ്പിക്കുമെന്നു യുക്രെയ്ൻ പ്രസിഡന്‍റ് സെലൻസ്കി.
പരസ്പര സഹകരണത്തോടെയേ സംഘർഷം ലഘൂകരിക്കാൻ കഴിയൂ എന്നും ഇതിന് ഉറപ്പുകൾ ലഭിക്കേണ്ടതുണ്ടെന്നും അദ്ദേഹം വ്യക്തമാക്കി.
യൂറോപ്യൻ മിത്രരാജ്യങ്ങളിൽനിന്ന് യുക്രെയ്നു വ്യോമപ്രതിരോധ സംവിധാനവും മറ്റ് ആയുധങ്ങളും ലഭിക്കാൻ ചർച്ചകൾ തുടരുന്നതായും സെലൻസ്കി കൂട്ടിച്ചേർത്തു.
