റോ​ഡി​ൽ ത​ങ്ങി​നി​ൽ​ക്കു​ന്ന പാ​റ​യും ത​ക​ർ​ന്ന റോ​ഡും! ഭീഷണിയായി കൂ​റ്റ​ൻപാ​റ (ഉ​രു​ൾ​പൊ​ട്ട​ലി​ൽ നി​ലംപ​തി​ച്ചത്)

ആ​ല​ക്കോ​ട്: ​പ്ര​ള​യ​ത്തെ​ത്തു​ട​ർ​ന്നു​ണ്ടാ​യ ഉ​രു​ൾപൊ​ട്ട​ലി​ൽ റോ​ഡി​ൽ പ​തി​ച്ച കൂ​റ്റ​ൻ പാ​റ ആ​റു​മാ​സം ക​ഴി​ഞ്ഞി​ട്ടും പൊ​ട്ടി​ച്ചു​നീ​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ത്ത അ​ധി​കൃ​ത​രു​ടെ അ​നാ​സ്ഥ ആ​ല​ക്കോ​ട്-​പാ​ത്ത​ൻ​പാ​റ റോ​ഡി​ൽ യാ​ത്ര​ക്കാ​ർ​ക്കും സ​മീ​പ​വാ​സി​ക​ൾ​ക്കും അ​പ​ക​ട ഭീ​ഷ​ണി ഉ​യ​ർ​ത്തു​ന്നു.

ആ​ല​ക്കോ​ട് നെ​ല്ലി​ക്കു​ന്ന്-​പാ​ത്ത​ൻ​പാ​റ റോ​ഡി​ൽ മേ​ലാ​രം​ത​ട്ടി​ലാ​ണു മാ​സ​ങ്ങ​ളാ​യി നാ​ട്ടു​കാ​രെ ഭീ​തി​യി​ലാ​ഴ്ത്തി കൂ​റ്റ​ൻ പാ​റ അ​പ​ക​ടാ​വ​സ്ഥ ഉ​യ​ർ​ത്തു​ന്ന​ത്.

2019 ഓ​ഗ​സ്റ്റ് ഒ​ൻ​പ​തി​നു രാ​ത്രി​യി​ൽ പ്ര​ള​യ​ത്തെത്തുട​ർ​ന്ന് മേ​ലാ​രം ത​ട്ട് മാ​ന്ത​ട്ടി​ലു​ണ്ടാ​യ ഉ​രു​ൾപ്പൊ​ട്ട​ലി​ലാ​ണ് മ​ല​മു​ക​ളി​ൽ ഭീ​മ​ൻ പാ​റ റോ​ഡി​ലേ​ക്കു പ​തി​ച്ച് ഇ​വി​ടെ ത​ങ്ങി നി​ന്ന​ത്.

ഉ​രു​ൾപ്പൊട്ട​ലി​ൽ ക​ർ​ഷ​ക​ർ​ക്ക് വ​ൻ നാ​ശ​ന​ഷ്‌​ടം സം​ഭ​വി​ച്ച​തി​നു പു​റ​മെ റോ​ഡി​നും ക​ന​ത്ത നാ​ശം നേ​രി​ട്ടി​രു​ന്നു. ടാ​റിം​ഗ് ത​ക​ർ​ന്നു റോ​ഡ് കു​ത്തി​യൊ​ലി​ച്ചു​പോ​യ നി​ല​യി​ലാ​ണ്. ഉ​രു​ൾപൊ​ട്ട​ലി​ന്‍റെ ആ​ഘാ​ത​ത്തി​ൽ ടാ​റിം​ഗ് റോ​ഡി​ന്‍റെ പാ​ർ​ശ്വ​ഭി​ത്തി ഭാ​ഗ​വും പൂ​ർ​ണ​മാ​യി ത​ക​ർ​ന്നു.

റോ​ഡി​ൽ ത​ങ്ങി​നി​ൽ​ക്കു​ന്ന പാ​റ​യും ത​ക​ർ​ന്ന റോ​ഡും വ​ലി​യ അ​പ​ക​ടാ​വ​സ്ഥ​യാ​ണു യാ​ത്ര​ക്കാ​ർ​ക്ക് ഉ​യ​ർ​ത്തു​ന്ന​ത്. ബ​സു​ക​ൾ ഉ​ൾ​പ്പെ​ടെ നി​ര​വ​ധി വാ​ഹ​ന​ങ്ങ​ളാ​ണ് ആ​ല​ക്കോ​ട്, പാ​ത്ത​ൻ​പാ​റ, ക​ന​ക​ക്കു​ന്ന്, കു​ടി​യാ​ൻ​മ​ല പ്ര​ദേ​ശ​ങ്ങ​ളെ ബ​ന്ധി​പ്പി​ച്ചു​കൊ​ണ്ട് ഇ​തു​വ​ഴി സ​ഞ്ച​രി​ക്കു​ന്ന​ത്. പൈ​ത​ൽ​മ​ല, പാ​ല​ക്ക​യം​ത​ട്ട് വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കു​ള്ള സ​ഞ്ചാ​ര​പാ​ത കൂ​ടി​യാ​ണി​ത്.

മൊ​റാ​നി, നെ​ല്ലി​ക്കു​ന്ന്, മേ​ലാ​രം​ത​ട്ട്, നൂ​ലി​ട്ടാ​മ​ല, മാ​ന്ത​ട്ട് പ്ര​ദേ​ശ​ത്തെ നൂ​റു​ക​ണ​ക്കി​നു കു​ടും​ബ​ങ്ങ​ളെ പു​റം​ലോ​ക​വു​മാ​യി ബ​ന്ധി​പ്പി​ക്കു​ന്ന ഏ​ക പാ​ത​യും ഈ ​പൊ​തു​മ​രാ​മ​ത്ത് റോ​ഡാ​ണ്.

വ​ള​വു ഭാ​ഗ​ത്താ​യി പാ​റ സ്ഥി​തി ചെ​യ്യു​ന്ന​തും റോ​ഡ് ത​ക​ർ​ന്നു​കി​ട​ക്കു​ന്ന​തും കാ​ര​ണം വാ​ഹ​ന​യാ​ത്ര​ക്കാ​ർ ഭീ​തി​യോ​ടെ​യാ​ണു സ​ഞ്ച​രി​ക്കു​ന്ന​ത്.

താ​ഴ്‌​വ​ര​യി​ൽ നി​ര​വ​ധി വീ​ടു​ക​ളും സ്ഥി​തി ചെ​യ്യു​ന്നു​ണ്ട്. ഭൂ​മി​കൂ​ലു​ക്ക​മോ പ്ര​ള​യ​മോ സം​ഭ​വി​ച്ച് പാ​റ റോ​ഡി​ൽ നി​ന്നു താ​ഴേ​ക്ക് പ​തി​ച്ചാ​ൽ വ​ലി​യ ദു​ര​ന്ത​മു​ണ്ടാ​കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ണി​ക്കു​ന്നു.

ആ​റു​മാ​സം മു​ന്പു​ണ്ടാ​യ ഉ​രു​ൾപ്പൊ​ട്ട​ലി​ൽ നി​ന്നു സ​മീ​പ​വാ​സി​ക​ൾ ത​ല​നാ​രി​ഴ​യ്ക്കാ​ണു ര​ക്ഷ​പ്പെ​ട്ടി​രു​ന്ന​ത്. അ​ടു​ത്ത മ​ഴ​ക്കാ​ല​മെ​ത്താ​ൻ മാ​സ​ങ്ങ​ൾ മാ​ത്ര​മാ​ണ് അ​വ​ശേ​ഷി​ക്കു​ന്ന​ത്. ഓ​ഗ​സ്റ്റി​ൽ സം​ഭ​വി​ച്ച​തു​പോ​ലെ​യു​ള്ള പ്ര​ള​യ​വും ഉ​രു​ൾ​പ്പൊ​ട്ട​ലും ഇ​നി​യു​ണ്ടാ​യാ​ൽ വ​ലി​യ ദു​ര​ന്ത​ങ്ങ​ൾ ഉ​ണ്ടാ​കു​മെ​ന്ന ഭീ​തി​യി​ലാ​ണു നാ​ട്ടു​കാ​ർ.

അ​പ​ക​ടാ​വ​സ്ഥ ഉ​യ​ർ​ത്തു​ന്ന പാ​റ പൊ​ട്ടി​ച്ച് നീ​ക്കു​ന്ന​തി​നും ത​ക​ർ​ച്ച​യി​ലാ​യ റോ​ഡി​ന്‍റെ ശോ​ച്യാ​വ​സ്ഥ പ​രി​ഹ​രി​ക്കു​ന്ന​വി​ധ​ത്തി​ൽ മ​തി​ൽ കെ​ട്ടി സം​ര​ക്ഷി​ക്കു​ന്ന​തി​നും അ​ധി​കൃ​ത​ർ ന​ട​പ​ടി​ക​ൾ സ്വീ​ക​രി​ക്കാ​ൻ വൈ​കു​ന്ന​ത് നാ​ട്ടു​കാ​രി​ൽ വ്യാ​പ​ക പ്ര​തി​ഷേ​ധ​മു​യ​ർ​ത്തി​യി​രി​ക്കു​ക​യാ​ണ്. ഉ​രു​ൾ​പ്പൊ​ട്ട​ലു​ണ്ടാ​യി മാ​സ​ങ്ങ​ൾ ക​ഴി​ഞ്ഞി​ട്ടും പ​രി​ഹാ​ര ന​ട​പ​ടി​ക​ൾ ഇ​ഴ​ഞ്ഞു​നീ​ങ്ങു​ന്ന​താ​യാ​ണു പ​രാ​തി.

ഇ​നി​യൊ​രു ദു​ര​ന്ത​ത്തി​നു വ​ഴി​യൊ​രു​ക്കാ​തെ അ​പ​ക​ടാ​വ​സ്ഥ പ​രി​ഹ​രി​ക്കു​ന്ന​തി​നും റോ​ഡ് സം​ര​ക്ഷി​ക്കു‌​ന്ന​തി​നും അ​ധി​കൃ​ത​ർ എ​ത്ര​യും വേ​ഗ​ത്തി​ൽ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ആ​വ​ശ്യ​മു​യ​ർ​ന്നു.

Related posts

Leave a Comment