ഉത്‌സവത്തിന് പ​ഴു​പ്പു​നി​റ​ഞ്ഞ വ്ര​ണ​വു​മാ​യി ആ​ന​യെ എ​ഴു​ന്ന​ള്ളിച്ച സംഭവം;  വ്യാ​ജ ഫിറ്റ്നസ് സ​ർ​ട്ടി​ഫി​ക്ക​റ്റ് ന​ൽ​കി​യ ഡോ​ക്ട​ർ​ക്കെ​തി​രേ അ​ന്വേ​ഷ​ണം

കൊ​ച്ചി: നാ​ട്ടാ​ന​ക​ളെ പീ​ഡി​പ്പി​ക്കു​ന്ന​തി​നെ​തി​രേ ക​ർ​ശ​ന ന​ട​പ​ടി​യു​മാ​യി ജി​ല്ലാ ഭ​ര​ണ​കൂ​ടം. ഇ​ന്ന​ലെ ജി​ല്ലാ ക​ള​ക്ട​ർ മു​ഹ​മ്മ​ദ് സ​ഫീ​റു​ള്ള​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന നാ​ട്ടാ​ന​ക​ളു​ടെ പ​രി​പാ​ല​നം സം​ബ​ന്ധി​ച്ച ഏ​കോ​പ​ന സ​മി​തി​യാ​ണ് ന​ട​പ​ടി​ക​ൾ​ക്കു രൂ​പം ന​ൽ​കി​യ​ത്.

കാ​ക്ക​നാ​ട് പാ​ട്ടു​പു​ര​യ്ക്ക​ൽ ക്ഷേ​ത്ര​ത്തി​ൽ കാ​ലി​ൽ പ​ഴു​പ്പു​നി​റ​ഞ്ഞ വ്ര​ണ​വു​മാ​യി ആ​ന​യെ എ​ഴു​ന്ന​ള്ളി​ച്ച​ത​ട​ക്ക​മു​ള്ള സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ് ക​ള​ക്ട​ർ സ​മി​തി​യു​ടെ അ​ടി​യ​ന്ത​രയോ​ഗം വി​ളി​ച്ച​ത്.

ജി​ല്ലാപ​ഞ്ചാ​യ​ത്ത് പ്ര​സി​ഡ​ന്‍റ് ആ​ശ സ​നി​ലും യോ​ഗ​ത്തി​ൽ പ​ങ്കെ​ടു​ത്തു. പാ​ട്ടു​പു​ര​യ്ക്ക​ൽ ക്ഷേ​ത്ര​ത്തി​ൽ എ​ഴു​ന്ന​ള്ളി​ച്ച ആ​ന​യെ നേ​രി​ട്ടു പ​രി​ശോ​ധി​ക്കാ​തെ​യാ​ണ് വെ​റ്റ​റി​ന​റി സ​ർ​ജ​നാ​യ ഡോ. ​ഏ​ബ്ര​ഹാം ത​ര​ക​ൻ സ​ർ​ട്ടി​ഫി​ക്ക​റ്റ് ന​ൽ​കി​യ​തെ​ന്ന് സ​മി​തി​ക്ക് ബോ​ധ്യ​പ്പെ​ട്ടു.

സ​ർ​ക്കാ​ർ വെ​റ്റ​റി​ന​റി സ​ർ​ജ​ന​ല്ലാ​ത്ത ഏ​ബ്ര​ഹാം ത​ര​ക​ൻ ഇ​ത്ത​ര​ത്തി​ൽ ച​ട്ട​വി​രു​ദ്ധ​മാ​യി സ​ർ​ട്ടി​ഫി​ക്ക​റ്റ് ന​ൽ​കി​യ​തി​നെ​ക്കുറി​ച്ച് അ​ന്വേ​ഷി​ക്കാ​ൻ സാ​മൂ​ഹ്യ വ​ന​വ​ത്ക്ക​ര​ണ വി​ഭാ​ഗം അ​സി​സ്റ്റ​ന്‍റ് ക​ണ്‍​സ​ർ​വേ​റ്റ​റെ ചു​മ​ത​ല​പ്പെ​ടു​ത്തി.

ആ​ന​ക​ളെ പ​രി​ശോ​ധി​ക്കാ​തെ മു​ന്പും സ​ർ​ട്ടി​ഫി​ക്ക​റ്റ് ന​ൽ​കി​യെ​ന്ന പ​രാ​തി​യി​ൽ വെ​റ്റി​ന​റി മെ​ഡി​ക്ക​ൽ കൗ​ൺ​സി​ൽ വ​രു​ന്ന ആ​റി​ന് ഡോ. ​ഏ​ബ്ര​ഹാം ത​ര​ക​ന്‍റെ ഹി​യ​റിം​ഗ് ന​ട​ത്തും. ജി​ല്ല​യി​ൽ ഈ ​ഉ​ത്സ​വ സീ​സ​ണി​ൽ ആ​ന​ക​ൾ​ക്ക് ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കാ​ൻ കോ​ട​നാ​ട്ടു​ള്ള വ​നം വ​കു​പ്പി​ന്‍റെ അ​സി​സ്റ്റ​ന്‍റ് ഫോ​റ​സ്റ്റ് വെ​റ്റ​റി​ന​റി ഓ​ഫീ​സ​ർ​മാ​ർ​ക്കു മാ​ത്ര​മാ​ണ് അ​ധി​കാ​ര​മെ​ന്നും ക​ള​ക്ട​ർ വ്യ​ക്ത​മാ​ക്കി.

അ​ടു​ത്ത സീ​സ​ൺ മു​ത​ൽ ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കു​ന്ന​തി​നാ​യി അ​ഞ്ച് സ​ർ​ക്കാ​ർ വെ​റ്റ​റി​ന​റി ഡോ​ക്ട​ർ​മാ​ര​ട​ങ്ങി​യ പാ​ന​ലി​നു രൂ​പം ന​ൽ​കും. 15 ദി​വ​സ​മാ​ണ് ഫി​റ്റ്ന​സ് സ​ർ​ട്ടി​ഫി​ക്ക​റ്റി​ന്‍റെ സാ​ധു​ത.ആ​ന​ക​ളെ ഒ​രി​ട​ത്തു നി​ന്ന് മ​റ്റൊ​രി​ട​ത്തേ​ക്കു കൊ​ണ്ടു​പോ​കു​ന്ന​തി​ൽ വേ​ന​ൽ​ക്കാ​ല​ത്തെ ക​ന​ത്ത ചൂ​ട് ക​ണ​ക്കി​ലെ​ടു​ത്ത് നി​യ​ന്ത്ര​ണ​മേ​ർ​പ്പെ​ടു​ത്താ​നും യോ​ഗം തീ​രു​മാ​നി​ച്ചു.

രാ​വി​ലെ ആ​റി​നും വൈ​കു​ന്നേ​രം ആ​റി​നു​മി​ട​യി​ൽ ആ​ന​ക​ളെ ന​ട​ത്തി​യോ വാ​ഹ​ന​ത്തി​ലോ കൊ​ണ്ടു​പോ​കു​ന്ന​ത് അ​നു​വ​ദി​ക്കി​ല്ല. വൈ​കു​ന്നേ​രം ആ​റി​നും രാ​വി​ലെ ആ​റി​നും ഇ​ട​യി​ൽ മാ​ത്ര​മേ ആ​ന​ക​ളു​ടെ നീ​ക്കം അ​നു​വ​ദി​ക്കു​ക​യു​ള്ളൂ. തീ​രു​മാ​നം ന​ട​പ്പി​ൽ വ​രു​ത്താ​ൻ പോ​ലീ​സ്, വ​നം വ​കു​പ്പു​ക​ൾ രം​ഗ​ത്തു​ണ്ടാ​കും.