തമിഴില്‍ നിന്നു വന്ന് മലയാളികളുടെ മനംകീഴടക്കിയ നടനാണ് ബാല. ഗായിക അമൃത സുരേഷുമായുള്ള ബാലയുടെ പ്രണയവും വിവാഹവും വിവാഹമോചനവുമെല്ലാം മലയാളികള്‍ ചര്‍ച്ചചെയ്തു.
അമൃതയുമായി വേര്‍പിരിഞ്ഞ ശേഷം മലയാളി ഡോക്ടര്‍ എലിസബത്ത് ഉദയനെയാണ് ബാല വിവാഹം കഴിച്ചത്.
വിവാഹത്തിന്റെ ആദ്യനാളുകളില്‍ ബാലയോടൊപ്പം എലിസബത്തും സോഷ്യല്‍മീഡിയയില്‍ സജീവമായിരുന്നു.
എന്നാല്‍ കുറച്ചു നാളുകളായി എലിസബത്തിനെ ബാലയ്ക്കൊപ്പം സോഷ്യല്‍ മീഡിയയില്‍ കാണാതായതോടെ ഇവര്‍ തമ്മില്‍ അകന്നു എന്ന നിലയിലായി പ്രചാരണങ്ങള്‍.
ഒപ്പം തന്നെ ബാലയെപ്പറ്റിയുള്ള ഒരു ട്രോളും സോഷ്യല്‍ മീഡിയയില്‍ പ്രചാരണം നേടി. ഇപ്പോള്‍ അനൂപ് മേനോന്‍ ബാലയെക്കുറിച്ച് പറഞ്ഞ ഒരു പരാമര്‍ശം ശ്രദ്ധ നേടുകയാണ്
ഒരു ചാനല്‍ ഷോയ്ക്കിടെ ടിനി ടോം ബാലയുടെ ശബ്ദം അനുകരിച്ചതാണ് എല്ലാത്തിന്റെയും തുടക്കം. 2012ല്‍ ബാല സംവിധാനവും നിര്‍മ്മാണവും നിര്‍വഹിച്ച ‘ദി ഹിറ്റ് ലിസ്റ്റ്’ എന്ന സിനിമയുടെ കാസ്റ്റിങ് വേളയില്‍ ടിനിയെ ക്ഷണിച്ചതാണ് വിഷയമായത്
മലയാളി അല്ലാഞ്ഞിട്ടു കൂടി ബാല വളരെ ബുദ്ധിമുട്ടി മലയാളത്തില്‍ തന്നെ സംസാരിക്കാന്‍ ശ്രമിക്കാറുണ്ട്.
നാന്, പ്രിത്തിരാജ്, ഉണ്ണി മുകുന്ദന്‍, അനൂപ് മേനോന്‍… എന്ന് തുടങ്ങുന്ന ബാലയുടെ സംസാരമാണ് ടിനി അനുകരിച്ചത്. ആ സിനിമയില്‍ ടിനി ടോം വേഷമിടുകയും ചെയ്തു
ഒരു ഓണ്‍ലൈന്‍ ചാനലിന് അഭിമുഖം നല്‍കവേ ബാലയുടെ സംസാര രീതിയെ ട്രോള് ചെയ്യുന്നതിനെക്കുറിച്ചുള്ള ചോദ്യം അനൂപ് മേനോന്റെ മുന്നിലുമെത്തി.
അപ്പോള്‍ അതേക്കുറിച്ച് അനൂപ് മേനോന്‍ പറഞ്ഞതിങ്ങനെ…അതൊരു തമാശയായി എടുക്കുന്നതില്‍ കുഴപ്പമില്ല. ബാലയെ വേദനിപ്പിക്കുന്ന തരത്തിലാവരുത്. ബാല ഒരു പാവം മനുഷ്യനാണ്. സത്യസന്ധനാണ്…
അദ്ദേഹം തമിഴ്‌നാട്ടില്‍ ജീവിച്ചു വളര്‍ന്നയാളാണ്. അദ്ദേഹം മലയാളം സംസാരിക്കുമ്പോള്‍ അതിന്റേതായ രീതിയുണ്ട്. നമ്മള്‍ തമിഴ് സംസാരിക്കുമ്പോള്‍ അവര്‍ അത് കോമഡി ആക്കിയാല്‍ എങ്ങനെയുണ്ടാവും? അത് ചെയ്യരുത്.
ടിനി അത് തമാശ രൂപേണ പറഞ്ഞതാണ്. അത് ഊതിപ്പെരുകി ഇങ്ങനെയായി എന്നാണ് എനിക്ക് തോന്നുന്നത്…
ബാലയെ വിളിച്ച് സംസാരിച്ചിട്ടുണ്ട്. ബാല എന്നെ ആ സിനിമയ്ക്ക് വിളിച്ചിരുന്നു. അത് സത്യമാണ്. ബാല കള്ളം പറഞ്ഞിട്ടില്ല.
ബാല എന്നെയും രാജുവിനെയും വിളിച്ചിട്ടുണ്ട് എന്നാണ് അറിയുന്നത്. എന്നെ എന്തായാലും വിളിച്ചിട്ടുണ്ട്. ഇക്കാര്യം പറയാന്‍ എന്റെ വീട്ടില്‍ വന്നിട്ടുണ്ട്. അന്ന് അത് ചെയ്യാന്‍ പറ്റിയില്ല എന്ന് മാത്രം…അനൂപ് മേനോന്‍ പറഞ്ഞു
